I Sam 16:7 - Sơ̆p Hlabơar Nơ̆r 'Bok Kei-Dei

⁷ Mă-lei Kră Yang khan kơ Samuel; 'Nĕ kơ lăng akâu rŏ hơbŏ tih bơngai noh, Inh ưh kơ iŏk sư. Inh ưh kơ lăng kiơ thoi kon bơngai lăng, kon bơngai lăng gah 'nguaih; mă-lei Kră Yang lăng 'bôh lăm jơhngơ̆m.

I Sam 16:7 Iomraidhean Croise

Bl 4:5

Mă-lei ưh kơ đei lăng Kain păng kư̆m ưh kơ iŏk tơmam soi sư, na Kain blĕk dêh mah 'bri 'bra muh măt sư.

II Sam 14:25

Kơplah noh lăm đĭ-đăng bơngai Isơrael ưh kơ đei minh 'nu bơngai ayơ đei pơư kơ akâu jăn sư 'lơ̆ng hloh thoi lĕ Apsalôm 'lơ̆ng; iŏk đơ̆ng tơpang jơ̆ng truh tơ kơ̆l, ưh kơ đei lao 'bơ̆t yơ.

II Sam 7:20

Đawit wă oei pơma kiơ dơ̆ng hăm Ih? Ơ Kră Yang Kră Yang inh, Ih băt kơ inh đĭch đam Ih.

I Pot 8:39

apinh Ih đơ̆ng kơpal plĕnh ti, anih mă Ih oei Ih mơ̆ng păng mơnat ăn kơ yoch lu sư, tơgŭm rim 'nu kơ lu sư kiơ̆ kơ tơdrong jang sư pơm, yua kơ Ih băt jơhngơ̆m lu sư, lăp minh 'nu Ih đĕch băt lăm jơhngơ̆m kon bơngai.

I Ho 17:18

“Đawit ưh pă băt wă bơnê kơ Kră Yang thoi yơ dơ̆ng, yua kơ đơ̆ng Ih pơyom kơ đĭch đam Ih? Yua kơ Ih băt nhen kơ đĭch đam Ih.

I Ho 28:9

Bĕ ih, ơ! Sôlômôn, kon drŏ-nglo inh, athei băt kơ Sư Kră Yang 'Bok Kei-Dei inh 'bă ih, athei đĭ jơhngơ̆m đĭ bơhngol bơ̆jang kơ Kră Yang yua kơ Kră Yang băt hlôh 'bôh nhen lăm jơhngơ̆m klơm klak, păng băt dôm đon tơchĕng. Tơdah ih chă Kră Yang, kon gô tơ'bơ̆p; mă-lei tơdah ih achăng lê̆ Kră Yang, sĭt Kră Yang gô achăng lê̆ ih ling-lang.

II Ho 16:9

Măt Kră Yang lăng jơ̆p kơ teh đak, wă tơgŭm jơhngơ̆m pran kơ lu đe bu mă đei jơhngơ̆m gơnang kơ Sư. Tơpă lăm tơdrong 'nâu ih đei pơm kư̆ kă, na đơ̆ng âu tơ anăp ih gô đei tơ'bơ̆p tơdrong tơblah hơnơ̆ng.”

II Ho 6:30

apinh Kră Yang đơ̆ng kơpal plĕnh anih Ih oei, mơ̆ng, mơnat ăn păng pơdrâu tơwih kơ lu sư rim 'nu kiơ̆ thoi lu sư đei tơbral Ih băt nhen kơ jơhngơ̆m klơm klak lu sư; tơpă lăp minh 'nu Ih đĕch băt hơđăl kơ jơhngơ̆m klơm klak kon bơngai

Jop 10:4

Ih đei măt thoi kon bơngai hă, lăng 'bôh thoi kon bơngai lăm teh đak?

Jop 35:5

Ngơk bĕ măt lăng tơ kơpal plĕnh; Lăng bĕ lu hơmơ̆l, sư kơjung hloh kơ ih.

Horiso 139:2

Ih băt 'bơ̆t inh hơ-oei, kơplah inh iung. Mă đơ̆ng ataih Ih băt đĭ tơdrong inh tơchĕng.

Horiso 7:9

Ơ Kră Yang 'Bok Kei-Dei tơpăt! Ih boih Kră Yang lăng lăm jơhngơ̆m kon bơngai, Apinh Ih pơtôch lê̆ dôm tơdrong kơnê̆ lu bơngai kơnê̆ wă pơm. Mă-lei pơm bĕ kơ lu bơngai tơpăt mă kơjăp.

Tơdrông Pơđơk 15:11

Hơlŭng jrŭ dêh atâu lăm âu Kră Yang 'bôh đĭ; Pơma kiơ lăm jơhngơ̆m kon bơngai!

Tơdrông Pơđơk 16:2

Lu trong kon bơngai khan rơgoh 'lơ̆ng noh lĕch đơ̆ng măt kơdih akâu; Mă-lei Kră Yang lăng lăm jơhngơ̆m.

Tơdrông Pơđơk 24:12

Tơdah ih khan, “'Nâu, nhôn ưh kơ băt ôh tơdrong noh” Hăm trŏ đei tơ'ngla 'bôh boih tơdrong noh? Hăm trŏ đei tơ'ngla wei-lăng bơhngol ih sư 'bôh tơdrong noh? Sư gô pơm tơwih kơ rim 'nu kiơ̆ thoi đêl sư pơm

Tơdrông Pơđơk 31:30

Akâu 'lơ̆ng chă pơrŏ, akâu hơbŏ gô hiong răm, Mă-lei đei drŏ-kăn ayơ băt hli yom kơ Kră Yang noh đe gô bơnê pơyom.

