I Sam 13:5 - Sơ̆p Hlabơar Nơ̆r 'Bok Kei-Dei

⁵ Bơngai Philistin kư̆m akŭm pơpôi băl wă blah bơngai Isơrael: Lu sư đei pêng-jĭt rơbâu gre, aseh tơdrâu-rơbâu linh hao aseh păng linh yak jơ̆ng lơ thoi lĕ kơ chuơh tơ đak dơsĭ. Lu sư tŏk năm blah, lu sư pơm kơđông 'bơ̆t Mikmas, tơ gah hơlĕch kơ Bêt Awen.

I Sam 13:5 Iomraidhean Croise

Bl 22:17

Gô tuh ăn pŭn hiôk kơ ih, thim ăn kơ ih đei adrĕch adrung lơ thoi sơnglŏng tơ plĕnh ti, kư̆m thoi chuơh đak dơsĭ păng adrĕch adrung noh blah iŏk kơđông lu ayăt.

II Sam 17:11

“Na inh pơđâu khan kơ bơ̆n athei krao akŭm đĭ-đăng linh lăm kon pơlei Isơrael, iŏk ba dơ̆ng pơlei Đan truh tơ Bêrsêba, akŭm jum dăr kơ ih, lơ thoi chuơh đak dơsĭ, na ih kơdih gô pơgơ̆r lu sư năm tơblah.

I Pot 20:27

Bơngai Isơrael kư̆m krao akŭm đĭ-đăng, hơmet tơmam sa wă tơblah. Kon pơlei Isơrael pơm kơđông lu sư 'bơ̆t anăp tơklă kon pơlei Siri thoi 'bar khŭl bơbe tŏ-ĕt, gah lu linh bơngai Siri lơ dêh 'bĕnh-'bang kơ tơring char.

II Ho 1:9

Ơ Kră Yang 'Bok Kei-Dei, apinh Ih pơsĭt bĕ nơ̆r Ih đei pơkă pơ'ngam hăm 'bă inh Đawit, gơh jing yua kơ Ih đei pôk inh pơm pơtao boih wă wei pơgơ̆r lu adrĕch adrung lơ kơdrâ̆m thoi 'mui teh âu.

Êsai 10:28

Sư blah truh tơ pơlei Ayat. Sư rok pơlei Migrôn. Sư mong 'măn lê̆ tơmam sư lăm pơlei Mikmas.

Êsai 48:19

Kon sâu iĕm thoi pơlao chuơh adrĕch adrung iĕm thoi găr chuơh, anăn lu sư ưh kơ đei sut ưh kơ lôch hiong đơ̆ng anăp Inh.

Je 15:8

Inh gô ăn kơ drŏ-kăn adro rai lơ hloh kơ chuơh đak dơsĭ. Inh gô ăn bơngai năm pơrăm lu sư kơplah 'năr dơ̆ng, pơrăm lê̆ mĕ lu bơngai tơdăm. Inh gô tuh ăn tơdrong gleh truh kơ lu sư, jơhngơ̆m rŭng răng hli tơrơ.

Hôsia 10:5

Lu kon pơlei oei lăm char Kon pơlei Samari hli, yua kơ rup yang kon rơmo Bêt Awen hiong boih, kon pơlei ơh sơ'ngon yua rup yang noh, păng lu 'bok soi kư̆m nhơ̆m ơh 'mêm kơ rup kon rơmo 'lơ̆ng rŏ noh, yua kơ rup yang noh ưh pă đei boih.

Hôsia 4:15

Ơ bơngai Isơrael, ih pơm pơyô kư̆ kă dêh, ơ bơngai Juđa kơchăng bĕ 'nĕ kơ pơm yoch thoi sư, 'nĕ kơ mơ̆t tơ anih Gilgal, kư̆m 'nĕ tŏk tơ pơlei Bêt Awen; 'nĕ pơkă hiap kơdih akâu khan. Tơpă mă thoi Kră Yang arih.

