I Pot 3:3 - Sơ̆p Hlabơar Nơ̆r 'Bok Kei-Dei

³ Sôlômôn 'mêm yom kơ Kră Yang păng yak kiơ̆ dôm lu tơdrong juăt Đawit, 'bă sư, mă-lei sư pơyơ̆r tơmam soi păng soh 'long 'bâu phu tơ anih groi kơjung.

I Pot 3:3 Iomraidhean Croise

I Pot 11:34

“Mă-lei ră Inh ưh kơ iŏk đĭ ôh teh đak đơ̆ng tơpang ti Sôlômôn, lê̆ kơ sư oei pơgơ̆r đĭ chăl arih sư, yua kơ Đawit đĭch đam Inh, Inh rơih iŏk boih, sư boih wei răk nơ̆r Inh tơtă păng pơm kiơ̆ dôm tơdrong juăt Inh.

I Pot 11:38

Tơdah ih chu kiơ̆ nơ̆r Inh pơkă, năm lăm trong Inh, pơm 'lơ̆ng tơpăt 'bơ̆t anăp Inh, hăm wei răk khôi juăt Inh păng nơ̆r Inh tơtă thoi Đawit đĭch đam Inh đei pơm, lei Inh gô oei hơdai ih. Inh gô pơm kơ adrĕch hnam ih kơjăp thoi Inh đei pơm kơ Đawit păng Inh gô ăn bơngai Isơrael kơ ih.

I Pot 11:4

Truh tơ Sôlômôn kră pă kĕ lu akăn sư pơhlŭ pơlung sư kiơ̆ yang lu sư; jơhngơ̆m sư ưh pă chu yom kơ Kră Yang 'Bok Kei-Dei thoi jơhngơ̆m đon Đawit 'bă sư.

I Pot 11:6

Thoi noh Sôlômôn pơm tơdrong yoch kơnê̆ 'bơ̆t anăp Kră Yang păng sư ưh kơ wă chu kiơ̆ Kră Yang hăm đĭ jơhngơ̆m klơm klak thoi Đawit 'bă sư chu yom bơih.

I Pot 14:23

Lu bơngai Juđa kư̆m dai pơm ăn kơ lu sư kơdih hnam kơkuh kơ lu rup yang tơ anih kơjung, pơm gơ̆ng soi păng tơmo, lu gơ̆ng rup yang Asêrim yang drŏ-kăn tơ anih groi kơjung tơ ala rim tơnơm 'long.

I Pot 14:8

Inh iŏk lê̆ teh đak đơ̆ng hnam Đawit na pơjao ăn kơ ih; mă-lei ih ưh kơ pơm rok kiơ̆ Đawit đĭch đam Inh, sư wei răk tơdrong juăt Inh păng kiơ̆ nơ̆r Inh tơtă hăm đĭ jơhngơ̆m, sư pơm tơdrong 'lơ̆ng tơpăt 'bơ̆t anăp Inh.”

I Pot 15:11

Asa pơm 'lơ̆ng tơpăt 'bơ̆t anăp Kră Yang, thoi Đawit 'bok kơdră sư đei pơm.

I Pot 15:14

Sư ưh kơ yuih hŭt lê̆ ôh lu anih kơjung đe pơm yang, mă-lei jơhngơ̆m Asa pơm 'lơ̆ng 'bơ̆t anăp Kră Yang truh đĭ chăl arih sư.

I Pot 15:3

Sư năm kiơ̆ đĭ trong tơdrong yoch mă 'bă sư đei pơm bơih adrol kơ sư; lăm jơhngơ̆m sư ưh kơ pơm tơdrong 'lơ̆ng tơpăt 'bơ̆t anăp Kră Yang 'Bok Kei-Dei sư, thoi jơhngơ̆m 'bok kơdră sư pơm.

I Pot 15:5

yua kơ Đawit đei pơm bơih 'lơ̆ng tơpăt 'bơ̆t anăp Kră Yang, sư pơm kiơ̆ tôm tơdrong mă Kră Yang tơtă kơ sư lăm đĭ chăl arih sư, lăp minh tơdrong pơm glăi hăm Uri bơngai Hêtit đĕch.

