I Sam 2:30 - Sơ̆p Hlabơar Nơ̆r 'Bok Kei-Dei

³⁰ Lei na Kră Yang 'Bok Kei-Dei khan. Inh pơkă bơih hăm hnam ih păng hnam 'bok ih gô bơ̆jang kơ inh ling-lang hloi. Mă-lei dang ei Kră Yang khan: Ưh kơ lei ôh. Inh gô pơyom kơ bơngai bu mă pơyom kơ Inh, bơngai bu mă pơjăm Inh, Inh kư̆m gô pơjăm sư.

I Sam 2:30 Iomraidhean Croise

I Pot 11:11

Na Kră Yang khan kơ Sôlômôn: “Yua kơ ih pơm tơdrong 'nâu, ih ưh kơ wei răk tơdrong Inh pơgơ̆p păng tơdrong juăt Inh tơtă kơ ih, na Inh gô hek lê̆ teh đak mă ih pơgơ̆r 'nâu, asong ăn kơ đĭch đam ih.

I Pot 2:27

Na Sôlômôn puh lê̆ Abiathar, ưh pă ăn sư pơm 'bok soi kơ Kră Yang dơ̆ng, noh wă pơsĭt nơ̆r Kră Yang đei pơma khan lê̆ gah adrĕch Hêli tơ pơlei Silô.

I Ho 17:18

“Đawit ưh pă băt wă bơnê kơ Kră Yang thoi yơ dơ̆ng, yua kơ đơ̆ng Ih pơyom kơ đĭch đam Ih? Yua kơ Ih băt nhen kơ đĭch đam Ih.

II Ho 15:2

Sư năm tơ'bơ̆p Asa păng khan: “Ơ Asa, păng đĭ bơngai Juđa hăm bơngai Bênjamin, mơ̆ng bĕ nơ̆r inh; lu iĕm oei hơdai hăm Kră Yang dang yơ, Kră Yang oei hơdai iĕm dang noh. Tơdah lu iĕm chă Sư lu iĕm gô tơ'bơ̆p, mă-lei tơdah lu iĕm achăng lê̆ Sư, na Sư kư̆m gô achăng lê̆ lu iĕm.

II Ho 26:18

Lu sư găn pơma kơ pơtao Usia: “Ơ pơtao Usia, ih ưh kơ trŏ gơh soh ôh tơmam 'bâu phu ăn kơ Kră Yang, 'nâu tơdrong jang lu 'bok soi pơm, lu kon sâu Arôn, đei 'măn lê̆ lu sư phara rơgoh wă kơ lu sư soh tơmam 'bâu phu. Lĕch bĕ đơ̆ng lăm anih rơgoh 'nâu, ih pơm yoch boih, yua kơ ih pơm 'nâu ih ưh pă đei ư-ang đơ̆ng Kră Yang boih.”

Horiso 18:20

Kră Yang apah inh boih. Kiơ̆ thoi tơdrong tơpăt inh; sư pơdrâu tơwih kơ inh kiơ̆ thoi đêl ti inh rơgoh.

Horiso 18:26

Hăm lu bơngai 'lơ̆ng rơgoh, Ih boih Tơ'ngla 'lơ̆ng rơgoh; Gah lu bơngai ưh kơ chu, Ih gô phak tơpă.

Horiso 50:23

Bu pơyơ̆r nơ̆r bơnê tơmam soi kơkuh ư-ang kơ Inh; păng sư kiơ̆ trong Inh; Inh gô tơ'bôh tơdrong dŏng pơklaih đơ̆ng Kră Yang 'Bok Kei-Dei.”

Horiso 73:20

Ơ Kră Yang nhen thoi apo wă hơđơ̆r 'biao, wă Ih iung Ih hiơt kơ lu sư thoi noh mơ̆n

Horiso 91:14

Kră Yang khan: “Yua kơ ih 'mêm kơ Inh na Inh gô dŏng pơklaih ih; Yua kơ ih băt anăn Inh. Na Inh gô wei-lăng ih

Horiso 91:15

Sư gô krao khan apinh Inh, Inh gô tơl tơwih kơ sư; Lăm năr pơmat-tat, Inh oei hơdai sư, dŏng pơklaih sư păng pôk pơư kơ sư.