Hôsia 5:8

Hlôm keng bĕ tơ pơlei Gibêah, Hlôm tơgiĕp tơ pơlei Rama. Ôr bĕ đei lu ayăt tơ pơlei Bêt Awen, ‘Ơ Bênjamin, nhôn tơ gah rŏng ih âu!

Rom 9:27

Gah tơdrong lu bơngai Isơrael, Êsai sư khan thoi âu: “Mă lu bơngai Isơrael lơlap lơlang dang pơlao chuơh dơsĭ, hui bơngai klaih đơ̆ng tơdrong yoch,

Jôsuê 11:4

Lu pơtao păng đĭ-đăng lu linh sư lĕch năm hơdai hăm kon pơlei lơ dêh đei aseh păng gre aseh lơ dêh tơpă nhen thoi chuơh cheng đak dơsĭ,

Jôsuê 18:12

Hơdral kơ Bênjamin gah yă-nơ̆m iŏk đơ̆ng đak Krong Jôrđăn, rok tŏk tơ gah yă-nơ̆m tơter kông pơlei Jêrikô tơ gah bơmơ̆t tŏk truh tơ kông groi tơ'bưh tơ lăm thŭng Bêt Awen.

Jôsuê 7:2

Đơ̆ng Jêrikô Jôsuê wơh bơngai năm chop lăng pơlei Ahi, Jê̆ Bêt Awen, gah hơlĕch kơ Bethel na khan: Năm chop lăng bĕ tơring noh. Lei na lu sư năm chop lăng pơlei Ahi.

Lu 7:12

Tơ noh kon pơlei Miđian, kon pơlei Amalek păng đĭ-đăng bơngai đơ̆ng gah hơlĕch nai oei tơ lăm thŭng lơlang lơlap nhen thoi lep tung-nut, lu aseh lăk-đa lu sư lơ ưh, kơ kĕ kơ jơ̆ nhen thoi pơlao chuơh tơter đak dơsĭ.

I Sam 13:11

Samuel jet sư: Ih pơm kiơ boih? Sôl tơl: Inh 'bôh kon pơlei tơklah tơklang achăng lê̆ inh ih ưh kơ năm 'blep kơ năr ih pơkă, bơngai Philistin đĭ hơdrŭm 'bơ̆t Mikmas bơih,

I Sam 13:2

Na sư rơih iŏk pêng-rơbâu 'nu, đơ̆ng lăm bơngai Isơrael 'bar-rơbâu 'nu wă kơ oei hơdai sư tơ Mikmas păng tơ groi kông Bethel, oei pă minh-rơbâu 'nu noh oei hăm Jônathan tơ Gibêah lăm dêh Bênjamin. Kon pơlei mă oei oei dôm yơ noh, sư ăn brŏk, rim 'nu brŏk tơ bơsŭn lu sư kơdih.

I Sam 14:23

Kră Yang dŏng pơklaih bơngai Isơrael lăm năr 'noh; tơdrong tơblah lanh truh tơ Bêt Awen.

I Sam 14:52

Đĭ chăl arih Sôl đei tơdrong tơblah tih hơnơ̆ng hăm bơngai Philistin; dah Sôl 'bôh bơngai pran păng nuih kơtang, sư rôp iŏk bơngai 'noh kiơ̆ sư păng jang hăm sư.

I Sam 17:1

Kon pơlei Philistin krao akŭm lu linh sư wă tơblah lu sư akŭm tơ Sôkô, lăm dêh Juđa păng kơđông sư tơ Êphes Đamim, sơlam Sôkô păng Asêka.

I Sam 7:13

Philistin thuơ bơih, ưh pă pơ̆n tơgar iŏk teh đơ̆ng bơngai Isơrael dơ̆ng. Đĭ chăl arih Samuel, ti Kră Yang găn ưh kơ ăn bơngai Philistin tơgar iŏk dơ̆ng.