I Sam 20:1 - Sơ̆p Hlabơar Nơ̆r 'Bok Kei-Dei

¹ Đawit klĕnh đơ̆ng Naiôt lăm pơlei Rama, năm tơ Jônathan, na apinh Jônathan: Inh đei pơm yoch kiơ, tơdrong kơnê̆ kiơ? Inh pơm tơdrong yoch kiơ hăm 'bă ih, na mă sư chă đon wă pơlôch inh?

I Sam 20:1 Iomraidhean Croise

Horiso 54:3

Yua kơ bơngai tơmoia blah inh; Bơngai kơnê̆ chă wă pơrăm tơdrong arih inh.b Lu sư ưh kơ tơchĕng kơ Kră Yang 'Bok Kei-Dei ôh, Sêla

II Kor 1:12

Tơdrong nhôn hiôk, nhôn hiôk yua kơ tơdrong âu: Jơhngơ̆m đon nhôn mơn kơdih nhôn pơm 'lơ̆ng kơ đĭ-đăng bơngai; mă loi pơm 'lơ̆ng pơm tơpăt hăm iĕm. Mă-lei nhôn ưh kơ bơnê kơ akâu nhôn kơdih hơgei ôh, nhôn bơnê kơ 'Bok Kei-Dei tơgŭm nhôn pơm 'lơ̆ng thoi noh.

II Pet 2:9

Thoi noh bơ̆n băt nhên boih, 'Bok Kei-Dei băt, gơh pơklaih dôm lu bơngai kơkuh kơ Sư đơ̆ng tơdrong pơmat-tat; păng bơ̆n kư̆m băt Sư oei phak dôm lu bơngai pơm kơnê̆, truh tơ năr Sư wă sek tơlang ning-mônh.

I Yo 3:21

Ơ 'nhŏng oh mă juăt păng inh, dah bơ̆n băt bơ̆n jing kon 'Bok Kei-Dei tơpă boih, lei bơ̆n huay pă hli kơ Sư boih hŏ.

I Sam 12:3

Âu inh dơ̆ng 'bơ̆t anăp lu iĕm, 'bơ̆t anăp Kră Yang păng 'bơ̆t anăp pơtao mă Kră Yang đei tuh đak rơmă pơk pơm pơtao, wă kơ lu iĕm roi pơdah ăn. Inh hăm đei rôp rơmo bu ưh? Hăm rôp aseh đe bu ưh? Inh hăm hơlĕnh đe bu ưh? Pơm kơnê̆ tôn teh đe bu ưh? Inh hăm pơgâm sa đe wă bơbĭt lê̆ măt đe lăm dôm tơdrong jang kiơ ưh? Tơdah đei pơm thoi noh, gô pơdrâu đĭ kơ iĕm.

I Sam 19:1

Sôl pơđâu chă đon hăm Jônathan, kon drŏ-nglo sư păng lu đĭch đam sư wă pơlôch Đawit mă-lei Jônathan, kon drŏ-nglo Sôl, 'mêm dêh kơ Đawit.

I Sam 19:18

Kơplah noh, Đawit kơdâu klĕnh sư năm tơ Samuel tơ Rama, roi ăn kơ Samuel dôm tơdrong mă Sôl pơm kơ sư. Na Đawit hăm Samuel năm, oei tơ Naiôt.

I Sam 20:2

Jônathan tơl sư: Ưh, ih huay kơ lôch ôh. 'Bă inh ưh kơ đei pơm kiơ, mă tơdrong tih dah tơdrong iĕ, khan ưh kơ roi kơ inh. Na 'bă inh wă ôn kơ inh tơdrong 'nâu ah? Ưh kơ đei ôh.

I Sam 20:32

Jônathan tơl, 'bă sư: Liơ wă pơlôch sư? Sư pơm glăi kiơ?

I Sam 24:11

Ơ 'bă! Lăng bĕ tơdrơi ao ih mă inh oei chĕp lăm tơpang ti inh; ih 'bôh inh lăp kăt iŏk tơdrơi ao ih mă-lei inh ưh kơ pơlôch ih, băt boih inh ưh kơ đei pơm tơdrong yoch kiơ hăm ih. Mă-lei gah ih, chă wă pơlôch inh.

I Sam 24:12

Apinh Kră Yang gô sek tơlang ih păng inh. Kră Yang gô pơm 'mong kơ ih ăn kơ inh, mă-lei gah inh ưh kơ đei pơm kiơ truh kơ akâu jăn ih.

I Sam 24:17

Sôl khan kơ Đawit: Kon pơm tơpăt hloh kơ 'bă, yua kơ iŏk tơdrong 'lơ̆ng, na pơm 'mong tơdrong kơnê̆ 'bă hlôi pơm ăn kơ kon.

I Sam 24:9

Đawit khan kơ Sôl: Yua kơ kiơ pơtao mơ̆ng dôm lu nơ̆r đe khan: Đawit chă wă pơrăm pơtao?

I Sam 26:18

Sư pơma dơ̆ng: Yua kơ kiơ yŏng tơ'ngla inh druh 'moi wă rôp đĭch đam ih thoi noh? Inh đei pơm tơdrong kiơ păng tơpang ti inh đei pơm boih tơdrong yoch kơnê̆ yă kiơ?