I Pot 3:1 - Sơ̆p Hlabơar Nơ̆r 'Bok Kei-Dei

¹ Sôlômôn pơgơ̆p hơdai hăm Pharaôn dêh Êyiptơ, iŏk kon adruh Pharaôn pơm akăn, chông ba sư brŏk oei tơ pơlei Đawit, oei tơ noh dĭng truh sư keh pơm hnam pơtao sư, pơm hnam akŭm kơkuh kơ Kră Yang păng man dur tăp dăr pơlei Jêrusalem.

I Pot 3:1 Iomraidhean Croise

II Sam 5:7

Mă-lei Đawit kư̆m blah iŏk kơđông Siôn, đe krao plei Đawit.

I Pot 11:1

'Nguaih kơ kon hơdruh Pharaôn, pơtao Sôlômôn hưch kơ lơ adruh bơngai tơmoi nai. Noh lu drŏ-kăn bơngai Môap, Ammôn, Eđôm, Siđôn păng Hêlit.

I Pot 2:10

Klaih kơ noh Đawit lôch, tep hiôk năm oei hơdai hăm lu 'bok yă sư, đe 'bŭ sư tơ pơlei Đawit.

I Pot 6:1

Lăm sơnăm puăn-hrĕng tơhngam-jĭt đơ̆ng rŏng kơ lu bơngai Isơrael lĕch đơ̆ng dêh char Êyiptơ; sơnăm mă puăn lăm chăl Sôlômôn pơgơ̆r lu bơngai Isơrael, kơplah khei Siu wă khan khei mă 'bar, sư pơtơm pơdơ̆ng tơiung pơm Hnam akŭm Kră Yang.

I Pot 7:1

Sôlômôn pơm hnam pơtao sư keh đang lăm mơjĭt-pêng sơnăm.

I Pot 7:8

Hnam mă pơtao Sôlômôn oei sư pơm gah rŏng kơ hnam tih 'noh. Sư man lei-lăi thoi noh mơ̆n. Sư kư̆m pơm minh pôm hnam, ăn kơ akăn sư, kon drŏ-kăn Pharaôn, sư pơm lei-lăi thoi noh mơ̆n.

I Pot 9:1

Sôlômôn man Hnam akŭm Kră Yang, hnam sư kơdih păng dôm lu hnam mă sư man đang bơih.

I Pot 9:10

Lăp 'blep 'bar-jĭt sơnăm kơplah Sôlômôn pơm keh 'bar tŏ Hnam, pơm hnam akŭm păng hnam pơtao sư kơdih.

I Pot 9:24

Lăp kon drŏ-kăn pơtao Pharaôn năm đơ̆ng pơlei Đawit năm tơ hnam pơtao sư kơdih, mă hnam Sôlômôn pơm ăn kơ sư; pơtao kư̆m pơm dur wă găn lu ayăt.

I Ho 11:7

Đawit oei lăm kơđông 'noh; na đe krao pơlei Đawit.

II Ho 18:1

Jêhôsaphat mơdrŏng tih đei đe ư-ang pơyom, năm pơm pô̆ 'băn ăn băl kon hăm Ahap.

II Ho 8:11

Sôlômôn ba kon adruh pơtao Pharaôn đơ̆ng pơlei Đawit năm oei tơ hnam pơtao mă sư đei pơm ăn boih; yua kơ sư khan: Akăn inh ưh kơ oei lăm hnam pơtao Đawit, pơtao đe Isơrael yua kơ tơ anih ayơ Hom Kră Yang truh jing anih 'lơ̆ng rơgoh.

Esơra 5:11

Lu sư tơl nơ̆r thoi âu: Lu nhôn boih đĭch đam Kră Yang 'Bok Kei-Dei, Kră Yang pơgơ̆r đĭ-đăng plĕnh păng teh; lu nhôn oei wă pơm pơjing dơ̆ng hnam akŭm, đunh sơnăm boih adrol kơ âu đei minh 'nu pơtao mơdrŏng đe pơyua lăm Isơrael đei pơjing păng pơm.

Esơra 9:14

Thoi noh na liơ nhôn wă pơm yoch kơ khôi juăt Ih dơ̆ng lĕ, oei iŏk klo kăn hăm lu adrĕch adrung mă oei kơkuh tơdrong kơnê̆ dah kiơ? Hăm trŏ ih gô hil mĭl, Ih gô pơrăm lu nhôn, truh tơ mah pă đei bu oei arih, ưh kơ đei bu gơh klaih dah kiơ?

Both 23:8

Kon sâu lu sư jơhnơr mă pêng ăn gơh mơ̆t lăm khŭl kon pơlei Kră Yang.