I Sam 16:1 - Sơ̆p Hlabơar Nơ̆r 'Bok Kei-Dei

¹ Kră Yang khan kơ Samuel: Ih oei sơ'ngon kơ Sôl dĭng truh dang yơ? Inh achăng lê̆ sư boih, ưh pă ăn sư pơm pơtao bơngai Isơrael dơ̆ng. Tuh bĕ đak rơmă 'bĕnh kơ trôm hơke na ih năm; Inh wơh ih năm tơ'bơ̆p 'bok Jese Betlehem; yua lăm lu kon sư, Inh đei rơih iŏk minh 'nu wă pơm pơtao.

I Sam 16:1 Iomraidhean Croise

I Pot 8:16

‘Iŏk đơ̆ng năr Ih pơklaih lu bơngai Isơrael đơ̆ng dêh Êyiptơ, Inh ưh kơ đei rơih iŏk ôh khŭl bơngai bu đơ̆ng lăm bơngai Isơrael, pơjing pơm Hnam akŭm wă kơ anăn Inh oei lăm noh. Mă-lei Inh đei iŏk bơih Đawit wă kơ sư pơgơ̆r lu bơngai Isơrael kon pơlei Inh.’

II Pot 9:1

Êlisê bơngai khan lê̆ adrol, sư krao minh 'nu lăm lu khŭl bơngai khan lê̆ adrol na khan: “Iŏk tơlei tơ̆n, tơ̆n kơiĕng ih bĕ, chĕp get đak 'bâu phu 'nâu, năm tơ Pơlei Ramôt Galaat.

II Pot 9:3

Ih iŏk get đak 'bâu phu, tuh kơpal kơ̆l sư păng khan: “Kră Yang khan thoi âu: Inh tuh đak 'bâu phu ăn kơ ih pơm pơtao Isơrael.” Đơ̆ng noh ih athei pơih 'măng lĕch weh hloi, 'nĕ kơ hiơ̆ hŏ.

II Pot 9:6

Thoi noh, Jêhu gruih iung mơ̆t lăm hnam, na bơngai tơdăm ei tuh đak 'bâu phu kơpal kơ̆l sư păng khan: “Kră Yang 'Bok Kei-Dei Isơrael khan thoi âu: Inh rơih iŏk ih ăn kơ đe tuh đak 'bâu phu ăn kơ ih pơm pơtao đe Isơrael wei-lăng kon pơlei Kră Yang.

I Ho 11:3

Kơplah noh đĭ-đăng lu kră bơngai Isơrael năm tơ pơtao Đawit tơ Hêbrôn; na Đawit pơgơ̆p hloi hăm lu sư tơ Hêbrôn 'bơ̆t anăp Kră Yang; klaih kơ noh lu sư tuh đak rơmă 'bâu phu pôk Đawit pơm pơtao bơngai Isơrael thoi nơ̆r Kră Yang pơkă hăm Samuel.

I Ho 28:4

Kră Yang 'Bok Kei-Dei Isơrael đei rơih boih inh đơ̆ng lăm hnam dơnŏ 'bă inh, wă pơm pơtao Isơrael ling-lang. Tơpă sư đei rơih boih adrĕch Juđa pơgơ̆r wei-lăng; đơ̆ng lăm adrĕch Juđa sư rơih iŏk hnam dơnŏ 'bă inh; lăm lu kon drŏ-nglo 'bă inh, Kră Yang lăp đon rơih iŏk inh, pôk inh pơm pơtao kơ đĭ-đăng lu bơngai Isơrael.

Êsai 11:1

Đei minh pôm tơ'biĕng gô chăt đơ̆ng tơm Jese, đei minh pôm dơng chăt đơ̆ng rơh sư gô đei plei.

Êsai 11:10

Lăm năr noh kơnh, rơh Jese iung pơm thoi hla-kơ ăn kơ rim adrĕch adrung kon bơngai. Rim teh đak gô năm chă Sư, anih Sư pơdơh gô đei rang mơnhal.

Êsai 55:4

'Nâu, Inh ăn kơ sư jing bơngai pơm kơdranh ăn kơ lơ bơngai, pơm yŏng păng pơm bơngai wei-lăng lơ kon pơlei.

Je 11:14

“Gah ih 'nĕ pă krao khan tơgŭm kon pơlei 'nâu, ih kư̆m 'nĕ yua kơ lu sư na krao apinh, yua kơ Inh ưh pă mơ̆ng boih mă lu sư krao apinh Inh kơplah lu sư đei tơdrong truh.

Je 15:1

Kră Yang khan kơ inh: “Mă khan Môis păng Samuel dơ̆ng 'bơ̆t anăp Inh, Inh kư̆m ưh kơ mơnat kơ kon pơlei 'nâu. Pơpuh tơweh bĕ lu sư đơ̆ng anăp Inh.

Je 6:30

Đe krao lu sư thoi iă hu đe tŭk, yua kơ Kră Yang achăng lê̆ lu sư boih.”

