I Sam 16:2 - Sơ̆p Hlabơar Nơ̆r 'Bok Kei-Dei

² Samuel tơl: Liơ inh gơh năm tơ noh? Dah Sôl băt, sư gô pơlôch inh. Kră Yang khan: Ih dui ba minh pơm rơmo akăn adruh, na khan: Inh pơyơ̆r tơmam soi 'buh ăn kơ Kră Yang.

I Sam 16:2 Iomraidhean Croise

Le 3:11

Môis sư tơl khan: Inh âu bu, mă pơ̆n năm truh tơ Pharaôn wă chông kon pơlei Isơrael lĕch đơ̆ng dêh Êyiptơ?

Mathiơ 10:16

“Inh wơh iĕm năm chă bơtho đe iĕm athei kơchăng hŏ, yua kơ dang lĕ wơh triu năm tơ kŏ-so. Na iĕm athei chă đon hơgei thoi 'bih, iŏk jơhngơ̆m dim dang kơtơp.

Luka 1:34

Na Mari khan kơ linh jang 'lơ̆ng ei: “Lơliơ tơdrong noh gơh đei yua kơ inh oei adruh ưh tam đei klo?”

I Sam 16:3

Ih krao Jese dai năm mơ̆n. Inh gô bơtho ăn kơ ih băt tơdrong kiơ ih gô pơm, Inh tơ'bôh ăn kơ ih bơngai bu ih gô tuh đak rơmă wă pơk sư pơm pơtao bơ̆jang kơ Inh.

I Sam 20:29

Lê̆ inh năm; yua kơ hnam nhôn đei tơdrong pơyơ̆r tơmam soi lăm pơlei, na 'nhŏng inh pơkă kơ inh athei năm tơ noh. Dah inh đei mơnat 'bơ̆t anăp ih, apinh ăn kơ inh năm ngôi tơ lu 'nhŏng oh inh. Yua kơ thoi noh sư ưh kơ gơh truh sŏng sa hơdai.

I Sam 9:12

Đe hơdruh ei tơl: Đei to, sư tơ anăp măr iĕm. Mă-lei iĕm yak mă tĕnh hŏ, sư 'nao mơ̆t tơ pơlei, yua kơ năr 'nâu kon pơlei pơla wă pơyơ̆r tơmam soi tơ kơpal groi.