I Pot 8:3 - Sơ̆p Hlabơar Nơ̆r 'Bok Kei-Dei

³ Kơplah lu kră pơlei Isơrael truh, lu 'bok soi tung hloi Hom Pơgơ̆p Kră Yang.

I Pot 8:3 Iomraidhean Croise

II Sam 6:12

Đe năm roi ăn kơ pơtao Đawit: “Kră Yang đei tuh pŭn hiôk kơ hnam dơnŏ Ôbêt Eđôm păng dôm tơmam sư đei, yua kơ Hom pơgơ̆p Kră Yang 'Bok Kei-Dei.” Đawit hloi năm iŏk anhăk hloi Hom pơgơ̆p Kră Yang 'Bok Kei-Dei đơ̆ng hnam Ôbêt Eđôm ba tơ pơlei Đawit hăm tơdrong chơt hiôk dêh.

I Pot 8:6

Lu 'bok soi tơm tung ba Hom Pơgơ̆p Kră Yang tơ anih sư, anih rơgoh hloh lu sư 'măn gah ala pơnăr chêrubim.

I Ho 15:2

Kơplah noh Đawit khan 'nguaih kơ bơngai Lêwi, ưh kơ đei bơngai bu gơh tung Hom Pơgơ̆p Kră Yang 'Bok Kei-Dei, yua kơ Kră Yang 'Bok Kei-Dei rơih iŏk boih lu sư wă tung Hom Pơgơ̆p Kră Yang 'Bok Kei-Dei păng bơ̆jang kơ Kră Yang ling-lang.

Jo 4:15

Đang kơ Arôn păng lu kon drŏ-nglo sư chô̆ chôm đĭ tơmam lăm anih rơgoh boih, na đe pôk bơsŭn noh yak, na lu kon sâu Kôhat năm tung iŏk lu tơmam noh; lu sư ưh kơ gơh kơ hơtŭt 'bơm ôh tơmam rơgoh noh, kơnh lu sư lôch. Tơmam lăm Bơsŭn Anih Akŭm, tơmam noh mă lu kon sâu Kôhat athei tung.

Jo 7:9

Mă-lei sư ưh kơ pơjao gre hăm rơmo dăm kơ kon sâu Kôhat, yua kơ lu sư jang wei-lăng păng tung tơmam rơgoh tơ kơpal hơngiĕng lu sư.

Both 31:9

Môis chih khôi juăt 'nâu, pơjao ăn kơ lu 'bok soi, kon drŏ-nglo bơngai Lêwi lu bơngai tung Hom Tơdrong Pơgơ̆p Kră Yang păng pơjao ăn kơ đĭ-đăng lu kră bơngai Isơrael.

Jôsuê 3:3

Pơkă kơ kon pơlei: Tơdah lu iĕm 'bôh lu 'bok soi, adrĕch Lêwi tung Hom tơdrong pơgơ̆p Kră Yang 'Bok Kei-Dei lu iĕm, iĕm athei iung weh đơ̆ng anih iĕm oei kiơ̆ đơ̆ng rŏng.

Jôsuê 3:6

Jôsuê khan lu 'bok soi: Lu iĕm athei tung Hom Pơgơ̆p Kră Yang năm adrol kơ lu kon pơlei. Lei na lu 'bok soi tung hom tơdrong pơgơ̆p Kră Yang yak adrol kơ kon pơlei.

Jôsuê 4:9

Jôsuê kư̆m akŭm pơdơ̆ng mơjĭt-'bar tŏ tơmo iŏk đơ̆ng lăm tŏk-bŏk đak Krong Jôrđăn, 'bơ̆t anih jơ̆ng, lu 'bok soi tung Hom Pơgơ̆p oei dơ̆ng, lu tơmo noh oei đei truh tơ dang ei.

Jôsuê 6:6

Thoi noh Jôsuê kon drŏ-nglo Nun, krao lu 'bok soi na khan: Tung bĕ Hom Pơgơ̆p păng tơpơh 'nu 'bok soi năm adrol kơ Hom Pơgơ̆p Kră Yang, chĕp tơpơh tŏ tơgiĕp.