I Sam 16:5 - Sơ̆p Hlabơar Nơ̆r 'Bok Kei-Dei

⁵ Na sư tơl: Hiôk-hian Inh truh tơ âu wă pơyơ̆r tơmam soi 'buh kơ Kră Yang; hơmet bĕ kơdih akâu mă 'lơ̆ng rơgoh păng kư̆m wang năm tơ âu hơdai inh. Sư kư̆m krao wơ̆n Jese lu kon drŏ-nglo sư hơmet akâu kơdih rơgoh 'lơ̆ng na kư̆m năm tơ anih pơyơ̆r.

I Sam 16:5 Iomraidhean Croise

Bl 35:2

Jakôp sư roi hloi kơ kon akăn sư hăm lu bơngai năm hơdai sư thoi âu: Hŭt lê̆ bĕ dôm lu rup man pơm yang đơ̆ng lu dêh tơmoi, na hum 'nhao wă kơ bơ̆n rơgoh 'lơ̆ng păng tơplih bĕ hơbĕn ao iĕm.

I Pot 2:13

Adonija kon drŏ-nglo yă Hagit năm tơ'bơ̆p yă Batsêba mĕ Sôlômôn. Yă Batsêba jet sư: “Ih năm tơ âu jơhngơ̆m hăm hiôk-hian ưh?” Sư tơl: “Jơhngơ̆m inh hiôk-hian.”

I Ho 12:18

Na Yang Bơhngol 'lơ̆ng jur tơ Amasai pơm yŏng kơ pêng-jĭt 'nu bơngai, na sư khan: “Ơ Đawit, lu nhôn gah ih ngăl! Ơ kon drŏ-nglo Jese, lu nhôn oei hăm ih! Hiôk-hian, hiôk-hian bĕ kơ ih; hiôk-hian kơ bơngai bu tơgŭm ih Kră Yang 'Bok Kei-Dei gô tơgŭm ih!” Na Đawit sơng iŏk lu sư, pơchĕp ăn kơ lu sư pơm yŏng pơgơ̆r linh.

Jop 1:5

Đơ̆ng rŏng kơ dôm năr et sa đang bơih, Jop wơh krao lu kon sư brŏk wă pơm giĕng ôp 'nhao rơgoh. Sư iung đơ̆ng hrôih, wă pơyơ̆r tơmam soi 'buh tôm kơ lu kon sư; sư tơchĕng khan: “Băt lu kon inh pơm yoch păng băt lăm jơhngơ̆m lu sư blei hiap Kră Yang 'Bok Kei-Dei.” Jop juăt kơ pơm thoi noh.

Le 19:10

Kră Yang khan kơ Môis: Ih năm bĕ tơ kon pơlei, Isơrael athei kon pơlei hơmet akâu kơdih mă 'lơ̆ng rơgoh năr 'nâu păng năr dơning, athei lu sư pih ao tai.

Jôel 2:16

Krao akŭm bĕ kon pơlei pơla, pơm rơgoh bĕ lu khŭl bơngai akŭm. Athei krao lu kră pơlei năm tơ noh, athei akŭm lu hơ'lơ̆p, păng lu nge mă oei mŏm! Ăn klo hle sư lĕch bĕ đơ̆ng anih 'bĭch sư, păng ăn akăn hơlai 'nao sư lĕch bĕ đơ̆ng anih sư.

Jêphania 1:7

Hreh bĕ 'bơ̆t anăp Kră Yang 'Bok Kei-Dei! Yua kơ năr Kră Yang wă jê̆ boih. Kră Yang đei hơmet boih tơmam soi, Sư đei 'măn klah lê̆ pha boih lu bơngai tơmoi mă Sư krao.

Jo 11:8

Kon pơlei chă dônh tah, peh hăm tơpăl wă kơ hĕch, dah ot hăm tơpăl ot, hơtŭk sư lăm gŏ dah pơm 'bĕng; sa sư thoi 'bĕng đe hrâu hăm đak rơmă ôliwơ.

I Kor 11:28

Thoi noh boih na rim 'nu bơ̆n athei tơchĕng lăng lăm akâu bơ̆n kơdih 'mơ̆i wă kơ băt bơ̆n gơh huch sa đak păng 'bĕng 'noh dah ưh.

Jôsuê 3:5

Jôsuê kư̆m khan kơ kon pơlei: Lu iĕm athei wei akâu mă 'lơ̆ng rơgoh yua kơ dơning Kră Yang gô pơm tơdrong hlĭch chrơp, tŏk-bŏk lu iĕm,

Jôsuê 7:13

Iung bĕ pơm kơ kon pơlei rơgoh păng khan: Hơmet bĕ lu iĕm kơdih mă rơgoh, kơ năr dơning, yua kơ 'nâu nơ̆r Kră Yang 'Bok Kei-Dei Isơrael đei khan: Ơ lu bơngai Isơrael, tơ lăm lu iĕm đei tơmam mă trŏ kơ pơyơ̆r păng pơrăm. Lu iĕm ưh kơ kĕ ôh tơblah hăm lu bơngai ayăt kơ iĕm, dĭng mă lu iĕm đei iŏk lê̆ tơmam noh đơ̆ng lăm lu iĕm.

I Sam 20:26

Năr noh, Sôl ưh kơ đei pơma kiơ, tơchĕng khan băt đei tơdrong kiơ truh kơ Đawit boih 'nâu! Hơbŏ sư ưh kơ rơgoh, đei tơdrong 'mê̆-'mach boih 'nâu.