I Sam 1:18 - Sơ̆p Hlabơar Nơ̆r 'Bok Kei-Dei

¹⁸ Sư drơ̆ng, apinh ih ăn kơ inh đam drŏ-kăn ih đei mơnat 'bơ̆t anăp ih. Na Hana wih brŏk păng sŏng sa, muh măt sư ưh pă sơ'ngon bơih.

I Sam 1:18 Iomraidhean Croise

Bl 32:5

Đei rơmo, aseh, triu, đĭch drŏ-nglo, đam drŏ-kăn, thoi noh apinh lu đe âu năm roi kơ yŏng tơ'ngla inh băt adrol, wă kơ đei pŭn hiôk đơ̆ng yŏng tơ'ngla inh.

Bl 32:6

Lu đam sư brŏk đơ̆ng Êsâu păng roi kơ Jakôp thoi âu: Lu nhôn năm truh tơ Êsâu 'nhŏng ih; na âu; sư oei chông ba puăn-hrĕng 'nu bơngai wă năm sơng ih.

Bl 33:15

Êsâu khan: Thoi ei, 'nhŏng lê̆ hơya minh 'bar 'nu bơngai gô yak hơdai oh, Jakôp khan: Ngĕ kiơ kơ lei huay ôh, 'nhŏng đei jơhngơ̆m 'mêm kơ oh, 'noh gĭt dêh bơih!

Bl 33:8

Êsâu apinh: Khŭl bơngai mă 'nhŏng đei tơ'bơ̆p hei noh. Oh wă pơm kiơ? Sư tơl: Noh wă apinh tơdrong mơnat đơ̆ng ih kơdră inh.

Horiso 34:6

Lu bơngai pơmat âu ôr krao Kră Yang, Kră Yang mơ̆ng nơ̆r lu sư. Dŏng pơklaih lu sư đơ̆ng dôm tơdrong pơmat-tat.

Bôk Bơthô 9:7

Lei sŏng sa hiôk hal bĕ păng huch đak hơmu ih mă chơt hiôk bĕ! Yua kơ Kră Yang 'Bok Kei-Dei ăn boih kơ inh dôm tơdrong noh.

Yo 16:24

Iĕm athei apinh 'Bă Inh, thoi âu: Yua kơ nhôn lui kơ Kon Ih Yêsu na nhôn apinh Ih wă kơ Ih ăn kơ nhôn tơdrong noh. Iĕm apinh Sư thoi noh, gô đei kơ iĕm tơpă. Thoi noh na iĕm chơt hiôk chhơp kơ jơhngơ̆m iĕm tơpă. Mă-lei đơ̆ng sơ̆ khơ̆ dang ei iĕm tam mă krao khan apinh Sư thoi noh 'mơ̆i.

Rom 15:13

Yua kơ bơ̆n gơnang kơ 'Bok Kei-Dei tơpă, na bơ̆n băt chang gô tôm tơdrong 'Bok Kei-Dei wă ăn kơ bơ̆n. Na inh apinh Sư ăn kơ chăl arih iĕm hiôk hơiă, hiôk-hian yua kơ iĕm lui kơ Sư, na Yang Bơhngol 'Lơ̆ng tơgŭm iĕm băt kơ tơdrong chang gô noh.

Ru 2:13

Rut tơl thoi âu: Ơ yŏng tơ'ngla inh, ih đei jơhngơ̆m mơnat kơ inh păng pơlung inh, ih pơm 'lơ̆ng kơ inh đam ih, mă khan inh ưh kơ trŏ kơ lu đam drŏ-kăn ih.

Ru 2:2

Rut bơngai drŏ-kăn Môap khan kơ Naômi thoi âu: Apinh ih ăn kơ inh năm tơ mir wă kơ inh chă mok 'ba kiơ̆ đơ̆ng rŏng bu mă đei jơhngơ̆m mơnat kơ inh, na inh chă mok măi 'ba. Naômi drơ̆ng sư: Ơ mŏ, năm bĕ.