I Pot 22:43

Sư năm kiơ̆ trong gơlong Asa, 'bă sư ưh kơ weh trong nai, sư pơm 'lơ̆ng tơpăt 'bơ̆t anăp Kră Yang.

I Pot 22:44

Mă-lei pơtao ưh kơ đei yuih lê̆ lu anih kơkuh tơ anih kơjung, na lu kon pơlei oei năm pơm yang păng oei soh 'long pơgang 'bâu phu tơ lu hnam yang tơ anih kơjung noh.

I Pot 3:14

Tơdah ih yak năm kiơ̆ trong Inh păng wei răk tơdrong juăt păng nơ̆r Inh tơtă thoi Đawit, 'bă ih, lei Inh gô pơthim ăn kơ ih arih sot soi.”

I Pot 3:6

Sôlômôn tơl: “Ih đei tơ'bôh bơih tơdrong 'mêm mơnat tih kơ đĭch đam ih Đawit, 'bă inh, yua kơ sư đei đon lui păng jơhngơ̆m đon tơpăt 'bơ̆t anăp Ih: Ih oei tơ'bôh tơdrong 'mêm mơnat tih, na ăn kơ sư đei minh 'nu kon drŏ-nglo hơ-oei kơpal tang-dŏ pơtao sư truh năr 'nâu.

I Pot 8:25

“Dang ei, ơ Kră Yang 'Bok Kei-Dei Isơrael! Apinh Ih pơm pơkeh bĕ đơ̆ng nơ̆r Ih pơkă hăm 'bă inh Đawit, đĭch đam Ih. Ih đei pơkă khan: “'Bơ̆t anăp Inh ih ưh kơ đei khăi ôh bơngai gô hơ-oei kơpal tang-dŏ pơtao Isơrael tơdah lu kon sâu ih năm rok trong ih mă năm adrol bơih 'bơ̆t anăp Inh.”

I Pot 8:61

Thoi noh lu iĕm athei iŏk jơhngơ̆m đon 'lơ̆ng, chu yom pơm kiơ̆ Kră Yang 'Bok Kei-Dei lu bơ̆n pơkă, tơdrong juăt sư păng nơ̆r sư tơtă kư̆m thoi lu iĕm oei pơm dang ei.”

I Pot 9:4

“Gah ih, tơdah ih yak kiơ̆ trong Inh kư̆m thoi Đawit, 'bă ih yak năm bơih hăm jơhngơ̆m đon rơgoh 'lơ̆ng tơpăt pơm kiơ̆ dôm nơ̆r Inh athei ih, wei răk dôm nơ̆r Inh pơkă tơtă khan kơ ih,

II Pot 12:3

Mă-lei, sư ưh kơ hŭt lê̆ hnam kơkuh kơ yang pơm tơ anih kơjung, lu kon pơlei oei hơnơ̆ng kơ soi sơmah kơ yang păng soh tơ kơpal anih 'bâu phu kơjung noh.

II Pot 12:4

Jôas khan kơ lu 'bok soi: “Dôm jên tơmam 'lơ̆ng rơgoh đe juăt kơ ba 'măn tơ Hnam Akŭm kơkuh kơ Kră Yang, mă jên thuê̆ đêl hơgăt kơ rim kơ̆l kon bơngai mă jên đơ̆ng rim 'nu đei pơyơ̆r lăm năr akŭm kiơ̆ kơ jơhngơ̆m hiôk,

II Pot 14:3

Sư pơm 'lơ̆ng 'bơ̆t anăp Kră Yang, mă-lei sư ưh kơ thoi Đawit, 'bok kơdră sư sơ̆; sư pơm tơdrong rok thoi Jôas 'bă sư đei pơm.

II Pot 14:4

Mă-lei, sư ưh kơ teng hŭt lê̆ hnam kơkuh kơ yang tơ anih kơjung, kon pơlei oei nŏng kơ soi sơmah păng soh 'long 'bâu phu 'bơ̆t hnam kơkuh kơ yang tơ anih kơjung ei đĕch.

