I Sam 1:8 - Sơ̆p Hlabơar Nơ̆r 'Bok Kei-Dei

⁸ Êlkana klo sư khan kơ sư, ơ Hana, yua kơ kiơ ih nhơ̆m? Hăm yua kơ kiơ ih ưh kơ sŏng sa? Yua kơ kiơ jơhngơ̆m ih sơ'ngon? Liơ ih đei inh bơih ưh kơ gĭt hloh kơ đei mơjĭt 'nu kon drŏ-nglo hă?

I Sam 1:8 Iomraidhean Croise

II Pot 8:12

Hasael jet: “Ơ yŏng tơ'ngla ĭnh, yua kơ kiơ ih nhơ̆m?” Êlisê tơl: “Yua kơ ĭnh băt ih gô pơm kơnê̆ pơrăm lu bơngai Isơrael, ih gô soh chhông lu pơlei tih kơjăp noh, pơlôch lu bơngai drŏ-nglo oei hơmuh hơmŏng pơlôch hăm đao, juă pơhlơ̆r lu hơ'lơ̆p iĕ, păng roch klak lu bơngai drŏ-kăn oei anăp.”

Jop 6:14

“Bơngai rơdu ơh sơ'ngon kăl kơ đei 'bôh buăl tơgŭm pơlung, mă khan bơngai noh hiong tơdrong hli yom kơ Kră Yang Tih Hloh.

Horiso 43:4

Dang ei inh gô năm truh tơ anih Chơnang soi kơ Kră Yang 'Bok Kei-Dei. Wă khan truh tơ Kră Yang 'Bok Kei-Dei, noh boih tơdrong mă inh chơt hiôk 'nă hal, Ơ Kră Yang, Kră Yang 'Bok Kei-Dei inh, Inh gô iŏk brŏ reh bơnê ư-ang kơ Ih.

Êsai 54:1

Ơ bơngai drŏ-kăn hơwŏng, bơngai ưh kơ đei hơiơch hơri bĕ. Ơ bơngai tam mă jĭ rơneh, hơri jreo hiôk chơt bĕ, yua kơ kon hơ'lơ̆p bơngai drŏ-kăn tŭk gô đei lơ hloh kơ kon hơ'lơ̆p bơngai drŏ-kăn mă đei klo, Kră Yang khan thoi 'noh.

Êsai 54:6

Kră Yang krao iŏk iĕm thoi drŏ-kăn klo achăng lê̆ păng ơh sơ'ngon lăm jơhngơ̆m, nhen thoi akăn iŏk oei kơplah oei mơlôh, Kră Yang 'Bok Kei-Dei iĕm khan thoi noh.

Yo 20:13

Bre sư jet Mari thoi âu: “Ih hmoi kơ kiơ?” Mari khan: “Đe iŏk atâu Yŏng inh, thoi noh inh ưh kơ băt đe lê̆ Sư tơ yơ ôh.”

Yo 20:15

Yêsu khan kơ Mari: “Ih hmoi kơ kiơ, ih chă bu?” Mari ngêh kơ Yêsu 'noh bơngai wei pơgar, na sư khan: “Ơ 'bok, tơdah ih đei iŏk atâu Sư, apinh ih roi kơ inh ih lê̆ tơ yơ, wă kơ inh năm iŏk Sư.”

I Tes 5:14

Ơ 'nhŏng oh, nhôn pơkă kơ iĕm thoi âu: Iĕm athei bơtho bơngai alah wă kơ sư pơnam. Iĕm athei pơma dơnuh kơ bơngai sơ'ngon wă kơ sư hiơt kơ tơdrong sơ'ngon huay pă ơh klai dơ̆ng. Bơtho lu bơngai lui rơdu wă kơ sư lui kơjăp. Đe hơwĕng hil areh kơ iĕm, iĕm athei lê̆ đĕch.

Ru 4:15

Sư gô jing minh 'nu bơngai pơlung tơiung ih, sư gô wei rong ih lăm năr ih kră, yua kơ sư kon mŏ mai ih bơngai 'mêm kơeng kơ ih, Rut mŏ mai ih gĭt hloh kơ tơpơh 'nu kon drŏ-nglo.

I Sam 1:7

Ling-lang thoi noh lăm rim sơnăm; rim wơ̆t Hana tŏk năm tơ hnam Kră Yang Pênina ơh pơklai lăm jơhngơ̆m. Dĭng mah Hana nhơ̆m păng ưh kơ sŏng sa.