I Sam 2:22 - Sơ̆p Hlabơar Nơ̆r 'Bok Kei-Dei

²² Hêli đĭ kră dêh sư kơtơ̆ng kơ tơdrong bre kon drŏ-nglo sư pơm kơ đĭ-đăng lu bơngai Isơrael păng tơdrong lu kon sư 'bĭch hơdai hăm bre bơngai drŏ-kăn bơ̆jang 'bơ̆t anih 'măng Bơsŭn Anih Akŭm.

I Sam 2:22 Iomraidhean Croise

Bl 35:22

Kơplah, lu đe Isơrael oei tơ dêh noh, na Rubên đei năm 'bĭch hơdai Bila, akăn kơnhŏng 'bă sư; Isơrael băt tơdrong noh.

Bl 37:2

'Nâu roi tơdrong adrĕch adrung Jakôp. Jôsep sư mơjĭt-tơpơh sơnăm, sư wei triu hơdai hăm lu đe 'nhŏng oh sư, sư pơm buăl juăt hăm lu kon Bila hăm kon Yilpa, 'bar 'nu akăn kơnhŏng 'bă sư. Jôsep sư roi kơ 'bă sư tơdrong lu đe noh pơm kơnê̆.

Le 38:8

Sư iŏk kơmĭl hăm kong đơ̆ng lu drŏ-kăn bơ̆jang 'bơ̆t 'măng Bơsŭn Anih Akŭm pơyơ̆r, pơm hĭ minh pôm kơthŭng hăm jơ̆ng sư.

Êsêkiên 22:26

Lu 'bok soi pơm glăi kơ khôi juăt Inh, pơm 'mê̆-'mach kơ tơmam rơgoh Inh. Lu sư ưh kơ băt lăng ayơ rơgoh, ayơ hmă, ưh kơ băt bơtho tơ'bôh ayơ 'mê̆-'mach, ayơ rơgoh. Lu sư tep măt ưh kơ kiơ̆ lu năr Sa'bat Inh, lei na pơm pơ'mê̆ kơ Inh boih lăm lu sư.

I Sam 2:23

Sư khan kơ bre kon sư, Liơ lu iĕm pơm tơdrong thoi noh? Inh kơtơ̆ng đe roi pơđâu lăm kon pơlei kơ tơdrong măr iĕm đei pơm.

I Sam 3:13

Inh đei khan lê̆ adrol bơih Inh gô phak hnam dơnŏ sư ling-lang, yua kơ sư băt boih bre kon drŏ-nglo sư pơm yoch pơjăm Kră Yang 'Bok Kei-Dei, mă-lei sư ưh kơ găn bre sư.

I Sam 8:1

Kơplah Samuel đĭ kră bơih, na pơjao ăn kơ lu kon drŏ-nglo sư pơgơ̆r pơm 'bok sek tơlang kơ bơngai Isơrael.