I Sam 2:9 - Sơ̆p Hlabơar Nơ̆r 'Bok Kei-Dei

⁹ Sư wei-lăng jơ̆ng lu bơngai kiơ̆ Sư tơpăt; Mă-lei lu bơngai kơnê̆ sư gô tơlơ̆ lê̆ lăm măng mu. Kon bơngai ưh kơ kĕ ôh yua tơdrong pran kơdih.

I Sam 2:9 Iomraidhean Croise

Jop 18:18

Đơ̆ng anih hơdah đe klơ̆m lê̆ sư tơ lăm anih măng mu, păng puh tơweh sư đơ̆ng teh đak lu bơngai arih.

Jop 40:13

'Bŭ bĕ lu sư hơdai băl lăm 'mui teh, gom klơ̆p lê̆ muh măt lu sư lăm bơsat.

Jop 5:16

Thoi noh lu bơngai dơnuh hoh đei chang hơmĕng, lu bơngai kơnê̆ Kră Yang pơŏm lê̆ 'bơ̆r.”

Jop 5:24

Ih gô băt sĭt bơsŭn anih ih oei hiôk jơnap. Ih gô wei rong lu khŭl triu rơmo ih, oei tôm ưh kơ đei hiong ayơ.

Horiso 1:6

Yua kơ Kră Yang băt trong lu bơngai tơpăt, Mă-lei trong lu bơngai kơnê̆ gô hiong răm.

Horiso 105:37

Na Sư chông ba Isơrael lĕch đei chĕp ba hu maih, Ưh kơ đei bu lap rơmơ̆n lăm lu adrĕch lu sư.

Horiso 121:3

Sư ưh kơ đei lê̆ jơ̆ng ih tơpling. Sư Tơ'ngla wei-lăng ih ưh kơ layơ tep.

Horiso 121:5

Kră Yang Tơ'ngla wei-lăng ih. Kră Yang yơ̆p pơyơ̆l kơ ti 'ma ih.

Horiso 121:8

Kră Yang gô wei-lăng kơplah ih lĕch dah ih mơ̆t. Đơ̆ng dang ei dĭng truh tơ ning-mônh ling-lang.

Horiso 145:20

Kră Yang wei-lăng lu bơngai mă 'mêm kơ Sư, Mă-lei gô pơlôch pơrăm lu bơngai pơm kơnê̆.

Horiso 31:17

Ơ Kră Yang! 'Nĕ ăn kơ inh mơlâu, yua kơ inh krao apinh ih. Ăn kơ lu bơngai kơnê̆ mơlâu păng ngăn hreh jur tơ lăm dêh atâu!g

Horiso 37:28

Kră Yang lăp đon kơ tơdrong tơpăt, Ưh kơ đei achăng lê̆ lu bơngai 'lơ̆ng rơgoh Sư; Lu sư đei Kră Yang wei-lăng ling-lang: Mă-lei gah lu adrĕch adrung bơngai kơnê̆ gô răm đĭ.

Horiso 94:18

Ơ Kră Yang, mưh inh khan: “Jơ̆ng inh tơsĕr.” Na tơdrong 'mêm Ih dui tơiung inh hloi.

Horiso 97:10

Ơ lu bơngai mă 'mêm kơ Kră Yang areh bĕ kơ tơdrong kơnê̆; Sư wei wêr tơdrong arih bơngai 'lơ̆ng rơgoh Sư. Păng dŏng pơklaih lu sư đơ̆ng ti lu bơngai pơm kơnê̆.

Tơdrông Pơđơk 16:9

Đon tơchĕng bơngai chă rơih trong kơdih wă; Mă-lei Kră Yang ba trong sư.

Tơdrông Pơđơk 2:8

Sư wei-lăng trong lu bơngai tơpăt, Sư bơwei trong lu bơngai hli yom kơ Sư.

Tơdrông Pơđơk 3:26

Yua kơ Kră Yang boih anih ih gơnang, Sư gô wei-lăng jơ̆ng ih huay kơ puh 'năk.