II Pot 15:35

Mă-lei, sư ưh kơ yuih lê̆ hnam kơkuh kơ yang đe pơm tơ anih kơjung, kon pơlei oei nŏng soi sơmah păng soh 'long 'bâu phu tơ noh. Lăm chăl Jôtham pơgơ̆r, sư đei pơm 'măng jang gah kơpơ̆ng Hnam akŭm kơkuh kơ Kră Yang.

II Pot 15:4

Mă-lei sư ưh kơ yuih lê̆ hnam kơkuh kơ rup yang, tơ anih kơjung, na kon pơlei oei soi sơmah păng soh 'long 'bâu phu tơ hnam kơkuh noh đĕch.

II Pot 18:22

Mă-lei tơdah ih khan kơ inh: “Lu nhôn gơnang kơ Kră Yang 'Bok Kei-Dei nhôn. Hăm trŏ Hesekia hlôi yuih lê̆ chơnang soi Kră Yang tơ anih kơjung păng khan kơ lu bơngai Juđa kon pơlei Jêrusalem:” Iĕm athei kơkuh kơ Kră Yang 'bơ̆t chơnang soi tơ Jêrusalem đĕch dah kiơ?

II Pot 18:4

Sư yuih lê̆ đĭ dôm lu hnam kơkuh kơ yang tơ anih kơjung, teh pơchah lê̆ chơnang soi, teh tơhuŏng lê̆ rup yang Asêra păng teh pơchah lê̆ 'bih mă Môis pơm hăm kong sơ̆, yua kơ truh kơ jơhnơr sư, lu bơngai Isơrael oei soh ăn 'long 'bâu phu kơ rup yang 'bih. Đe krao rup 'bih noh Nêhustan.

II Ho 15:17

Mă lu anih tơ kơpal kơjung lu bơngai Isơrael sư ưh kơ đei pơrăm ôh; lei ră, jơhngơ̆m Asa oei arih 'lơ̆ng hăm Kră Yang lăm đĭ chăl arih sư.

Horiso 145:20

Kră Yang wei-lăng lu bơngai mă 'mêm kơ Sư, Mă-lei gô pơlôch pơrăm lu bơngai pơm kơnê̆.

Horiso 31:23

Ơ lu bơngai 'lơ̆ng rơgoh Kră Yang, 'mêm bĕ kơ Sư. Kră Yang wei-lăng lu bơngai tơnen tơnăp. Mă-lei pơm 'mong tơpă kơ lu đe bu mă oei sa pơang.

Lêwi 17:5

Tơdrong noh wă kơ kon pơlei Isơrael iŏk tơmam soi lu sư mă đei 'bet pơlôch tơ bri tơ mir, na anhăk ba kơ 'bok soi, 'bơ̆t anăp Kră Yang tơ 'măng Bơsŭn Anih Akŭm. Wă 'bet pơyơ̆r soi sơmah kơ tơdrong 'blŏk bơnê kơ Kră Yang.

Mathiơ 22:37

Yêsu khan kơ sư thoi âu: “ ‘Bơ̆n athei 'mêm kơ 'Bok Kei-Dei Kră Yang bơ̆n hăm đĭ jơhngơ̆m klơm klak bơ̆n păng đĭ dôm tơdrong đon bơ̆n tơchĕng.’

Yo 14:15

“Dah iĕm 'mêm kơ Inh, lei iĕm chu dôm tơdrong Inh pơkă hŏ,

Yo 14:21

“Bơngai bu răk dôm tơdrong Inh pơkă, bơngai 'noh boih 'mêm kơ Inh tơpă. Bơngai bu 'mêm kơ Inh, 'Bă Inh kư̆m 'mêm kơ sư mơ̆n; păng Inh kư̆m 'mêm kơ sư na Inh tơbăt kơ sư akâu Inh.”

Rom 8:28

Bơ̆n 'bôh bơngai bu mă 'mêm kơ 'Bok Kei-Dei, bơngai noh 'Bok Kei-Dei rơih iŏk lui kơ Sư, lu bơngai thoi noh boih, mă sư tơ'bơ̆p tơdrong kiơ, bơ̆n băt kơ 'Bok Kei-Dei ăn kơ sư hiôk ngăl.

