I Pot 2:3 - Sơ̆p Hlabơar Nơ̆r 'Bok Kei-Dei

³ Păng athei wei răk dôm nơ̆r Kră Yang 'Bok Kei-Dei đei pơkă, wă kơ ih pơm kiơ̆, yak năm rok trong Sư, wei răk dôm tơdrong juăt Sư păng dôm nơ̆r Sư tơtă, păng dôm nơ̆r Sư bơtho, thoi đei chih boih lăm tơdrong juăt Môis, wă kơ dôm tơdrong ih jang kiơ, pơm kiơ, dah năm tơ yơ gô hiôk jơnap

I Pot 2:3 Iomraidhean Croise

II Sam 8:14

Sư pơm kơđông pơgơ̆r jơ̆p kơ dêh Eđôm, păng đĭ kon pơlei Eđôm bơ̆jang kơ Đawit. Kră Yang ăn kơ Đawit kĕ jei tơ rim anih mă sư tơblah.

II Sam 8:6

Pơtao Đawit pơm kơđông lăm pơlei Đamas, kon pơlei Siri jing bơngai bơ̆jang ăn kơ Đawit, păng ăn thuê̆ kơ Đawit; Kră Yang ăn kơ Đawit kĕ jei tơ rim anih sư tơblah.

I Pot 3:3

Sôlômôn 'mêm yom kơ Kră Yang păng yak kiơ̆ dôm lu tơdrong juăt Đawit, 'bă sư, mă-lei sư pơyơ̆r tơmam soi păng soh 'long 'bâu phu tơ anih groi kơjung.

II Pot 18:7

Kră Yang oei hơdai hăm sư; dôm sư pơm kiơ, dah jang kiơ gơh jing. Sư blah pơtao đe Asiri, ưh pă chu kơ pơtao ei dơ̆ng.

I Ho 29:19

Apinh Ih ăn kơ Sôlômôn, kon drŏ-nglo inh, đĭ jơhngơ̆m wei răk lu nơ̆r tơtă khôi juăt păng nơ̆r Ih pơkă pơkăm kư̆m pơm tôm tơdrong jang wă, man tơiung hnam mă inh đei chă hơmet lê̆ tơmam bơih.”

Horiso 119:111

Nơ̆r Ih bơtho khan jing mŭk tơmam inh ling-lang. Yua kơ noh jơhngơ̆m inh chơt hiôk,

Horiso 119:138

Ih tơtă boih tơdrong ih bơtho 'lơ̆ng tơpăt, Trŏ kơ lui gơnang tơpă.

Horiso 119:2

Pŭn dêh kơ bu wei răk dôm nơ̆r Sư tơtă. Păng đĭ jơhngơ̆m krao chă Sư.

Horiso 19:7

Khôi juăt đơ̆ng Kră Yang jơ̆ 'lơ̆ng tơpăt, pơrih ăn bơhngol inh, c Kră Yang khan sĭt tơpă, pơm ăn kơ bơngai kơtul jing hơgei.

Bôk Bơthô 12:13

Ih đei mơ̆ng boih dôm tơdrong bơtho 'nâu thoi ei: Hli yom bĕ kơ Kră Yang 'Bok Kei-Dei păng wei răk pơm kiơ̆ dôm nơ̆r sư tơtă; yua kơ tơdrong đĭ-đăng kon bơngai athei pơm.

Lêwi 8:35

Thoi noh iĕm athei oei kơtă tơ 'măng Bơsŭn Anih Akŭm măng păng 'năr, kơtĕch lăm tơpơh năr, pơm thoi Kră Yang đei pơkă boih kơnh hli kơ lu iĕm lôch, yua kơ Sư đei tơtă kơ inh thoi noh.

Malachi 4:4

“Lei lu iĕm athei 'blŏk bĕ kơ khôi juăt Môis, đĭch đam Inh, mă Inh khan tơbăt ăn kơ sư tơ kông Hôrêp, wă khan dôm tơdrong juăt păng nơ̆r tơtă ăn kơ đĭ-đăng bơngai Isơrael.

