II Tim 4:14 - Sơ̆p Hlabơar Nơ̆r 'Bok Kei-Dei

¹⁴ 'Bok Aleksandrê sư bơngai thơ̆ hơjơ̆m, sư pơm kơnê̆ tơpă kơ inh, mă-lei inh huay kơ ơh ôh. Sư pơm kơnê̆ kơ inh dang yơ 'Bok Kei-Dei phak sư dang noh mơ̆n.

II Tim 4:14 Iomraidhean Croise

II Sam 3:39

Mă inh 'nâu đei tuh đak rơmă pôk pơm pơtao, mă-lei inh 'bôh inh rơdu tơrăn pơting hăm lu bơngai 'nâu, lu kon drŏ-nglo Sêruia; lu sư pơm kơtang hloh kơ inh Apinh Kră Yang pơm tơwih kơ lu bơngai pơm kơnê̆ 'nâu, kiơ̆ tơdrong kơnê̆ lu sư!”

Horiso 28:4

Apinh Ih phak lu sư kiơ̆ thoi kơ tơdrong jang lu sư pơm, Kiơ̆ thoi tơdrong lu sư pơm kơnê̆ noh; Phak bĕ lu sư kiơ̆ thoi đêl ti lu sư pơm boih. Tơwih ăn kơ lu sư tơdrong kiơ̆ trŏ đêl pơm.

Horiso 62:12

Ơ Kră Yang tơdrong 'mêm mơnat lăm Ih; Yua kơ Kră Yang apah kơ rim 'nu kiơ̆ thoi đêl lu sư jang.

Je 15:15

Ơ Kră Yang, Ih băt đĭ boih, apinh Ih 'blŏk kơ inh păng wei-lăng inh, apinh iung kơting bĕ kơ lu bơngai mă pơm kơnê̆ kơ inh. Hăm tơdrong Ih mơnat, 'nĕ kơ hŭt lê̆ inh. Ih kư̆m 'blŏk, yua kơ Ih na inh pŭ iŏk tơdrong đe pơjăm.

Nhom 3:64

Ơ Kră Yang, Ih gô pơm tơwih kơ lu sư thoi tơdrong đêl lu sư pơm.

Rom 12:19

Ơ 'nhŏng oh mă inh 'mêm kơeng, bơ̆n 'nĕ kơ pơm tơwih kơ đe tơdrong kơnê̆ hŏ, gô mơ̆ng kơ 'Bok Kei-Dei pơm tơwih đĕch 'bơ 'bang. Yua kơ tơdrong noh sơ̆ 'Bok Kei-Dei đei khan thoi âu: “Lê̆ kơ Inh pơm tơwih kơ bơngai pơm kơnê̆ noh; Inh gô phak sư yua kơ sư pơm kơnê̆.”

Rom 2:6

Sư gô sek tơlang 'blep dôm tơdrong đêl bơ̆n pơm.

II Tes 1:6

Păng Sư gô ăn tơdrong gleh kơ lu bơngai pơm kơnê̆ kơ bơ̆n.

I Tim 1:20

Thoi bre Himenaius hăm Aleksandrê hŭt tơdrong lui bre sư, na inh jao lê̆ bre sư kơ yang Satan wă kơ bre sư đei tơdrong gleh na wă kơ bre sư tơbral ưh pă pơma kơnê̆ kơ 'Bok Kei-Dei dơ̆ng.

II Tim 4:15

Mă-lei ih athei kơchăng kơ sư tơpă mơ̆n, sư areh tơpă kơ tơdrong bơ̆n bơtho.

I Yo 5:16

Dah iĕm 'bôh 'nhŏng oh bơ̆n bơngai lui sư pơm yoch iĕm athei krao khan kơ 'Bok Kei-Dei kơ sư, na 'Bok Kei-Dei gô ăn kơ sư arih ling-lang. Sơmă đei 'bar khŭl tơdrong yoch. Minh khŭl noh bơ̆n 'bôh 'nhŏng oh bơ̆n pơm yoch, athei krao khan kơ 'Bok Kei-Dei tơgŭm sư. Minh khŭl dơ̆ng bơ̆n 'bôh 'nhŏng oh bơ̆n pơm yoch khŏm khŏm, inh ưh kơ đei athei iĕm krao khan tơgŭm sư dơ̆ng ôh. Bơngai bu pơm yoch thoi noh sư gô răm tơpă.

Tơdrông Tơ'bôh 18:20

Đơ̆ng noh inh kơtơ̆ng 'bơ̆r nai dơ̆ng khan thoi âu: “Ơ lu đe mă oei tơ plĕnh, ơ lu kon 'Bok Kei-Dei, lu jơ̆ng 'bang Yêsu, lu bơngai pơtruh nơ̆r 'Bok Kei-Dei, hiôk bĕ lu iĕm yua kơ 'Bok Kei-Dei phak pơrăm boih pơlei noh mă pơm kơnê̆ kơ iĕm.”

Tơdrông Tơ'bôh 18:6

Mă sư pơm kơnê̆ dang yơ, gô pơm 'mong kơ sư phak sư dang noh, athei pơm tơwih kơ sư 'bar wơ̆t hloh. Sư pơgŏ iĕm et sik kơnê̆, minh tuh 'mong kơ sư, thim 'bar pơnhan hloh kơ sư tuh kơ iĕm.

Tơdrông Tơ'bôh 6:10

Đĭ dôm lu sư pơma pơret khan: “Ơ 'Bok Kei-Dei, Ih Kră Yang 'lơ̆ng tơpăt. Layơ Ih wă sek tơlang phak lu bơngai mă oei tơ ala teh pơlôch nhôn sơ̆?”

I Sam 24:12

Apinh Kră Yang gô sek tơlang ih păng inh. Kră Yang gô pơm 'mong kơ ih ăn kơ inh, mă-lei gah inh ưh kơ đei pơm kiơ truh kơ akâu jăn ih.