I Sam 10:25 - Sơ̆p Hlabơar Nơ̆r 'Bok Kei-Dei

²⁵ Samuel bơtho tơ'bôh tơdrong juăt kơ pơtao 'bơ̆t anăp kon pơlei, chih tơ sơ̆p hla bơar dan 'bơ̆t anăp Kră Yang. Đơ̆ng noh, Samuel ăn kơ kon pơlei brŏk tơ hnam lu sư kơdih kơdih.

I Sam 10:25 Iomraidhean Croise

II Pot 11:17

Jêhôiada pơjing tơdrong pơgơ̆p pơkă hơlam Kră Yang hăm pơtao păng kon pơlei wă kơ lu sư jing kon pơlei Kră Yang. Sư kư̆m pơjing tơdrong pơgơ̆p pơtao hăm kon pơlei mơ̆n.

Both 31:26

iŏk bĕ sơ̆p hla bơar khôi juăt 'nâu, lê̆ 'bơ̆t cheng Hom Tơdrong Pơgơ̆p Kră Yang 'Bok Kei-Dei lu iĕm, lê̆ Sơ̆p hla bơar tơ noh 'bơ̆t cheng Hom Tơdrong Pơgơ̆p pơm nơ̆r tơbăt pơsĭt ayăt hăm lu iĕm:

Tit 3:1

Ih tơ'blŏk ăn kơ lu buăl lui athei sư lui yom kơ dôm lu kră pơgơ̆r; păng dôm tơdrong 'lơ̆ng sư wơh wă kơ bơ̆n pơm, bơ̆n athei pơm mă tơpă.

Jôsuê 22:6

Jôsuê sơkat ăn pŭn hiôk kơ lu sư, na ăn kơ lu sư wih brŏk tơ anih hnam lu sư kơdih.

I Sam 11:14

Samuel khan kơ kon pơlei pơla thoi âu: Bĕ bơ̆n năm tơ Gilgal wă hơmet ming pơk Sôl pơm pơtao.

I Sam 8:9

Na dang ei, ih athei mơ̆ng nơ̆r lu sư, mă-lei ih 'nĕ hiơt pơma mă trŏ mă 'lơ̆ng păng tơbăt kơ lu sư băt kơ pơtao mă wă pơgơ̆r lu sư noh gô liơ kơnh.