Bôk Bơthô 5:17

Ih sa rai oei arih tơ lăm măng mu, đei lơ tơdrong ơh sơ'ngon chhŭr nuih, gleh lap, jĭ jăn.

Bôk Bơthô 9:11

Inh 'bôh dơ̆ng đei tơ lăm ala teh 'nâu. Bơngai kơdâu hrĕnh kư̆m ưh kơ jei sư ling-lang lăm năr kơdâu pơjei, bơngai pran kư̆m ưh kơ kĕ tơblah jei ngăl, bơngai hơgei kư̆m ưh kơ đei tơmam sa phĭ mah ngăl, bơngai hlôh wao kư̆m ưh kơ mơdrŏng ngăl, bơngai đei 'bơ̆r đon kư̆m ưh kơ đei pŭn hiôk, yua kơ jơ lăp gô truh kơ đĭ-đăng rim bơngai lei-lăi.

Êsai 27:3

Inh bơih Kră Yang Tơ'ngla wei-lăng sư, gô ruh đak kơ sư ling-lang, păng inh wei-lăng sư măng năr kơnh hli kơ đe pơrăm sư.

Êsai 47:5

Ơ kon adruh bơngai Kalđê, hơ-oei hreh bĕ, năm bĕ lăm anih măng mu! Yua kơ đơ̆ng dang ei đe ưh pă krao ih drŏ-kăn pơtao kơ teh đak dơ̆ng bơih.

Je 8:14

“Liơ lu bơ̆n hơ-oei tơ âu? Bĕ bơ̆n akŭm băl! Bĕ bơ̆n kơdâu ôn mơ̆t oei tơ lăm lu pơlei tih kơjăp noh păng lôch tơ noh, yua kơ Kră Yang 'Bok Kei-Dei pơkă wă pơlôch pơrăm bơ̆n! Sư ăn boih kơ bơ̆n nhă đak bơnhŭl yua kơ bơ̆n pơm yoch boih hăm Sư.

Je 9:23

Kră Yang khan: “Bơngai hơgei 'nĕ pă pơang kơ sư hơgei, bơngai pran 'nĕ pă pơang kơ sư pran. Bơngai mơdrŏng kư̆m 'nĕ pă pơang kơ sư mơdrŏng;

Na 1:8

Gah lu bơngai ayăt kơ Kră Yang đak lơ̆p pơrăm anih lu sư păng druh lu ayăt kơ Sư kơdâu mơ̆t lăm tơdrong măng mu.

Jêphania 1:15

Năr noh năr tơdrong hil, năr pơmat-tat ơh sơ'ngon, năr noh năr đe pơlôch pơrăm, năr măng mu păng năr ưh kơ đei hơdah năr hơmơ̆l păng tŭk gom,

Sa 4:6

Sư tơl inh: “'Nâu jơ̆ nơ̆r Kră Yang khan kơ Sôrôbabel, thoi âu: ‘Noh ưh kơ sĭ đơ̆ng tơdrong gơh hơgei, kư̆m ưh kơ sĭ đơ̆ng tơdrong pran kơtang ôh, mă-lei đơ̆ng Yang Bơhngol 'Lơ̆ng Inh.’ Kră Yang Tih Hloh khan thoi noh.*

Jo 6:24

Apơi Kră Yang ăn tơdrong pŭn hiôk kơ iĕm păng tơgŭm wei-lăng iĕm.

Mathiơ 8:12

Lu bơngai Juđê 'Bok Kei-Dei 'mêm kơeng kơ adrĕch adrung lu sư ră, mă-lei lu sư ưh kơ wă lui, na ning-mônh 'Bok Kei-Dei gô tơlơ̆ tŭk lu sư tơ lăm anih măng mu, lê̆ lu sư nhơ̆m hmoi tơkăp sơnĕnh tơ noh.”

