I Sam 12:8 - Sơ̆p Hlabơar Nơ̆r 'Bok Kei-Dei

⁸ Đơ̆ng rŏng kơ Jakôp truh tơ Êyiptơ, yă 'bok lu iĕm đei krao apinh Kră Yang; Kră Yang wơh Môis păng Arôn chông anhăk yă 'bok iĕm sơ̆ lĕch đơ̆ng dêh char Êyiptơ, na ăn kơ lu sư oei tơ dêh char âu.

I Sam 12:8 Iomraidhean Croise

Horiso 105:44

Sư jao ăn teh kơ lu sư đơ̆ng lu dêh char. Lu sư yua iŏk mir chŭn pơgar đơ̆ng lu kon pơlei.

Le 12:51

Kŭm lăm năr 'noh Kră Yang chông tơlĕch pơklaih kon pơlei Isơrael, kiơ̆ kơ khŭl linh, lĕch đơ̆ng dêh Êyiptơ.

Le 6:26

'Nâu boih adrĕch, Arôn păng Môis, wă khan bơngai mă Kră Yang bơtho khan: Athei chông anhăk kon pơlei Isơrael lĕch đơ̆ng dêh Êyiptơ.

Jo 20:15

tơdrong 'bok yă lu nhôn năm boih tơ dêh Êyiptơ, lu nhôn oei tơ noh kư̆m đunh, mă-lei kon pơlei lăm dêh char noh pơm kơnê̆ kơ nhôn păng 'bok yă lu nhôn.

Jang 7:15

Na Jakôp năm oei tơ dêh char Êyiptơ. Sư lôch tơ ei hloi păng đĭ-đăng kon sư lu kơdră bơ̆n kư̆m lôch tơ ei mơ̆n.

Jôsuê 1:6

Ih Athei chơ̆n jơhngơ̆m nuih pran yua kơ ih gô chông ba lu kon pơlei pơla năm iŏk dêh char mă Inh đei pơkă boih wă ăn kơ lu 'bok iĕm.

Jôsuê 21:43

Thoi noh boih Kră Yang ăn kơ adrĕch Isơrael đĭ char mă Kră Yang pơkă boih kơ adrĕch adrung lu 'bok sư. Kon pơlei Isơrael iŏk klah asong bơ̆jang sa mir 'ba păng oei tơ lăm char noh.

I Sam 10:18

na khan kơ bơngai Isơrael: Kră Yang 'Bok Kei-Dei bơngai Isơrael khan thoi âu: Inh đei chông ba bơngai Isơrael lĕch hlôi đơ̆ng Êyiptơ, inh đei dŏng pơklaih lu iĕm đơ̆ng ti đe Êyiptơ păng đơ̆ng ti dôm lu pơtao pơgŏ pơđep lu iĕm.

I Sam 12:6

Samuel khan kơ kon pơlei pơla: Kră Yang jơ̆ Tơ'ngla rơih Môis păng Arôn, chông ba yă 'bok lu iĕm lĕch đơ̆ng dêh Êyiptơ.