I Sam 1:6 - Sơ̆p Hlabơar Nơ̆r 'Bok Kei-Dei

⁶ Pênina jơ̆ păng pơklai jơhngơ̆m sư, yua kơ Kră Yang ăn kơ sư hơwŏng.

I Sam 1:6 Iomraidhean Croise

Bl 30:1

Rachel lăng 'bôh kơdih akâu ưh kơ đei pơjing kon hơ'lơ̆p ăn kơ Jakôp, na lăm jơhngơ̆m sư areh kơ mŏ sư Lêa, sư khan kơ Jakôp thoi âu: Ăn bĕ kơ inh đei hơ'lơ̆p, tơdah ưh, inh lôch.

II Sam 6:23

Thoi noh, Mikal; kon adruh Sôl, ưh kơ đei pơjing hơ'lơ̆p ôh truh tơ sư lôch.

Jop 24:21

Lu sư plah tơgar iŏk tơmam drŏ-kăn hơwŏng, Pơm kơnê̆ kơ lu yă adro po.

Jop 6:14

“Bơngai rơdu ơh sơ'ngon kăl kơ đei 'bôh buăl tơgŭm pơlung, mă khan bơngai noh hiong tơdrong hli yom kơ Kră Yang Tih Hloh.

Lêwi 18:18

'Nĕ iŏk mŏ mai dah oh akăn ih, wă plah tơgar iŏk hưch pơm kư̆ kă, kơplah akăn ih oei arih.

Lu 11:37

Kon drŏ-kăn sư khan kơ 'bă sư: Apinh 'bă drơ̆ng iŏk nơ̆r kon pơma âu: Wă kơ kon rơhơi jơhngơ̆m lăm 'bar khei, kon gô tŏk oei tơ kơpal kông hăm lu mŏ oh, buôl buăl kon nhơ̆m hmoi kơ kon oei adruh hơlai hơnĭl layơ gơh iŏk klo.

I Sam 1:7

Ling-lang thoi noh lăm rim sơnăm; rim wơ̆t Hana tŏk năm tơ hnam Kră Yang Pênina ơh pơklai lăm jơhngơ̆m. Dĭng mah Hana nhơ̆m păng ưh kơ sŏng sa.

I Sam 2:1

Hana krao apinh păng khan: Jơhngơ̆m inh chơt hiôk lăm Kră Yang; Kră Yang pơm ăn kơ jơhngơ̆m inh hiôk chơt. 'Bơ̆r inh pơma pơgreh khan kơ lu bơngai ayăt kơ inh. Inh chơt hiôk Ih dŏng pơklaih inh.