II Tim 4:21 - Sơ̆p Hlabơar Nơ̆r 'Bok Kei-Dei

²¹ Apinh ih adrin năm tơ inh hơdrol kơ bơyan tơngiĕt hŏ. Ôbil, Pơden, Lin, yă Klôđia păng đĭ-đăng 'nhŏng oh bơngai lui đei nơ̆r jet gia ih.

II Tim 4:21 Iomraidhean Croise

Luka 12:58

Dah đe năm apinh tơmam đêl iĕm hre kơ đe, na iĕm jah pơđang tơdrong hre noh hloi, 'nĕ kơ gô sư anhăk iĕm tơ 'bok sek tơlang, hli kơ đe gô rôp tah iĕm tơ hnam phak.

I Kor 16:20

Đĭ-đăng kơ 'nhŏng oh bơ̆n mă oei hơdai hăm inh, lu sư đei nơ̆r jet gia pơma dơnuh kơ iĕm. Na apinh iĕm sơng iŏk rôp băl ti wă kơ băt tơdrong 'mêm băl hŏ.

II Kor 13:13

Đĭ-đăng kơ lu kon 'Bok Kei-Dei mă oei tơ nhôn kư̆m hơdai đei nơ̆r jet gia iĕm. Nhôn apinh Kră Yang Yêsu Krist, đon băt mơnat, wei-lăng iĕm lăm tôm tơdrong; 'Bok Kei-Dei Kră Yang mă 'mêm kơeng kơ bơ̆n, Sư gô tơgŭm iĕm ling-lang; Yang Bơhngol 'Lơ̆ng, Sư kư̆m oei hơdai hăm iĕm khŏm khŏm.

Philip 4:22

Đĭ-đăng kơ lu kon 'Bok Kei-Dei tơ nhôn kư̆m hơdai jet gia pơma dơnuh hăm iĕm mơ̆n. Mă loi lu bơngai mă jang lăm hnam 'bok pơtao Sêsar lu sư apơi kơ iĕm dêh.

II Tim 1:4

Inh oei 'blŏk mơ̆n kơ ih hmoi kơ inh hơtai ba wă tơklah dih băl sơ̆, na dang ei inh rơnguơ̆ dêh, inh wă kơ ba tơ'bơ̆p băl dơ̆ng na jơhngơ̆m inh hiôk.

II Tim 4:13

Biĕm năm tơ âu, biĕm drong iŏk chĕp hloi ao tơnŏ inh hŏ. Inh 'măn 'bơ̆t hnam Kerpu tơ Pơlei Trôs. Păng dôm hla bơar inh mă pơm păng akar păng hla bơar inh nai mơ̆n, biĕm chĕp ba hŏ. Hla bơar pơm păng akar 'noh inh gĭt tơpă.

II Tim 4:9

Ih adrin năm tơ inh mă kuăng hŏ, yua kơ Đêmas sư 'mêm kơ akâu sư kơdih dang ei đĕch na sư achăng lê̆ inh năm tơ Pơlei Têsalônik. Krêsen năm tơ dêh char Galati boih păng Tĭt, sư năm tơ dêh char Đamatia.

Tit 3:12

Mưh inh wơh Artemus dah Tisĭk năm tơplih ih wă bơlơh ih 'biơ̆, lăp sư truh tơ ih boih, na ih adrin năm tơ inh tơ Pơlei Nikôpôlis hŏ. Na mưh truh bơyan tơngiĕt kơnh na ih oei hơdai inh tơ Pơlei Nikôpôlis.

II Yo 1:13

Lu 'nhŏng oh bơngai lui đơ̆ng nhôn mă 'Bok Kei-Dei rơih boih, lu sư kư̆m đei nơ̆r jet gia pơma apơi rơnguơ̆ ră kơ iĕm mơ̆n.

III Yo 1:14

Kơlih kơ ưh pă đunh boih inh wă tơ'bơ̆p ih, na ba pơma dơnuh dih băl.