I Sam 2:10 - Sơ̆p Hlabơar Nơ̆r 'Bok Kei-Dei

¹⁰ Ơ! Kră Yang; Ih gô pơrăm lu bơngai ayăt hĕch hoch đĭ. Đơ̆ng plĕnh Sư gô ăn grơ̆m re pơrăm lu đe noh; Kră Yang gô sek tơlang kơ đĭ-đăng bơngai. Sư gô ăn tơdrong pran kơtang kơ pơtao Sư Păng ăn tơdrong kĕ jei kơ bơngai mă Sư đei hling đak pơgang 'bâu phu.a

I Sam 2:10 Iomraidhean Croise

II Sam 22:14

Kră Yang ăn grơ̆m glaih kơpal plĕnh. Nơ̆r re jơwa đơ̆ng Tơ'ngla Kơjung hloh kơ đĭ-đăng.

II Sam 7:13

Sư noh kơnh gô pơm hnam kơ anăn Inh oei păng Inh gô ăn kơ tang-dŏ dêh char pơtao sư kơjăp ling-lang.

II Sam 7:8

Thoi noh dang ei, ih athei roi kơ Đawit, đĭch đam Inh Kră Yang Tih Hloh đei khan thoi âu: “Inh boih đei krao ih đơ̆ng tơmăn 'nhĕt anih ih oei wei triu, pôk ih jing bơngai pơgơ̆r kon pơlei Inh.

Jop 40:9

Ih hăm đei kơkŏng ti pran kơtang thoi Kră Yang 'Bok Kei-Dei ưh? Ih hăm gơh tơlĕch nơ̆r grơ̆m re thoi Inh ưh?

Horiso 132:17

Tơ noh inh gô ăn hơke Đawit bluh chăt; Inh đei hơmet lê̆ ŭnh kơđeng kơ bơngai mă inh đei tuh đak rơmă.

Horiso 148:14

Sư đei hơtŏk boih jơhngơ̆m pran lu kon pơlei Sư thoi hơke sem bri Noh jơ̆ tơdrong hơri ư-ang đơ̆ng lu bơngai 'lơ̆ng rơgoh Sư, noh lu bơngai Isơrael. Kon pơlei pơla mă oei jê̆ Sư. Halêluya!

Horiso 2:2

Lu pơtao lăm teh đak iung blah, Lu kră pơgơ̆r pơđâu chă đon wă blah Kră Yang, păng Tơ'ngla mă Kră Yang đei rơih tuh đak rơmă

Horiso 2:6

“Mă-lei, Inh pơjing boih Tang-dŏ Tang-dŏ pơtao Inh tơ kơpal kông Siôn rơgoh.”

Horiso 2:9

Ih gô Pơgơ̆r lu sư hăm 'long jra mam; Ih gô teh pơchah lê̆ lu sư thoi gŏ teh.”

Horiso 20:6

Âu inh băt Kră Yang dŏng pơklaihb 'Bok mă đei tuh đak rơmă đơ̆ng Sư. Đơ̆ng kơpal plĕnh rơgoh Sư gô tơl tơwih kơ pơtao, Hăm tơdrong kơtang tơgŭm dŏng pơklaih đơ̆ng ti 'ma Sư.

Horiso 20:7

Lu đe âu gơnang kơ gre, lu đe nai gơnang kơ aseh Mă-lei lu nhôn gơnang kơ anăn Kră Yang jơ̆ Kră Yang 'Bok Kei-Dei lu nhôn.

Horiso 21:1

Ơ Kră Yang, hăm pran kơtang Ih, pơtao gô chơt hiôk, Đơ̆ng tơdrong Ih dŏng pơklaih, sư gô chhôk hal pă băt dang yơ!

Horiso 28:8

Kră Yang jơ̆ tơdrong pran kơtang kơ kon pơlei pơla Sư, Kơđông kơjăp dŏng pơklaih bơngai mă sư hling boih đak rơmă 'bâu phu.

Horiso 45:7

Kră Yang lăp kơ tơdrong tơpăt păng areh tơdrong kơnê̆. Thoi noh Kră Yang 'Bok Kei-Dei, Jơ̆ Kră Yang 'Bok Kei-Dei Ih, tuh boih đak rơmă kơ Ih. Hăm đak rơmă tơdrong chơt hiôk hloh kơ buăl ih.e

Horiso 89:17

Yua kơ Ih jơ̆ tơdrong ư-ang pran kơtang lu sư; Đơ̆ng Ih mơnat na hơke lu nhôn tưk kơjung.b

Horiso 89:24

Tơdrong tơpăt Inh păng tơdrong 'mêm Inh gô oei hơdai hăm sư. Đơ̆ng anăn Inh, hơke sư gô rai tŏk kơjung.c

Horiso 89:25

Inh gô dan ti sư tơ kơpal đak dơsĭ, Păng ti 'ma sư tơ kơpal đak krong.