Je 7:16

Bĭ gah ih, 'nĕ pă krao khan ăn kơ adrĕch adrung 'nâu; kư̆m 'nĕ kơ ôr krao apinh yua kơ lu đe âu, ih kư̆m 'nĕ krao lung Inh, yua kơ Inh ưh kơ wă mơ̆ng ih ôh.

Sa 4:14

Sư khan thoi âu: “Noh wă khan đei 'bar 'nu chu tuh đak rơmă, dơ̆ng cheng 'bơ̆t Kră Yang mă Yang kơ đĭ-đăng teh đak.”

Rom 15:12

Êsai sơ̆ sư kư̆m khan thoi âu: “Đơ̆ng adrĕch adrung Jesê gô đei minh 'nu bơngai iung pơgơ̆r tôm kơ khŭl kon bơngai jơ̆p kơ teh đak. Đĭ-đăng kon bơngai gô gơnang kơ 'Bok ei.”

Hêbrơ 11:32

Na inh wă pơma kiơ dơ̆ng, inh pơma dôm noh iĕm hlôh boih. Inh roi kơ iĕm tôm tơdrong Gêdêôn, Barak, Samsŏng, Jêpti, Đawit, Samuel păng lu 'bok pơtruh nơ̆r 'Bok Kei-Dei sơ̆, mă inh ưh kơ wăn.

I Yo 5:16

Dah iĕm 'bôh 'nhŏng oh bơ̆n bơngai lui sư pơm yoch iĕm athei krao khan kơ 'Bok Kei-Dei kơ sư, na 'Bok Kei-Dei gô ăn kơ sư arih ling-lang. Sơmă đei 'bar khŭl tơdrong yoch. Minh khŭl noh bơ̆n 'bôh 'nhŏng oh bơ̆n pơm yoch, athei krao khan kơ 'Bok Kei-Dei tơgŭm sư. Minh khŭl dơ̆ng bơ̆n 'bôh 'nhŏng oh bơ̆n pơm yoch khŏm khŏm, inh ưh kơ đei athei iĕm krao khan tơgŭm sư dơ̆ng ôh. Bơngai bu pơm yoch thoi noh sư gô răm tơpă.

I Sam 10:1

Samuel iŏk minh gĕl getchai iĕ mong đak rơmă 'bâu phu, na tuh tơ kơ̆l Sôl, đơ̆ng noh chŭm sư păng khan: 'Nâu Kră Yang tuh đak rơmă 'bâu phu kơ ih wă kơ ih pơgơ̆r kon pơlei Sư.

I Sam 15:11

Inh hmach dêh pôk boih Sôl pơm pơtao; yua kơ sư achăng lê̆ Inh, ưh kơ pơm kiơ̆ nơ̆r Inh. Samuel blĕk krao khan kơ Kră Yang prăt măng.

I Sam 15:23

Hơngah ưh kơ pơm kiơ̆ noh kư̆m yoch thoi bơngai pơjâu hơlĕnh; Pơang kư̆m yoch thoi kơkuh kơ rup yang. Yua kơ đơ̆ng ih achăng lê̆ nơ̆r Kră Yang, na sư kư̆m achăng lê̆ ih ưh kơ ăn kơ ih pơm pơtao.

I Sam 15:26

Samuel khan hăm Sôl: Inh ưh pă wih tơ jê̆ ih dơ̆ng; yua kơ ih achăng lê̆ nơ̆r Kră Yang, na Kră Yang kư̆m achăng lê̆ ih, ưh kơ pă wă ih pơm pơtao lu bơngai Isơrael dơ̆ng.

I Sam 15:35

Samuel ưh pă 'bôh Sôl dơ̆ng truh tơ năr sư lôch; yua kơ sư sơ'ngon dêh gah tơdrong jang Sôl; gah Kră Yang hmach dêh đei pơk Sôl pơm pơtao lu bơngai Isơrael.

I Sam 16:15

Lu đĭch đam sư roi: Đei minh 'nu yang kơnê̆ mă Kră Yang 'Bok Kei-Dei wơh truh pơm kơ đon pơtao hơwơ̆l hơwang.

I Sam 16:23

Na mưh Kră Yang 'Bok Kei-Dei ăn yang kơnê̆ mơ̆t pơm kơ Sôl hli, na Đawit iŏk brŏ tĭng-nĭng reh, pơlung Sôl pran hiôk, na yang kơnê̆ noh lĕch đơ̆ng sư.

I Sam 17:12

Na, Đawit, kon drŏ-nglo Jese bơngai Êphrat, oei lăm pơlei Betlehem dêh Juđa; sư đei tơhngam 'nu kon drŏ-nglo, lăm chăl Sôl, Jese sư bơngai kră mă đe pơyom.

I Sam 9:16

Năr dơning, kư̆m lăm jơ 'nâu mơ̆n, inh gô wơh minh 'nu bơngai đơ̆ng lăm dêh Bênjamin năm tơ'bơ̆p ih, ih gô tuh đak pơgang ăn kơ sư pơm pơtao đe Isơrael. Sư gô dŏng pơklaih kon pơlei Inh đơ̆ng ti đe Philistin; yua kơ Inh 'blŏk mơnat kơ kon pơlei Inh păng nơ̆r lu sư ôr krao kơtơ̆ng truh tơ Inh.