I Kor 8:3

Bơngai bu 'mêm kơ 'Bok Kei-Dei, 'Bok Kei-Dei rơih iŏk sư boih.

Both 10:12

Ơ bơngai Isơrael, dang ei Kră Yang 'Bok Kei-Dei iĕm tơtă athei pơm kiơ? Athei băt hli yom kơ Kră Yang 'Bok Kei-Dei iĕm, yak kiơ̆ đĭ trong Sư, 'mêm kơ Sư păng bơ̆jang kơ Kră Yang 'Bok Kei-Dei iĕm hăm đĭ jơhngơ̆m, đĭ bơhngol iĕm,

Both 10:13

wei răk khôi juăt păng nơ̆r tơtă Kră Yang mă inh đei bơtho ăn kơ lu iĕm năr 'nâu, wă kơ lu iĕm đei pŭn hiôk?

Both 11:13

Tơdah lu iĕm chu mơ̆ng kiơ̆ dôm nơ̆r tơtă mă inh bơtho ăn kơ lu iĕm năr 'nâu, đĭ jơhngơ̆m klơm klak 'mêm kơ Kră Yang 'Bok Kei-Dei iĕm păng bơ̆jang kơ Sư.

Both 30:16

Năr 'nâu inh athei iĕm 'mêm kơ Kră Yang 'Bok Kei-Dei, yak kiơ̆ trong Sư păng wei răk dôm lu nơ̆r tơtă, khôi juăt Sư păng nơ̆r Sư athei, wă kơ iĕm arih sot hrôh ngôh, Kră Yang 'Bok Kei-Dei ăn pŭn hiôk kơ lăm dêh char mă iĕm gô mơ̆t iŏk.

Both 30:20

'Mêm kơ Kră Yang 'Bok Kei-Dei, chu kiơ̆ nơ̆r Sư păng kiơ̆ Sư mă tơpă yua kơ lăp Sư đĕch gơh ăn tơdrong arih na Kră Yang gô ăn kơ iĕm gơh arih sot, tơ lăm teh đak mă Kră Yang hlôi pơkă wă ăn kơ lu 'bok iĕm, 'bok Abraham, Isăk păng Jakôp.

Both 30:6

Kră Yang 'Bok Kei-Dei gô ăn kơ bơ̆n păng kon sâu lu bơ̆n đei jơhngơ̆m rơmuăn băt chu yom, wă kơ iĕm đĭ jơhngơ̆m klơm klak 'mêm yom kơ Kră Yang 'Bok Kei-Dei, wă kơ gơh arih.

Both 6:5

Na lu iĕm athei đĭ jơhngơ̆m klơm klak, đĭ đon tơchĕng đĭ jơhngơ̆m pran 'mêm kơ Kră Yang 'Bok Kei-Dei iĕm.

Ya 1:12

Bơngai bu đei tơdrong đe pơlong lăng sư, tơdrong gleh truh kơ sư mă sư oei lui kơ 'Bok Kei-Dei kơjăp, bơngai noh hiôk rai loi; 'Bok Kei-Dei gô ăn kơ sư arih hiôk-hian ling-lang tơpă. Tơdrong 'noh Sư pơkă kơ rim 'nu bơngai, bơngai bu mă 'mêm kơ Sư.

Ya 2:5

Ơ lu 'nhŏng oh mă inh 'mêm, mơ̆ng bĕ: 'Bok Kei-Dei rơih lu bơngai dơnuh hin mă oei tơ ala teh âu, wă kơ lu sư mơdrŏng kơ tơdrong lui gơh oei tơ dêh char Sư, kư̆m thoi Sư wă ăn kơ dôm lu bơngai mă 'mêm kơ Sư.

I Sam 9:12

Đe hơdruh ei tơl: Đei to, sư tơ anăp măr iĕm. Mă-lei iĕm yak mă tĕnh hŏ, sư 'nao mơ̆t tơ pơlei, yua kơ năr 'nâu kon pơlei pơla wă pơyơ̆r tơmam soi tơ kơpal groi.