Both 29:8

Iŏk dêh char sư pơjao ăn kơ adrĕch Rubên, Gat păng pơjao ăn minh puăt kơ adrĕch Manase jang sa.

Both 29:9

Lu iĕm athei kơchăng wei răk pơm kiơ̆ dôm nơ̆r tơdrong pơgơ̆p pơkă 'nâu, wă kơ lu iĕm gơh đei jing lăm tôm tơdrong jang iĕm pơm.

Both 4:1

Ơ Isơrael! Mơ̆ng bĕ khôi juăt păng nơ̆r tơtă mă inh gô pơhrăm lu iĕm, wă kơ lu iĕm gơh đei arih păng gơh mơ̆t tơ dêh mă Kră Yang 'Bok Kei-Dei 'bok lu iĕm wă ăn kơ lu iĕm iŏk.

Both 4:45

'Nâu tơdrong tơbăt păng khôi juăt păng nơ̆r tơtă mă Môis bơtho ăn kơ kon pơlei Isơrael đơ̆ng rŏng kơ lu sư lĕch đơ̆ng dêh Êyiptơ.

Both 4:5

Inh đei bơtho lu iĕm lu nơ̆r tơtă păng khôi juăt Kră Yang 'Bok Kei-Dei inh tơtă boih kơ inh, wă kơ lu iĕm pơm kiơ̆ mưh iĕm mơ̆t oei boih tơ lăm dêh char noh.

Both 4:8

Hăm đei ưh adrĕch adrung tih ayơ đei lu nơ̆r tơtă păng khôi juăt 'lơ̆ng tơpăt thoi khôi juăt đĭ tơdrong juăt âu, mă inh pơdah 'bơ̆t anăp lu iĕm âu?

Both 5:1

Môis krao đĭ-đăng bơngai Isơrael na khan: Ơ bơngai Isơrael! Mơ̆ng bĕ dôm lu khôi juăt păng nơ̆r tơtă inh roi ăn kơ lu iĕm băt năr 'nâu; lu iĕm athei pơhrăm hŏk iŏk mă pơ'lơ̆ng pơm kiơ̆ dôm lu tơdrong noh.

Jôsuê 22:5

Mă-lei athei kơchăng pơm kiơ̆ nơ̆r pơkă păng khôi juăt Môis đĭch đam Kră Yang bơtho pơkă boih kơ lu iĕm 'mêm bĕ kơ Kră Yang 'Bok Kei-Dei lu iĕm păng rok kiơ̆ trong Sư, wei răk nơ̆r Sư tơtă pơgơ̆p hăm Sư păng đĭ jơhngơ̆m đon bơ̆jang kơ Sư.

Jôsuê 23:6

Thoi noh athei chơ̆n jơhngơ̆m kơjăp păng pơm kiơ̆ mă pơ'lơ̆ng wei răk dôm tơdrong đei chih lăm sơ̆p hla bơar khôi juăt Môis boih, 'nĕ pă weh tơ 'ma dah tơ 'ngiĕo.

I Sam 18:14

Đawit năm tơblah mă tơ yơ yơ kư̆m jei sư ngăl yua kơ Kră Yang oei hơdai hăm sư.

I Sam 18:30

Rim wơ̆t lu kră pơgơ̆r kon pơlei Philistin ngăl năm tơblah, hăm bơngai Isơrael na Đawit tơblah hloh kơ đĭ-đăng lu đĭch đam Sôl; thoi noh, anăn sư đe ư-ang rai dêh.

I Sam 18:5

Đawit lơ 'măng năm blah, mă tơ anih ayơ ayơ Sôl wơh sư năm, tơblah jei sư ngăl. Sôl pơjao ăn kơ sư pơgơ̆r linh, kon pơlei păng lu đĭch đam Sôl lăp đon kơ Đawit pơgơ̆r lu sư.