Horiso 96:13

Sư truh wă sek tơlang kơ teh đak, Sư gô sek tơlang kơ teh đak hăm tơdrong tơpăt. Yua tơdrong tơpăt sĭt Sư na sek kơ kon pơlei pơla.

Horiso 98:9

Yua kơ Sư truh wă sek tơlang kơ teh đak. Sư sek tơlang kơ teh đak hăm tơdrong tơpăt sư, tơpăt hơnơ̆ng. Sư sek tơlang kơ kon pơlei pơla.

Le 15:6

Ơ Kră Yang! Ti gah 'ma Ih pran kơtang mơsêh mơyang. Ơ Kră Yang! Ti gah 'ma Ih pơrăm boih lu linh ayăt.

Bôk Bơthô 11:9

Ơ lu bơngai hơmuh hơmŏng iĕm hiôk chơt bĕ kơplah oei hơdruh tơdăm, 'nă hal bĕ kơplah oei 'lơ̆p, yak kiơ̆ bĕ thoi jơhngơ̆m ih dui ba, kiơ̆ kơ măt ih lăng, mă-lei iĕm athei băt dôm tơdrong iĕm pơm noh, Kră Yang 'Bok Kei-Dei gô wă sek tơlang kiơ̆ tơdrong noh.

Bôk Bơthô 12:14

Yua kơ Kră Yang 'Bok Kei-Dei gô sek tơlang kiơ̆ kơ tơdrong đêl bơ̆n pơm, pơm 'lơ̆ng dah pơm kơnê̆, mă khan tơdrong kiơ hlơp, sư kư̆m sek tơlang mơ̆n. 25-Nov-2005@13:33, Backup Description=25-Nov-2005@13:30, Billy - 29-Nov-2005@10:12, Backup Description=25-Nov-2005@16:45, David Le vp - 29-Nov-2005@10:23, Backup Description=29-Nov-2005@10:21, Billy -

Êsai 29:6

Kră Yang Tih Hloh gô yua grơ̆m glaih, teh pơpơ̆, jơwa re, păng pla ŭnh soh phak lu sư.

Êsai 32:1

'Nâu gô đei minh 'nu pơtao pơgơ̆r 'lơ̆ng tơpăt, lu kră pơgơ̆r gô wei-lăng tơpăt hơnơ̆ng.

Êsai 45:24

Đe gô pơma pơđâu gah Inh khan: Lăm Kră Yang đĕch bơ̆n đei tơdrong 'lơ̆ng tơpăt păng pran kơtang. Đĭ-đăng lu bơngai hil kơ sư gô năm tơ sư na mơlâu.

Êsêkiên 29:21

Lăm năr noh, Inh gô ăn kơ adrĕch adrung Isơrael, chăt hơke jing pran thoi sem brem păng Inh gô ăn kơ ih Êsêkiên gơh pơih 'bơ̆r pơma tŏk-bŏk lu sư; na lu sư gô băt Inh boih Kră Yang.”

Mathiơ 25:34

Na Inh pơm Pơtao pơgơ̆r lu sư, Inh khan kơ lu bơngai mă oei gah 'ma kơ Inh thoi âu: ‘'Bă Inh ăn kơ iĕm hiôk tơpă, năm mơ̆t oei tơ dêh Sư bĕ, Sư hơmet kơ iĕm anih đơ̆ng Sư pơjing plĕnh teh sơ̆ boih.

Mathiơ 28:18

Yêsu năm jê̆ lu sư păng khan: “'Bă Inh ăn kơ Inh gơh pơgơ̆r đĭ-đăng plĕnh hăm teh.

Luka 1:69

Sư ăn kơ bơ̆n minh 'nu 'Bok Dŏng Pơklaih mă đei tôm tơdrong mơsêh mơyang. 'Bok 'noh Kon Sâu Đawit mă đĭch đam 'Bok Kei-Dei.

Luka 19:27

Gah lu bơngai mă ayăt kơ inh, ưh kơ wă kơ inh pơm pơtao pơgơ̆r lu sư, iĕm dui anhăk lu sư tơ âu, pơlôch lu sư 'bơ̆t anăp inh.’ ”

Jang 10:38

'Bok Kei-Dei ăn kơ Yêsu đơ̆ng Pơlei Nasaret Yang Bơhngol 'Lơ̆ng tơgŭm Sư pơm tơdrong mơsêh mơyang. Yêsu năm chă tơgŭm đe păng pơklaih đĭ-đăng bơngai đơ̆ng yang Satan pơđep. Yêsu gơh pơm thoi noh yua kơ 'Bok Kei-Dei tơgŭm Sư.

