I Sam 10:8 - Sơ̆p Hlabơar Nơ̆r 'Bok Kei-Dei

⁸ Đơ̆ng noh, ih athei năm jur adrol kơ Inh tơ Gilgal, inh gô kiơ̆ ih tơ noh wă pơyơ̆r tơmam soi 'buh păng tơmam soi băt bơnê. Ih athei gô Inh truh tơ noh tơpơh năr Inh gô bơtho ih dôm tơdrong ih athei pơm.

I Sam 10:8 Iomraidhean Croise

II Sam 19:16

Simêi, kon drŏ-nglo Gêra, bơngai Bênjamin oei tơ Bahurim, hăt hot năm jur hăm lu bơngai Juđa wă sơng pơtao Đawit.

Lêwi 3:9

Đơ̆ng tơmam soi pơyơ̆r 'blŏk bơnê noh, sư athei soi 'buh pơyơ̆r kơ Kră Yang: Rơmă, kiĕng chơ̆ng iŏk 'bơ̆t kơting chơđui, đĭ-đăng lu rơmă lom klak.

Jôsuê 4:19

Năr mơjĭt khei mônh, kon pơlei tŏk hlôi kơ đak Krong Jôrđăn, pơm anih tơ Gilgal, gah hơlĕch kơ pơlei Jêrikô,

I Sam 13:4

Wă đĭ-đăng bơngai Isơrael kơtơ̆ng bơih kơ Sôl blah kơđông pơlôch yŏng Philistin păng băt kơ Philistin areh ayăt kơ Isơrael. Kơplah ei, Sôl krao akŭm đĭ kon pơlei pơla tơ Gilgal.

I Sam 15:33

Mă-lei Samuel khan: Dah đao ih pơm boih kơ bơngai drŏ-kăn hiong kon thoi yơ, na mĕ ih kư̆m gô hiong kon thoi noh mơ̆n. Đang kơ pơma, Samuel pơlôch hloi Agak 'bơ̆t anăp Kră Yang tơ Gilgal.