I Sam 2:26 - Sơ̆p Hlabơar Nơ̆r 'Bok Kei-Dei

²⁶ Samuel rai wơ̆ 'lŏ lăm akâu; pơm ăn kơ Kră Yang hăm kon bơngai bơ̆n lăp đon.

I Sam 2:26 Iomraidhean Croise

Bl 39:4

Thoi noh Jôsep đei yŏng tơ'ngla sư lăp đon păng gơnang; yŏng sư jao kơ sư jang, wei-lăng mŭk măk lăm hnam dơnŏ, jao ăn đĭ-đăng mŭk tơmam kơ sư.

Tơdrông Pơđơk 3:3

'Nĕ kơ lê̆ ôh tơdrong 'mêm mơnat păng tơnăp, 'Băk sư tơ hơko ih, chih răk sư tơ lăm jơhngơ̆m ih.

Tơdrông Pơđơk 3:4

Ih gô đei tơdrong mơnat păng đei tơdrong ư-ang 'lơ̆ng. 'Bơ̆t anăp Kră Yang 'Bok Kei-Dei păng kon bơngai.

Luka 1:80

Kon sư ei rai đunh rai wơ̆ păng nuih pran kơtang. Sư oei tơ char glă chơngue truh kơ 'Bok Kei-Dei gơh yua sư chă bơtho kơ lu bơngai Isơrael.

Luka 2:40

Na Yêsu rai đunh rai wơ̆ kư̆m đei jơhngơ̆m pran. Sư kư̆m 'bơ̆r đon hlôh wao tôm tơdrong. 'Bok Kei-Dei lăp đon kơ Sư tơpă tơgŭm Sư ling-lang.

Luka 2:52

Na Yêsu 'brư̆ kơ khei 'brư̆ kơ sơnăm rai 'lŏ rai hơgei, mă 'Bok Kei-Dei mă kon bơngai kư̆m lăp đon kơ Sư ngăl.

Jang 2:47

Lu sư bơnê kơkuh kơ 'Bok Kei-Dei. Lu kon tơring tơrang kư̆m hơiă kơ lu sư. Rim năr đei bơngai lui na Kră Yang pơklaih lu sư păng tơmơ̆t lu đe noh tơ lăm khŭl bơngai lui.

Rom 14:18

Bơngai mă lui yom kơ Yêsu thoi noh, bơngai noh 'Bok Kei-Dei lăp đon, mă tơduă kon bơngai kư̆m lăp đon mơ̆n.

Lu 13:24

Bơngai drŏ-kăn noh tơpŭ kơ minh 'nu kon drŏ-nglo, sư krao anăn Samsơn. Bơngai 'lơ̆p 'noh wơ̆ 'lŏ, Kră Yang ăn tơdrong pŭn hiôk kơ sư.

I Sam 2:21

Kră Yang mơnat kơ Hana, na đei anăp tơpŭ pêng 'nu kon drŏ-nglo păng 'bar 'nu kon drŏ-kăn. Kon tơdăm anăn Samuel rai wơ̆ 'lŏ 'bơ̆t anăp Kră Yang.

I Sam 3:19

Samuel wơ̆ 'lŏ gơh hơgei, Kră Yang oei hơdai sư: Kră Yang ưh kơ đei lê̆ minh nơ̆r hơyơ đơ̆ng Sư mă đei pơma boih. Sư gô pơm keh.