Jang 4:27

Lăm Pơlei Jêrusalem âu lu kră pơgơ̆r hlôi ayăt kơ Kon Ih Yêsu mă 'lơ̆ng tơpăt, Sư boih 'Bok Krist mă Ih ăn pơgơ̆r nhôn. 'Bok pơtao Hêrôt păng 'bok pơgơ̆r Pilat, bre sư pơm minh đon păng lu bơngai dêh đe tơmoi păng lu bơngai Isơrael wă ayăt kơ Yêsu; trŏ tơpă yua kơ đơ̆ng nơ̆r Ih khan lê̆ hơdrol sơ̆, truh dang ei 'blep tơpă boih.

II Kor 5:10

yua kơ đĭ-đăng bơ̆n ning-mônh gô dơ̆ng 'bơ̆t anăp Yêsu Krist sek tơlang kiơ̆ kơ akâu bơ̆n pơm 'lơ̆ng dah pơm kơnê̆, Sư apah kiơ̆ thoi noh.

Lu 5:31

Ơ Kră Yang, Ăn đĭ kơ lu ayăt kơ Ih lôch hiong răm thoi noh! Apinh Ih ăn kơ lu bơngai mă 'mêm kơ Ih gơh thoi măt 'năr, Lĕch hơdah hơdong! Đơ̆ng noh, dêh char noh đei hiôk-hian lăm puăn-jĭt sơnăm.

I Sam 12:13

Dang ei, 'nâu pơtao lu iĕm mă đei rơih iŏk păng đei apinh. Kră Yang ăn kơ lu iĕm pơtao wă pơgơ̆r lu iĕm.

I Sam 12:17

Năr âu, hăm trŏ kơ bơyan kĕch 'ba mi dah kiơ? Inh gô krao khan kơ Kră Yang tơpă đơ̆ng lăm jơhngơ̆m; Sư gô ăn 'mi grơ̆m glaih, wă kơ lu iĕm băt păng 'bôh kơdih iĕm đei pơm yoch tih 'bơ̆t anăp Kră Yang, yua kơ iĕm apinh bơih minh 'nu pơtao.

I Sam 12:18

Wă Samuel krao khan kơ Kră Yang; lăm năr noh Kră Yang ăn 'mi grơ̆m glaih; đĭ-đăng kon pơlei hli tơrơ dêh kơ Kră Yang păng Samuel.

I Sam 12:3

Âu inh dơ̆ng 'bơ̆t anăp lu iĕm, 'bơ̆t anăp Kră Yang păng 'bơ̆t anăp pơtao mă Kră Yang đei tuh đak rơmă pơk pơm pơtao, wă kơ lu iĕm roi pơdah ăn. Inh hăm đei rôp rơmo bu ưh? Hăm rôp aseh đe bu ưh? Inh hăm hơlĕnh đe bu ưh? Pơm kơnê̆ tôn teh đe bu ưh? Inh hăm pơgâm sa đe wă bơbĭt lê̆ măt đe lăm dôm tơdrong jang kiơ ưh? Tơdah đei pơm thoi noh, gô pơdrâu đĭ kơ iĕm.

I Sam 15:28

Samuel khan kơ sư: Năr 'nâu Kră Yang kư̆m hek teh đak Isơrael đơ̆ng ih kư̆m thoi noh mơ̆n, na pơjao ăn kơ bơngai nai đơ̆ng, trŏ hloh kơ ih.

I Sam 16:1

Kră Yang khan kơ Samuel: Ih oei sơ'ngon kơ Sôl dĭng truh dang yơ? Inh achăng lê̆ sư boih, ưh pă ăn sư pơm pơtao bơngai Isơrael dơ̆ng. Tuh bĕ đak rơmă 'bĕnh kơ trôm hơke na ih năm; Inh wơh ih năm tơ'bơ̆p 'bok Jese Betlehem; yua lăm lu kon sư, Inh đei rơih iŏk minh 'nu wă pơm pơtao.

I Sam 7:10

Kơplah Samuel oei pơyơ̆r tơmam soi 'buh lu bơngai Philistin năm blah lu bơngai Isơrael. Mă-lei lăm năr ei Kră Yang ăn grơ̆m glaih jruh tơ bơngai Philistin, pơm kơ lu bơngai Philistin hli tơrơ kơdâu tơklah tơklang.