Rom 3:19

Bơ̆n băt boih tơdrong đe chih noh sơ̆ ưh kơ trŏ jô̆ kơ lu bơngai nai đĕch pơm yoch ôh. Sư jô̆ kơ lu bơngai Juđê kư̆m pơm yoch mơ̆n, yua kơ sơ̆p hla bơar 'Bok Kei-Dei wă chih bơtho lu sư. 'Noh na lu bơngai Juđê bơ̆n băt boih, đĭ-đăng kon bơngai ưh kơ đei bu gơh khan sư bơngai ưh kơ yoch. Đĭ-đăng kon bơngai lăm teh đak yoch hăm 'Bok Kei-Dei ngăl boih.

Both 33:3

Sư 'mêm kơ kon pơlei pơla Sư tơpă; đĭ-đăng lu linh jang oei lăm tơpang ti Sư; Sơtơ̆p kŭl-tăng kơkuh 'bơ̆t jơ̆ng Sư. Sơng iŏk nơ̆r bơtho khan đơ̆ng Sư.

I Pet 1:5

Yua kơ bơ̆n lui păng gơnang kơ Sư tơpă, na 'Bok Kei-Dei tơ'ngla mă mơsêh mơyang, Sư wei-lăng lu bơ̆n ling-lang truh tơ năr Sư wă ăn kơ bơ̆n tôm tơdrong mă Sư đei hơmet lê̆ boih tơ năr tôch noh kơnh.

II Pet 2:17

Lu bơngai noh dang ei jing ưh kơ yua, thoi lĕ kơ đak ưh pă ro đơ̆ng tu sư boih; lu sư thoi hơmơ̆l păr tơ rơwơ̆ng kial dơhlu jơ̆p-jang. Thoi noh 'Bok Kei-Dei wă phak lu sư, ăn kơ lu sư oei tơ anih măng mu, yua kơ lu sư jing bơngai ưh pă yua boih.

Ju 1:1

Inh Jut, oh Yakơ, hăm đĭch đam Yêsu Krist, chih hơpong kơ lu bơngai mă 'Bă tơm bơ̆n 'Bok Kei-Dei 'mêm rơih iŏk sư boih, wă khan lu bơngai mă Yêsu Krist wei-lăng.

Ju 1:13

Lu sư kư̆m thoi đak dơsĭ poh-yă tih, tơglăk kơmuh tơmông tơmang 'bĕnh-'bang tơdrong kơnê̆ 'mê̆-'mach. Păng thoi sơnglŏng nơnăm ưh pă tơklă kơ trong sư juăt kơ nơnăm. 'Bok Kei-Dei gô ăn kơ lu sư oei tơ anih măng mu ling-lang ưh kơ layơ tôch.

Ju 1:3

Ơ 'nhŏng oh mă inh 'mêm kơeng, ki inh wă chih kơ iĕm kơthơ ră, chih hơpong gah tơdrong 'Bok Kei-Dei pơklaih bơ̆n jing hiôk chơt. Mă-lei dang ei inh kơtơ̆ng đei tơdrong khan đe wă pơhlŭ iĕm, na dang ei inh jing chih pơlung iĕm, wă kơ iĕm adrin 'biơ̆ păng lui mă kơjăp, kiơ̆ dôm tơdrong 'Bok Kei-Dei tơbăt ăn kơ lu bơ̆n kon Sư. Dôm tơdrong Sư tơbăt tôm boih, ưh kơ layơ tơplih dơ̆ng. Thoi noh na iĕm athei pơjah pơjăng păng lu bơngai mă pơhlŭ pơlung iĕm noh 'biơ̆.

I Sam 25:26

Kră Yang găn ih wă pơm tuh pham wă pơm 'mong inh pao anăn Kră Yang mă arih ling-lang păng tơdrong arih ih kơdih na pơkă; hơpơi kơ lu ayăt kơ ih păng lu bơngai chă wă pơrăm ih kư̆m pŭ nhen thoi Nabal!