I Sam 1:26 - Sơ̆p Hlabơar Nơ̆r 'Bok Kei-Dei

²⁶ Păng khan: “Ơ yŏng tơ'ngla inh arih ling-lang ơ yŏng inh, inh bơih bơngai drŏ-kăn mă oei dơ̆ng tơ âu 'bơ̆t anăp ih krao apinh Kră Yang.

I Sam 1:26 Iomraidhean Croise

Bl 42:15

'Nâu inh wă pơlong lăng lu iĕm: Inh pơkăm hăm anăn Pharaôn na pơkă, tơdah oh hơdruch iĕm ưh kơ năm tơ âu lei lu iĕm ưh kơ gơh klaih hlôi đơ̆ng anih âu.

II Sam 11:11

Uri tơl Đawit: “Hom pơgơ̆p lu linh Isơrael păng Juđa oei tơ lăm bơsŭn, Jôap yŏng tơ'ngla inh, hăm lu đĭch đam oei tơ bri, na inh wă brŏk tơ hnam sŏng sa păng tep hơdai păng akăn inh hă? Inh pơkă hăm ih, inh ưh kơ gơh pơm minh tơdrong thoi noh”

II Sam 14:19

Pơtao apinh: “Hăm trŏ kư̆m đei ti Jôap mơ̆t hơdai lăm dôm tơdrong 'nâu?” Bơngai drŏ-kăn tơl: Pơtao yŏng tơ'ngla inh, inh yua tơdrong arih pơtao na pơkă, trŏ thoi nơ̆r pơtao đei khan. Jôap đĭch đam ih boih, pơjao ăn kơ inh păng bơtho tơ'bôh dôm lu nơ̆r wă pơma apinh păng pơm.

II Pot 2:2

Êli khan kơ Êlisê: “Inh apinh ih ngôi 'bơ̆t dâu; yua kơ Kră Yang wơh inh năm tơ Bethel.” Êlisê tơl sư: “Inh pơkă hăm Kră Yang mă arih ling-lang, păng pơkă hăm ih 'bok thây inh, inh ưh kơ layơ tơklah đơ̆ng ih ôh.” Thoi noh na bre sư năm hĭ tơ Bethel.

II Pot 2:4

Êli khan kơ Êlisê thoi âu: “Inh apinh ih ngôi 'bơ̆t dâu hŏ, yua kơ Kră Yang wơh inh năm tơ pơlei Jêrikô” Êlisê tơl dơ̆ng: “Inh pơkă hăm Kră Yang mă arih ling-lang păng pơkă hăm ih 'bok thây inh, inh ưh kơ layơ tơklah đơ̆ng ih ôh.” Thoi noh na bre sư năm hĭ tơ Pơlei Jêrikô.

II Pot 2:6

Êli khan kơ sư: “Inh apinh ih ngôi 'bơ̆t dâu hŏ yua kơ Kră Yang wơh inh năm tơ đak krong Jôrđăn.” Êlisê tơl: “Inh pơkă hăm Kră Yang mă arih ling-lang păng pơkă hăm ih 'bok thây inh, inh ưh kơ layơ tơklah đơ̆ng ih ôh.” Thoi noh bre sư oei hơnơ̆ng năm hơdai đĕch.

II Pot 4:30

Mĕ bơngai 'lơ̆p ei khan: “Inh pơkă hăm Kră Yang mă arih ling-lang păng pơkă hăm ih, inh ưh kơ layơ tơklah đơ̆ng ih.” Na Êlisê gruih iung, kiơ̆ duch ei hloi.

I Ho 4:10

Jabes krao apinh Kră Yang 'Bok Kei-Dei Isơrael khan: “Ơ Kră Yang apinh Ih tuh ăn kơ inh pŭn hiôk pơih ăn hơdral teh đak inh mă să! Apinh ti mơsêh Ih oei hơdai inh, wei-lăng inh klaih đơ̆ng tơdrong răm pơmat-tat” Kră Yang 'Bok Kei-Dei ăn hloi thoi tơdrong sư krao apinh.

I Sam 17:55

Sôl 'bôh Đawit năm blah bơngai Philistin, na jet Apne yŏng pơgơ̆r linh: Ơ Apner, bơngai tơdăm mơlôh noh kon drŏ-nglo bu? Apner tơl khan: Ơ pơtao inh arih sot! Inh ưh kơ băt.

I Sam 20:3

Mă-lei Đawit khan hơđăl: 'Bă ih băt hơđăl ih 'mêm kơ inh, na đei pơma khan: 'Nĕ kơ roi ăn kơ Jônathan băt, kơnh sư hơ'ngon inh pao anăn Kră Yang mă arih ling-lang păng tơdrong arih ih na pơkă: Lăp minh yak đĕch sơlam inh hăm tơdrong lôch.

I Sam 25:26

Kră Yang găn ih wă pơm tuh pham wă pơm 'mong inh pao anăn Kră Yang mă arih ling-lang păng tơdrong arih ih kơdih na pơkă; hơpơi kơ lu ayăt kơ ih păng lu bơngai chă wă pơrăm ih kư̆m pŭ nhen thoi Nabal!