I Sam 2:15 - Sơ̆p Hlabơar Nơ̆r 'Bok Kei-Dei

¹⁵ Mă adrol kơ wă 'buh rơmă, lu đĭch đam 'bok soi truh khan kơ bơngai wă pơyơ̆r tơmam soi noh, Ăn bĕ 'nhĕm sĕch noh kơ 'bok soi wă phang, yua kơ sư ưh kơ wă iŏk 'nhĕm mă iĕm pai hơtŭk sĭn, sư wă iŏk 'nhĕm oei hơdrih đĕch.

I Sam 2:15 Iomraidhean Croise

Le 12:9

Lu iĕm lê̆ kơ sa 'nhĕm oei adrih dah pai hăm đak, mă-lei iĕm athei 'buh kơpal ŭnh ngăl mă kơ̆l, jơ̆ng păng klak sư.

Lêwi 3:16

'Bok soi gô soh pơyơ̆r dôm tơmam noh tơ kơpal chơnang soi pơm tơmam sa pơyơ̆r soh hăm ŭnh, đei 'bâu phu đĭ-đăng rơmă noh jing tơmam 'Bok Kei-Dei ngăl.

Rom 16:18

Dôm lu bơngai thoi noh lu sư ưh kơ jang tơdrong Kră Yang bơ̆n Yêsu Krist tơpă ôh, sư jang wă 'me akâu sư kơdih đĕch, sư pơma kơ đe rơngơp dêh, na lu đe mă 'bônh kơ lui kiơ̆ kơ sư.

Philip 3:19

Lu sư pơm thoi noh, ning-mônh 'Bok Kei-Dei phak pơmat lu sư dêh. Lu sư 'mêm kơ klak lu sư, rŏ kơ klak yŏng na pơm thoi noh. Lu sư chă pơang kơ đe kiơ̆ tơdrong mă đe mơlâu. Đon lu sư tơchĕng ling-lang gah tơdrong ala teh.

Ju 1:12

Kơplah iĕm sŏng sa tih, iĕm sa hơpong wă tơbăt kơ đe tơdrong iĕm 'mêm băl, lu sư kư̆m sŏng sa hơdai iĕm mơ̆n, mă-lei lu sư sa dư dêh wă kơ mă hrăp kơ hơlŏng klak lu sư kơdih, ưh kơ băt mơlâu kơ bôl buăl. Lu sư pơm tơdrong noh kơplah iĕm akŭm băl tơdrong 'lơ̆ng, thoi lĕ kơ ao 'nao, mă sư mơgrĭ. Lu sư jing bơngai ưh kơ yua, thoi hơmơ̆l păr tơ rơwơ̆ng ưh kơ đei 'mi, kial thu jơ̆p-jang; kư̆m thoi 'long ưh kơ plei, trŏ bơyan plei mă sư jing thoi 'long lôch, jing tơbuch đĭ rơh sư hloi.

I Sam 2:14

Sư 'bet lăm gŏ glah, gŏ 'bŭng, gŏ 'bei, dah lăm gŏ teh. 'Nhĕm sĕch ayơ mă đom tơ chơ'mŏng chơkrơ, 'bok soi gô iŏk kơ sư kơdih. Noh tơdrong lu sư pơm hăm kon pơlei Isơrael bơngai bu mă năm tơ pơlei Silô.

I Sam 2:16

Tơdah đei bơngai noh khan kơ sư, gô đei 'buh lê̆ rơmă sư adrol 'mơ̆i, na ih gơh iŏk mơ̆ng kơ ih wă, sư khan ưh, ih athei ăn hrei âu hloi, tơdah ưh kơ ăn, kơnh inh gô hơđuh iŏk.