I Sam 2:32 - Sơ̆p Hlabơar Nơ̆r 'Bok Kei-Dei

³² Ih gô 'bôh đei tơdrong rŭng răng lăm adrĕch Ih, mă khan đei pơm 'lơ̆ng kơ lu bơngai Isơrael ră mă-lei kư̆m oei ưh kơ đei bu arih dĭng kră lăm adrĕch ih dơ̆ng.

I Sam 2:32 Iomraidhean Croise

Sa 8:4

Kră Yang Tih Hloh khan thoi âu: “Gô oei đei lu 'bok kră yă kră oei tơ rok trong pơlei Jêrusalem, bu bu kư̆m tă kơ chĕp 'long jra ngăl, yua kơ kră boih.

I Sam 2:33

Inh gô oei lê̆ minh 'nu đơ̆ng lăm adrĕch iĕm, wă kơ oei bơ̆jang tơ chơnang soi inh, mă-lei bơngai noh arih pơmat-tat chhŭr nuih lăm jơhngơ̆m. Yua kơ lu kon hơ'lơ̆p păng lu bơngai nai gô lôch kơ đao gưm.

I Sam 4:11

Hom Pơgơ̆p Kră Yang 'Bok Kei-Dei đe blah iŏk, 'bar 'nu kon drŏ-nglo Hêli, Hopni păng Phinêhas, lôch.

I Sam 4:22

Sư pơma dơ̆ng: Tơpă, tơdrong ư-ang Kră Yang đe Isơrael đĭ weh boih đơ̆ng bơngai Isơrael yua kơ Hom Pơgơ̆p Kră Yang 'Bok Kei-Dei đe đĭ blah iŏk bơih.

I Sam 4:4

Thoi noh, lu sư wơh bơngai năm tơ Silô, tung iŏk Hom Pơgơ̆p Kră Yang Tih Hloh, Tơ'ngla mă oei tơ lăm lu chêrubim. 'Bar 'nu kon drŏ-nglo Hêli, jơ̆ Hopni păng Phinêhas, bre sư kư̆m năm kiơ̆ Hom Pơgơ̆p Kră Yang 'Bok Kei-Dei mơ̆n.