I Sam 12:11 - Sơ̆p Hlabơar Nơ̆r 'Bok Kei-Dei

¹¹ Kră Yang wơh hĭ Jêrup Baal, Barak, Jeptha păng Samuel; lu sư dŏng pơklaih lu iĕm đơ̆ng ti lu ayăt tăp dăr kơ lu iĕm, ăn kơ lu iĕm oei arih hiôk-hian.

I Sam 12:11 Iomraidhean Croise

II Pot 13:5

Kră Yang ăn kơ Isơrael minh 'nu bơngai dŏng pơklaih lu sư, kon pơlei Isơrael klaih đơ̆ng ti lu đe Aram păng gơh oei lăm anih hnam lu sư kơdih thoi adrol sơ̆ dơ̆ng,

I Ho 7:17

Kon drŏ-nglo Ulam noh: Bêđan. 'Noh boih kon drŏ-nglo Gileat, sâu Makir, sâu i Manase.

Lu 4:6

Yă ei wơh athei đe krao Barak kon drŏ-nglo Abinôam đơ̆ng pơlei Kêđes lăm dêh char Naptali, na khan kơ sư: Kră Yang 'Bok Kei-Dei Isơrael tơtă kơ ih: Năm rơih akŭm minh-rơbâu 'nu bơngai đơ̆ng adrĕch Naptali păng lăm kon sâu Sebulun păng tŏk tơ kông Tabôr,

Lu 6:14

Kră Yang wih lăng tơ sư păng khan: Năm bĕ yua hăm jơhngơ̆m pran kơtang ih đei boih năm dŏng pơklaih lu bơngai Isơrael đơ̆ng ti kon pơlei Miđian. Hăm trŏ Inh oei wơh ih năm dah ưh?

Lu 6:31

Mă-lei Jôas tơl tơwih kơ lu bơngai wă pơm kơnê̆ hăm sư: Lu iĕm wă blah dŏng yang Baal hă? Lu iĕm wă dŏng sư dah kiơ? Bơngai bu wă blah dŏng sư gô lôch pơgê 'nâu. Dah Baal yang tơpă, lê̆ kơ sư năm tơblah kơdih bĕ, yua kơ chơnang soi sư đe pơrăm boih to.

Lu 6:32

Thoi noh lăm năr noh đe krao Giđêôn Jêrup Baal, yua kơ đêl khan, thôi lê̆ kơ yang Baal tơblah hăm 'bok noh. Yua kơ Giđêôn đei pơrăm boih chơnang soi sư!

Lu 7:1

Lăp năr đơ̆ng rŏng, Jêrup Baal,a păng đĭ-đăng kon pơlei kiơ̆ sư iung đơ̆ng hrôih năm pơm bơsŭn oei pơdơh tơ tu đak Harôt lu bơngai Miđian pơm bơsŭn oei pơdơh tơ lăm thŭng gah yă-nơ̆m kơ lu sư jê̆ jơ̆ng groi Môre.

Lu 8:29

Jêrup Baal kon drŏ-nglo Jôas, wih brŏk oei tơ hnam sư kơdih.

Lu 8:35

Lu sư kư̆m ưh kơ đei jơhngơ̆m 'lơ̆ng tŏ sĕt hăm hnam Jêrup Baal noh Giđêôn, wă 'mong kơ dôm tơdrong hiôk 'lơ̆ng mă sư đei pơm boih kơ bơngai Isơrael.

I Sam 3:20

Đơ̆ng Đan truh tơ Bêrsêba, đĭ-đăng bơngai Isơrael băt ngăl kơ Samuel jing 'bok khan lê̆ adrol tơpăt đơ̆ng Kră Yang ăn.

I Sam 7:13

Philistin thuơ bơih, ưh pă pơ̆n tơgar iŏk teh đơ̆ng bơngai Isơrael dơ̆ng. Đĭ chăl arih Samuel, ti Kră Yang găn ưh kơ ăn bơngai Philistin tơgar iŏk dơ̆ng.