I Sam 13:4 - Sơ̆p Hlabơar Nơ̆r 'Bok Kei-Dei

⁴ Wă đĭ-đăng bơngai Isơrael kơtơ̆ng bơih kơ Sôl blah kơđông pơlôch yŏng Philistin păng băt kơ Philistin areh ayăt kơ Isơrael. Kơplah ei, Sôl krao akŭm đĭ kon pơlei pơla tơ Gilgal.

I Sam 13:4 Iomraidhean Croise

Bl 34:30

Na Jakôp khan kơ Simêôn păng Lêwi thoi âu: Măr iĕm pơm kiơ kơ inh ưh kơ hiôk, pơm ăn kơ kon tơring âu. Bơngai Kanaan păng bơngai Phêrêsit, hil areh kơ bơ̆n. Bơ̆n âu, tŏ sĕt bơngai; dah lu sư akŭm băl blah bơ̆n inh păng hnam dơnŏ bơ̆n gô răm.

Bl 46:34

Athei khan tơbăt: Lu đĭch đam ih păng yă 'bok nhôn juăt kơ bơ̆jang wei sem dơrong iŏk đơ̆ng 'lơ̆p sơ̆ khơ̆ dang ei. Noh wă kơ iĕm oei tơ tơring Gôsen, yua kơ kon pơlei Êyiptơ, tơdrong arih lu sư ngăl lăng lu bơngai wei triu 'brơ̆ krưp dêh.

II Sam 10:6

Kon pơlei Ammôn băt kơ lu sư pơm wă kơ Đawit blĕk, na wơh bơngai năm mưng iŏk kon pơlei Siri oei tơ pơlei Bêtrêhot păng tơ Sôba dang 'bar-jĭt rơbâu 'nu linh, na mưng iŏk đơ̆ng pơtao Maaka minh-rơbâu 'nu linh, păng mơjĭt-'bar rơbâu 'nu bơngai đơ̆ng pơlei Top.

Le 5:21

na khan; “măr iĕm pơm kiơ kơ lu nhôn. Apinh Kră Yang lăng păng phak măr iĕm. Yua kơ kiơ măr iĕm ăn kơ Pharaôn păng linh bơ̆jang kơ sư hil areh kơ lu nhôn, thoi ăn đao gưm lăm ti lu sư wă kơ pơlôch lu nhôn.”

Sa 11:8

Lăp lăm minh khei đĕch Inh pơlôch đĭ pêng 'nu bơngai wei triu; Inh pă kĕ ĕnh hăm lu sư boih păng lu sư kư̆m lei-lăi ưh pă lăp kơ Inh.

Jôsuê 5:9

Kơplah noh Kră Yang khan kơ Jôsuê: Năr âu Inh hŭt lê̆ boih tơdrong mơlâu lu iĕm đơ̆ng lu bơngai dêh Êyiptơ, lei na đe krao anăn anih âu Gilgal, mă truh dang ei.

I Sam 10:8

Đơ̆ng noh, ih athei năm jur adrol kơ Inh tơ Gilgal, inh gô kiơ̆ ih tơ noh wă pơyơ̆r tơmam soi 'buh păng tơmam soi băt bơnê. Ih athei gô Inh truh tơ noh tơpơh năr Inh gô bơtho ih dôm tơdrong ih athei pơm.

I Sam 27:12

Akis lui kơ Đawit, na khan: Sư pơm ăn kơ lu bơngai Isơrael lăng sư krưp dêh, jơ̆ kon pơlei pơla sư, na sĭt tơpă sư gô pơm đĭch đam inh ling-lang ling-lang.