I Sam 2:20 - Sơ̆p Hlabơar Nơ̆r 'Bok Kei-Dei

²⁰ Hêli sơkat pŭn hiôk ăn kơ Êlkana hăm akăn sư khan, apinh Kră Yang ăn kơ ih kon hơ'lơ̆p păng bơngai drŏ-kăn âu đei kon hơ'lơ̆p plơ̆ng wă tơplih kơ kon sư mă pơjao boih kơ Kră Yang. Đơ̆ng noh bre sư wih brŏk tơ hnam bre sư.

I Sam 2:20 Iomraidhean Croise

Bl 14:19

Sư sơkat ăn kơ Abram đei pŭn hiôk thoi âu: “Apinh Kră Yang 'Bok Kei-Dei mă tih hloh, Kră Yang Tơ'ngla pơjing plĕnh teh, ăn tơdrong pŭn hiôk kơ Abram!

Malachi 2:15

Đơ̆ng noh, mă khan tơdrong arih Kră Yang 'Bok Kei-Dei đei lơ rơkah rơkai ră, mă-lei Sư pơjing ăn kơ ih lăp minh 'nu drŏ-kăn đĕch. Mă-lei yua kơ kiơ Sư pơjing ăn kơ ih lăp minh 'nu bơngai drŏ-kăn đĕch? Noh yua kơ wă chă adrĕch adrung 'lơ̆ng rơgoh, thoi noh lu iĕm athei mă kơchăng lăm jơhngơ̆m bơ̆n kơdih, 'nĕ kơ oei sa hơlĕnh pơdăr hăm akăn bơ̆n kơdih mă iŏk oei đơ̆ng 'lơ̆p.

Luka 2:34

Đơ̆ng noh Simiôn apinh 'Bok Kei-Dei tơgŭm bre sư. Sư kư̆m khan kơ Mari thoi âu: “'Bok Kei-Dei ăn kơ bơ̆n kon nge âu wă tơgŭm lu bơngai Isơrael jing hiôk, mă-lei lu bơngai kuă kơ lui kơ Sư jing răm. Sư bơngai 'Bok Kei-Dei ăn wă tơgŭm bơ̆n ră mă-lei đei lơ bơngai gô pơjĭp pơjăm Sư. Yua kơ thoi noh na bơ̆n gô băt jơhngơ̆m lu đe ei kơnê̆ tơpă.

Ru 2:12

Hơpơi kơ Kră Yang 'mong ăn kơ ih dôm tơdrong 'lơ̆ng ih đei pơm, ih gô năm kơ'nơp ala pơnăr Kră Yang 'Bok Kei-Dei đe Isơrael.

Ru 4:11

Đĭ-đăng lu kon pơlei păng lu kră 'bơ̆t 'măng jang ei wang tơl thoi âu: Đĭ-đăng lu nhôn pơsĭt tơdrong noh. Hơpơi kơ Kră Yang ăn bơngai drŏ-kăn mơ̆t oei lăm hnam ih nhen thoi bre Rachel păng Lêa, bre sư pơjing boih adrĕch Isơrael. Ăn kơ ih arih jang sa rai tŏk lăm char Êphratha păng anăn ih đei ư-ang lăm Betlehem.

I Sam 1:11

Sư pơma pơkă khan: Ơ Kră Yang Tih Hloh, tơdah ih lăng mơnat kơ đam drŏ-kăn ih, 'blŏk bĕ kơ inh 'nĕ kơ hiơt kơ inh đam drŏ-kăn ih, mă-lei gô ăn kơ đam drŏ-kăn ih đei minh 'nu kon drŏ-nglo, thoi ei inh gô ăn sư kơ ih Kră Yang đĭ chăl arih sư, ưh kơ gơh yuă dah hơkôih sŏk sư.