I Sam 13:7 - Sơ̆p Hlabơar Nơ̆r 'Bok Kei-Dei

⁷ Kŭm đei Lu bơngai Hêbrơ tŏk găn kơ đak Krong Jôrđăn, truh tơ tơring Gat păng Gileat. Mă-lei Sôl sư oei kơtă tơ Gilgal, đĭ-đăng kon pơlei kiơ̆ sư hli tơtey ngăl.

I Sam 13:7 Iomraidhean Croise

Lêwi 26:17

Inh gô wih rŏng hil mĭl kơ iĕm, lu bơngai ayăt kơ iĕm gô teh dong iĕm, lu bơngai areh kơ iĕm gô pơgơ̆r iĕm, lu iĕm gô kơdâu ôn mă khan ưh kơ đei bu druh.

Both 20:8

Lu yŏng pơgơ̆r linh khan dơ̆ng hăm lu linh: Bơngai bu hli tơrơ? Brŏk bĕ tơ hnam sư, kơnh jơhngơ̆m 'nhŏng oh wang hơdai hli thoi sư mơ̆n,

Both 28:25

Kră Yang gô ăn lu bơngai ayăt blah pơrăm iĕm jei lu sư; lu iĕm gô năm blah sư minh trong, lĕch kơdâu ôn kơ lu sư tơpơh trong; lu adrĕch adrung kơpal teh 'bôh iĕm gô hli tơrơ.

Both 3:12

Kơplah lu bơ̆n đei iŏk dêh noh, jing char bơ̆n inh asong ăn kơ adrĕch Rubên păng Gat iŏk đơ̆ng tơring gah yă-nơ̆m pơlei Arôe, tơ rok thŭng đak glung Arnôn păng minh puăt kông groi Gileat, hăm lu pơlei tih sư.

Jôsuê 13:11

teh đak noh đĭ đơ̆ng dêh Char Gileat, dêh char kon pơlei Gêsur păng kon pơlei Makatit, đĭ kơ kông Hermôn păng đĭ-đăng kơ char Basan truh tơ Salêka,

Jôsuê 13:8

Lu adrĕch Rubên, Gat păng minh puăt lăm adrĕch adrung Manase, đei iŏk boih teh đơ̆ng Môis đĭch đam Kră Yang đei asong ăn kơ lu sư, wă jang sa gah hơlĕch kơ đak Krong Jôrđăn.

Lu 7:3

Thoi noh lei na ih roi bĕ kơ kon pơlei pơla khan: Bơngai bu hli tơtăm weh bĕ đơ̆ng kông Gileat na wih bĕ tơ hnam. Thoi noh đei 'bar-jĭt 'bar-rơbâu 'nu bơngai wih brŏk oei pă mơjĭt-rơbâu 'nu bơngai.

I Sam 13:8

Sôl gô truh tơpơh năr, kiơ̆ kơ nơ̆r Samuel pơkă; mă-lei yua kơ Samuel ưh tam truh tơ Gilgal, na kon pơlei tơklah tơklang.

I Sam 17:11

Sôl păng lu bơngai Isơrael mơ̆ng dôm lu nơ̆r bơngai Philistin, pơma noh jơhngơ̆m lu sư hli tơrơ dêh.

I Sam 31:7

Kơplah lu bơngai Isơrael oei pah to pŭng-lŭng păng pah to Krong Jôrđăn, 'bôh lu linh bơngai Isơrael kơdâu ôn, Sôl păng pêng 'nu kon drŏ-nglo sư lôch boih, na achăng lê̆ lu pơlei sư kơdih na năm kơdâu ôn; na lu kon pơlei bơngai Philistin truh iŏk oei tơ lăm lu pơlei noh.