Je 11:20

Ơ Kră Yang Tih Hloh, Tơ'ngla sek tơlang tơpăt, Tơ'ngla mă băt, lăm jơhngơ̆m păng lăm kơ̆l 'ngok tơchĕng, Ăn kơ inh 'bôh tơdrong Ih iung kơting kơ lu sư. Yua kơ inh jao boih tơdrong inh kơ Ih.

Je 17:10

Inh boih Kră Yang, Inh lăng 'bôh lăm jơhngơ̆m, pơlong lăng jơhngơ̆m đon tơchĕng, wă pơm tơwih kơ rim 'nu kiơ̆ thoi trong lu sư arih, kiơ̆ 'blep thoi đêl tơdrong lu sư pơm.

Je 20:12

Ơ Kră Yang Tih Hloh! Ih boih Tơ'ngla pơlong lăng lu bơngai tơpăt, lăng 'bôh đĭ lăm jơhngơ̆m klơm klak lăm kơ̆l 'ngok, Ăn bĕ kơ inh 'bôh tơdrong Ih wă pơm 'mong kơ lu sư, Yua kơ inh jao boih tơdrong inh kơ Ih.

Luka 16:15

Na Yêsu khan kơ lu sư: “Lu iĕm lăp đon kơ đe khan kơ iĕm bơngai 'lơ̆ng ră, mă-lei 'Bok Kei-Dei băt kơ jơhngơ̆m lu iĕm kơnê̆. Tơdrong kon bơngai ala teh âu pơang khan 'lơ̆ng ră, mă-lei 'Bok Kei-Dei lăng kơnê̆ kơ Sư.

Yo 7:24

Iĕm 'nĕ kơ sek tơlang kiơ̆ kơ jơhngơ̆m iĕm pran. Iĕm athei sek tơlang mă tơpăt, athei tơchĕng mă tôm tơdrong hơdrol 'mơ̆i.”

Yo 8:15

Iĕm sek tơlang tơdrong Inh kiơ̆ kơ đon iĕm tơchĕng kơdih. Gah Inh ưh kơ đei sek tơlang bu ôh.

Jang 1:24

Na lu sư krao khan kơ Kră Yang thoi âu: “Kră Yang, Ih băt đĭ lăm jơhngơ̆m đon kon bơngai. Apinh Ih tơ'bôh kơ nhôn bơngai ayơ Ih rơih boih wă pơm jơ̆ng 'bang Yêsu wă păl Juđa. Juđa tŭk tơdrong jang âu năm tơ anih sư trŏ dang noh boih.”

II Kor 10:10

thoi lu đe mă jô̆ kơ inh, khan kơthơ inh chih pơma kơtang dêh, mă-lei mưh inh oei hơdai lu sư tơpă, lu sư jô̆ kơ inh khan bơngai lêl, bơngai pơma ưh kơ yua.

II Kor 10:7

Tơdrong âu iĕm athei tơchĕng mă nhên, bơngai bu khan Yêsu Krist 'mêm kơ sư, nhôn kư̆m khan Yêsu Krist 'mêm kơ nhôn mơ̆n. Iĕm athei băt Yêsu Krist 'mêm kơ bơ̆n lei-lăi đĕch.

Hêbrơ 4:13

Ưh kơ đei tơdrong kiơ mă hlơp kơ 'Bok Kei-Dei tơ'ngla mă sek tơlang bơ̆n, Sư 'bôh nhên tôm tơdrong kon bơngai pơm.

I Pet 2:4

Bơ̆n athei oei jê̆ Sư ling-lang, yua kơ tơdrong arih lu bơ̆n đơ̆ng Sư ăn. Sư thoi lĕ kơ tơmo đe man hnam tŭk boih; lu kon bơngai ưh kơ gĭt kơ Sư, mă 'Bok Kei-Dei gĭt kơ Sư na iŏk Sư.

I Pet 3:4

Bơ̆n wă kơ đe băt kơ bơ̆n bơngai 'lơ̆ng, bơ̆n athei ming jơhngơ̆m đon bơ̆n đĕch. Tơ̆ng jơhngơ̆m đon bơ̆n dim gơh găt hăm đe, noh kư̆m dang bơ̆n pơguăng akâu bơ̆n hăm tơmam mơ̆n. Tơmam thoi noh huay kơ hach răm, pơguăng akâu thoi noh 'Bok Kei-Dei lăp đon.

Tơdrông Tơ'bôh 2:23

Păng lu bơngai mă pơm jơ̆ng 'bang sư mă lăng dang kon sư kơdih noh, Inh kư̆m pơlôch mơ̆n. Tơdrong noh wă tơbăt kơ đĭ-đăng lu bơngai lui wă lu bơngai lui băt kơ Inh sek tơlang lăm jơhngơ̆m đon lu sư tơpăt noh na inh gô apah lu sư kiơ̆ thoi lu sư đêl pơm.

I Sam 2:3

Thôi, 'nĕ pă pơma pơang dêh. 'Nĕ pă ăn tơdrong pơang lĕch đơ̆ng 'bơ̆r ih; Yua kơ Kră Yang bơih 'Bok Kei-Dei băt đi; Sư boih kŏng pơtŏ lăng đĭ tơdrong bơ̆n jang.

I Sam 9:2

Kis đei kon drŏ-nglo, anăn sư Sôl, sư oei tơdăm kư̆m 'lơ̆ng hơbŏ. Lăm bơngai Isơrael ưh kơ đei bu 'lơ̆ng hơbŏ thoi sư; sư bơngai tih kơjung hloh kơ đe.