I Sam 2:7 - Sơ̆p Hlabơar Nơ̆r 'Bok Kei-Dei

⁷ Kră Yang ăn kơ đe dơnuh, Păng tơiung đe mơdrŏng; Sư tơjur đe păng kư̆m pôk hơtŏk mơ̆n.

I Sam 2:7 Iomraidhean Croise

II Pot 9:6

Thoi noh, Jêhu gruih iung mơ̆t lăm hnam, na bơngai tơdăm ei tuh đak 'bâu phu kơpal kơ̆l sư păng khan: “Kră Yang 'Bok Kei-Dei Isơrael khan thoi âu: Inh rơih iŏk ih ăn kơ đe tuh đak 'bâu phu ăn kơ ih pơm pơtao đe Isơrael wei-lăng kon pơlei Kră Yang.

I Ho 29:12

Tơdrong mơdrŏng mơng, păng tơdrong pơyom lĕch đơ̆ng Ih ngăl, Ih boih wei-lăng đĭ-đăng; tơdrong mơsêh mơyang pran kơtang lăm ti Ih; Ih pơm ăn đei tơdrong pơyom păng ăn jơhngơ̆m pran kơ rim 'nu bơngai.

II Ho 32:27

Hesekia mơdrŏng mơng păng đei đe pơyom tơpă, sư đei man hnam mong hu, maih, tơmo gĭt, tơmam 'bâu phu, đei khêl păng lu đao hơlă tơmam tơblah 'lơ̆ng 'lơ̆ng.

II Ho 32:29

Sư kư̆m pơm lu pơlei tih kư̆m đei lơ lu rơmo, triu, bơbe, yua kơ Kră Yang 'Bok Kei-Dei ăn kơ sư lơ mŭk tơmam.

Jop 1:21

Păng khan: “Mĕ inh tơpŭ kơ inh sơ̆ akâu hoh, păng inh brŏk tơ teh kư̆m gô akâu hoh mơ̆n; Kră Yang asong ăn, Kră Yang pơdrâu iŏk dơ̆ng; trŏ bơnê kơ anăn Kră Yang!”

Jop 40:12

Lăng bĕ tơ lu bơngai pơang păng teh tơhuŏng lê̆ sư; Kŭm teh pơjuă bĕ lu bơngai pơm kơnê̆ kơtă anih sư.

Jop 5:11

Sư tơiung lu bơngai răm-'băm. Ăn kơ lu bơngai nhơ̆m hmoi oei tơ anih hơđơ̆ng.

Horiso 102:10

Yua kơ Ih hil mĭl dêh hiŏng klơ̆m lê̆ inh tơ ataih.

Horiso 75:7

Mă-lei Kră Yang 'Bok Kei-Dei Tơ'ngla sek tơlang; Sư tơjur đe âu păng hơtŏk đe noh.

Horiso 75:8

Lăm ti Kră Yang đei chĕp pơnhan. Tơdrô blôk yuh; Sư tuh 'bĕnh kơ tơdrô hơkăm. Đĭ-đăng lu bơngai kơnê̆ lăm teh đak gô huch tơdrô noh; păng huch pơgoh đĭ kơdroh sư.

Tơdrông Pơđơk 22:2

Bơngai mơdrŏng bơngai dơnuh kư̆m lei-lăi. Bre sư đơ̆ng Kră Yang pơjing ngăl.

Êsai 2:12

Đei minh năr Kră Yang Tih Hloh pơkă bơih, đei minh năr Sư gô pơm kơ bơngai pơang, păng lu bơngai pơrŏ akâu sư kơdih, đĭ-đăng lu sư Kră Yang gô tơhuŏng lê̆.

Je 49:15

'Nâu, Inh gô pơm kơ ih jing iĕ tơrăn hloh kơ lu dêh char, păng đe gơ̆ pơjăm.

Êsêkiên 17:24

Đĭ-đăng lu 'long tơ bri brah gô băt kơ Inh boih Kră Yang, tơjur lê̆ 'long kơjung na hơtŏk lu 'long kơđeh, pơm kơ 'long hơdrih jing kro, 'long kro jing hơdrih 'lơ̆ng. Inh boih Kră Yang đei khan păng gô pơm tơdrong noh.’ ”

Ya 4:10

Iĕm athei pơma sơdrĭ tơ ala kơ Sư, na Sư 'brơ̆k mơnat tơiung iĕm.