Le 28:43

Arôn hăm kon drŏ-nglo sư gô tah hơbĕn 'noh lăm kơplah lu sư mơ̆t tơ Bơsŭn Anih Akŭm dah năm jê̆ chơnang soi wă jang lăm anih rơgoh, kơnh hli kơ lu sư lôch yua kơ hang-hông, tơdrong noh jing tơdrong juăt kơ Arôn păng adrĕch adrung sư pơm ling-lang.

Le 29:9

klaih kơ 'noh iŏk tơlei tơ̆n, tơ̆n ăn kơ lu sư păng pơyơ̆l ăn kơ lu kon drŏ-nglo sư môk, na tơdrong jang jing 'bok soi kiơ̆ tơdrong juăt oei ling-lang. Noh boih tơdrong jang mă ih gô pôk ăn kơ Arôn hăm lu kon drŏ-nglo jing 'bok soi.

Tơdrông Pơđơk 12:8

Bơngai bu gơh hơgei đei đon tơpăt đe bơnê. Mă-lei bơngai bu jơhngơ̆m kơnê̆ đe pơchê pơjăm.

Tơdrông Pơđơk 4:8

Lăng gĭt tơdrong gơh hơgei, na sư gô pôk atŏk ih, Kuăr krôp bĕ sư, na sư pơm kơ đe ư-ang kơ ih.

Tơdrông Pơđơk 8:17

Inh 'mêm kơ lu bơngai 'mêm kơ Inh. Bơngai bu adrin chă Inh gô tơ'bơ̆p Inh.

Êsai 29:13

Kră Yang khan: Kon pơlei âu năm jê̆ Inh hăm 'bơ̆r lu sư đĕch; kơkuh kơ Inh hăm hơkŭng, mă-lei jơhngơ̆m lu sư ataih đơ̆ng Inh. Tơdrong lu sư hli yom kơ Inh jơ̆ kiơ̆ tơdrong tơtă kon bơngai đĕch păng đơ̆ng kon bơngai bơtho ăn.

Je 29:32

Na Kră Yang khan: “Inh gô phak Sêmaia, bơngai Nêhelam păng adrĕch adrung sư hai dơ̆ng. Gah adrĕch sư, ưh kơ đei bu mă oei arih hơdai hăm kon pơlei 'nâu; kơdih akâu sư kư̆m ưh kơ đei 'bôh tơdrong hiôk mă Inh gô ăn kơ kon pơlei Inh, yua kơ sư pơma blơ̆ plơ̆ Inh.’ ” Noh Kră Yang khan.

Je 49:15

'Nâu, Inh gô pơm kơ ih jing iĕ tơrăn hloh kơ lu dêh char, păng đe gơ̆ pơjăm.

Êsêkiên 34:10

Kră Yang khan thoi âu: Inh wă blah lu bơngai wei triu. Inh gô dui iŏk triu Inh đơ̆ng ti lu sư; Inh ưh pă ăn kơ lu sư wei triu Inh dơ̆ng păng lu sư ưh pă gơh 'me rong kơdih dơ̆ng; Inh dŏng iŏk triu Inh đơ̆ng lăm 'bơ̆r lu sư, wă kơ triu Inh ưh pă pơm tơmam sa kơ lu sư dơ̆ng.

Da 4:34

Dĭng truh tôch kơ năr đêl pơkă, inh âu, Nebukatnessar inh ngoi muh măt tơ plĕnh, tơdrong hơgei đei dơ̆ng tơ inh păng inh pơư pơang anăn Kră Yang 'Bok Kei-Dei Tih hloh. Inh gô pơư pơang anăn Kră Yang 'Bok Kei-Dei mă arih ling-lang, dêh char Sư oei đei đơ̆ng chăl âu truh tơ chăl nai.

Malachi 1:6

“Kon drŏ-nglo kơkuh pơyom kơ 'bă sư, đĭch đam hli yom kơ yŏng tơ'ngla sư. Thoi noh tơdah Inh jing 'Bă iĕm, lei tơdrong lu iĕm kơkuh pơyom kơ Inh? Păng tơdah Inh jing yŏng tơ'ngla, lei lu sư hli yom kơ Inh tơ yơ?” Kră Yang Tih Hloh khan kơ lu sư thoi noh. “Ơ lu 'bok soi pơdê anăn Inh!” Lu iĕm đei khan: “Tơ yơ nhôn đei pơdê anăn Ih?”

