I Sam 12:12 - Sơ̆p Hlabơar Nơ̆r 'Bok Kei-Dei

¹² Mă-lei kơplah iĕm 'bôh Nahas, pơtao đe Ammôn, năm blah lu iĕm, lu iĕm năm khan kơ inh: Ưh ôh; lu nhôn athei đei minh 'nu pơtao pơgơ̆r lu nhôn; mă tơpă sư lăm noh Kră Yang 'Bok Kei-Dei bơih pơm pơtao lu iĕm.

I Sam 12:12 Iomraidhean Croise

Bl 17:7

Inh pơgơ̆p pơkă hăm ih păng lu ioi adrĕch adrung ih truh tơ dôm jơhnơr noh pơgơ̆p pơkă ling-lang, Inh boih Kră Yang 'Bok Kei-Dei ih păng lu adrĕch adrung ih.

Horiso 74:12

Mă-lei Kră Yang 'Bok Kei-Dei jơ̆ pơtao inh đơ̆ng sơ̆. Oei dŏng pơklaih tơ jơ̆p kơ teh đak.

Êsai 33:22

Tơpă, Kră Yang bơih Tơ'ngla sek tơlang lu bơ̆n, Kră Yang Tơ'ngla pơjing ăn kơ lu bơ̆n khôi juăt, Sư bơih Kră Yang pơtao lu bơ̆n, sư bơih Tơ'ngla dŏng pơklaih lu bơ̆n!

Je 40:11

Đĭ-đăng bơngai Juđa oei lăm char Môap, Ammôn, lăm char Eđôm păng oei lăm dêh char nai kư̆m kơtơ̆ng pơtao Babilôn kư̆m oei lê̆ kon pơlei oei lăm char Juđa, na pơtao pôk Gêđalia, kon drŏ-nglo Ahikam sâu Saphan, pơm yŏng pơgơ̆r lu sư.

Hôsia 13:10

Dang ei tơ yơ pơtao iĕm juăt ngăl dŏng pơklaih iĕm? Tơ yơ đĭ-đăng lu yŏng pơgơ̆r iĕm lăm rim pơlei? Tơ yơ lu yŏng mă lu bơngai iĕm ngăl khan: Ăn kơ lu nhôn đei minh 'nu pơtao păng lu yŏng pơgơ̆r!

Jo 23:21

Sư ưh kơ đei 'bôh ôh tơdrong yoch kơnê̆ lăm Jakôp, Păng ưh kơ đei tơdrong răm lăm Isơrael, Kră Yang 'Bok Kei-Dei lu sư, oei hơdai lu sư, Lăm adrĕch Isơrael đei nơ̆r pơtao jreo chơt hiôk lăm lu sư.

Lu 8:23

Giđêôn tơl lu sư; Inh ưh kơ pơgơ̆r lu iĕm kon drŏ-nglo inh kư̆m ưh kơ pơgơ̆r lu iĕm mơ̆n; Kră Yang gô pơgơ̆r lu iĕm.

Lu 9:18

Mă-lei dang ei iĕm iung blah hnam dơnŏ 'bă inh pơlôch tơpơh-jĭt 'nu lu kon drŏ-nglo sư tơ kơpal tơmo tih, na pơk Abimêlek kon drŏ-nglo hăm drŏ-kăn kơnhŏng sư pơm pơtao pơgơ̆r kon pơlei Sichem yua kơ sư noh 'nhŏng oh lu iĕm.

I Sam 10:19

Mă-lei lu iĕm sơngah kơ Kră Yang 'Bok Kei-Dei lu iĕm, Tơ'ngla mă dŏng pơklaih iĕm đơ̆ng dôm tơdrong pơmat-tat păng hli hlơt; Lu iĕm đei apinh: Ăn kơ nhôn minh 'nu pơtao wă kơ pơgơ̆r lu nhôn! Na dang ei, hơmet bĕ dơ̆ng 'bơ̆t anăp Kră Yang pơrĕng kiơ̆ adrĕch adrung păng kiơ̆ kơtum kơtŏng.

I Sam 8:3

Mă-lei 'bar 'nu kon drŏ-nglo sư ưh kơ rok kiơ̆ 'bă bre sư ôh, bre sư hưch ham kơ jên tơmam, pơgâm sa tơmam đe păng sek ưh kơ tơpăt.