Malachi 2:3

Tơpă, Inh gô chrih kơ adrĕch lu iĕm rei, kon sâu iĕm păng Inh gô săi 'mê̆ tơ muh măt lu iĕm, wă khan 'mê̆ đơ̆ng ĭch đơ̆ng sem dơrong lu iĕm pơyơ̆r; na Inh gô puh tơweh lu iĕm đơ̆ng anăp Inh.

Jo 11:20

Mă-lei dĭng truh tơ minh khei hloi, dĭng mă 'nhĕm iĕm 'bĕnh mah lĕch trong muh păng lu iĕm đĭ pă 'maih sa, yua kơ lu iĕm achăng lê̆ Kră Yang mă oei tŏk-bŏk lu iĕm păng nhơ̆m krao 'bơ̆t anăp Sư khan: Yua kơ kiơ lu nhôn mă lĕch đơ̆ng char Êyiptơ.

Jo 35:34

Thoi noh, lu iĕm 'nĕ pơm mơgrĭ kơnê̆ 'mê̆ brư̆ kơ teh đak mă lu iĕm wă oei noh, Inh oei; Inh boih Kră Yang oei hơdai lu adrĕch bơngai Isơrael.

Yo 12:26

Bơngai lui jang tơdrong Inh, sư 'noh athei lui kiơ̆ Inh mă tơpă. Bơngai lui jang tơdrong Inh, sư 'noh gô oei hơdai hăm Inh ling-lang păng 'Bă Inh gô ăn kơ sư tơdrong apah.”

Yo 5:23

wă kơ đĭ-đăng bơngai lui yom kơ Kon Sư kư̆m thoi lu sư lui yom kơ 'Bă Sư. Bơngai bu ưh kơ lui yom kơ Kon Sư, bơngai 'noh kư̆m dang sư ưh kơ lui yom kơ 'Bă Sư, yua kơ Kon Sư đơ̆ng 'Bă Sư wơh.

Yo 5:44

Na lơliơ iĕm gơh lui lĕ? Ling-lang iĕm wă kơ bôl iĕm lăp đon kơ iĕm. Minh 'nu Kră Yang 'Bok Kei-Dei đĕch tih hloh tơpă mă-lei iĕm ưh kơ wă Sư lăp đon kơ iĕm.

Yo 8:49

Yêsu khan: “Inh ưh kơ đei yang mơ̆t ôh. Inh pơư pơang anăn 'Bă Inh ră, na iĕm nŏng kơ pơma pơjăm pơjuă Inh.

I Kor 4:5

Thoi noh mă bu bu bơngai thoi yơ bơ̆n 'nĕ chă sek pơma tơdrong sư, gô mơ̆ng kơ Kră Yang jur đĕch, Sư gô tơbăt hơdah ăn tôm tơdrong kon bơngai mă oei ôn pơhrĕp păng tôm tơdrong kon bơngai tơchĕng wă. Hơtai ei kơnh đĭ-đăng rim 'nu kơ bơ̆n mă pơm kiơ̆ kơ Sư wă gô đei nơ̆r Kră Yang bơnê.

I Pet 1:7

Tơdrong gleh 'Bok Kei-Dei wă pơlong lăng tơdrong lui bơ̆n, wă kơ băt bơ̆n lui tơpă dah ưh. Bĭ maih đe kư̆m 'buh pơlong sư tơ ŭnh wă kơ băt sư maih tơpă dah ưh; na tơdrong bơ̆n lui kơ Yêsu Krist kăl hloh kơ maih tơpă, yua kơ maih sư gô hiong răm. Na bơ̆n kon bơngai trŏ kơ 'Bok Kei-Dei pơlong lăng tơdrong lui bơ̆n wă kơ bơ̆n lui kơjăp, na Sư gô bơnê kơ bơ̆n, hăm ăn kơ bơ̆n hiôk kơplah năr Yêsu Krist jur ning-mônh.

Lu 9:10

Lu tơm 'long năm khan kơ tơm 'long hơra: Năm pơgơ̆r lu nhôn bĕ.