II Tim 4:12 - Sơ̆p Hlabơar Nơ̆r 'Bok Kei-Dei

¹² Tisĭk inh wơh sư năm tơ Pơlei Êphêsô boih.

II Tim 4:12 Iomraidhean Croise

Jang 18:19

Klaih kơ noh lu sư tŏk thŏng-nan năm tơ Pơlei Êphêsô. Truh tơ Pơlei Êphêsô boih, bre Prisil păng Akila, bre sư oei hloi tơ ei. Pôl năm akŭm tơ hnam akŭm bơngai Juđê tơ Pơlei Êphêsô bơtho păng pơjah hăm lu bơngai Juđê.

Jang 18:21

Lăp Pôl wă năm đơ̆ng Pơlei Êphêsô sư khan kơ lu sư: “Dah 'Bok Kei-Dei wă kơ inh wih bơtho iĕm lei inh gô brŏk bơtho iĕm.” Klaih kơ noh na Pôl tŏk thŏng-nan năm đơ̆ng Pơlei Êphêsô năm truh tơ Pơlei Sêsarê. Đơ̆ng noh sư năm hloi tơ Pơlei Jêrusalem hơpong kơ lu bơngai lui tơ ei. Klaih kơ noh sư năm truh tơ Pơlei Antiôs lăm dêh char Siri.

Jang 19:1

Hơtai Apôlê oei tơ Pơlei Kôrintô tơ dêh char Grĕk, Pôl năm tơ Pơlei Êphêsô. Sư năm trong kông, na truh tơ Pơlei Êphêsô ei boih sư tơ'bơ̆p bơngai lui kơ Yêsu.

Jang 20:25

“Sơ̆ inh năm tơ rim lu iĕm, bơtho ăn kơ đĭ-đăng iĕm tơdrong 'Bok Kei-Dei wă pơgơ̆r iĕm thoi yơ. Na dang ei inh băt kơ iĕm ưh kơ đei layơ wă 'bôh akâu inh tơ ala teh âu dơ̆ng.

Jang 20:4

Lu bơngai âu kư̆m năm kiơ̆ sư mơ̆n, lu anăn sư: Sôpatê kon Piru, sư đơ̆ng Pơlei Bêrê; bre Aritak păng Sêkônđa đơ̆ng Pơlei Têsalônik; Guơs đơ̆ng Pơlei Dibơ; Timôthê đơ̆ng Pơlei Litrơ; păng bre Tisĭk, Trôphĭm đơ̆ng dêh char Asi.

Êphêsô 6:21

'Bok mă chĕp ăn kơ iĕm hla kơthơ âu anăn sư Tisĭk, sư 'nhŏng oh bơngai lui bơ̆n. Bơ̆n 'mêm kơ sư mơ̆n yua kơ bơ̆n 'bôh sư adrin jang tơdrong Kră Yang Yêsu Krist tơpă. Na sư gô tơbăt ăn kơ iĕm tôm tơdrong inh oei 'lơ̆ng akâu hăm inh jang tơdrong 'Bok Kei-Dei thoi yơ dang ei na iĕm gô băt.

Êphêsô 6:22

Thoi noh na inh wơh sư năm tơ iĕm wă kơ iĕm băt kơ nhôn oei 'lơ̆ng akâu păng wă kơ sư pơlung iĕm hiôk kơ jơhngơ̆m kơtơ̆ng tơdrong nhôn thoi yơ.

Kôlôsê 4:7

Tisĭk truh tơ iĕm, sư gô roi ăn kơ iĕm tôm tơdrong inh dang ei thoi yơ. Sư 'nhŏng oh lu bơ̆n bơngai lui, bơ̆n 'mêm kơ sư tơpă, yua kơ sư adrin jang tơdrong Yŏng bơ̆n Yêsu Krist thoi inh.

I Tim 1:3

Inh wă kơ ih kư̆ oei tơ Pơlei Êphêsô, kư̆m thoi inh athei ih ki lăp inh wă năm đơ̆ng Pơlei Êphêsô tơ dêh char Masêđôn. Na inh athei ih oei tơ pơlei âu khŏm khŏm yua kơ đei lu bơngai tơ noh bơtho tơdrong ưh kơ trŏ tơdrong 'Bok Kei-Dei tơpă. Na ih athei khă lu sư 'nĕ pă bơtho thoi noh dơ̆ng.

Tit 3:12

Mưh inh wơh Artemus dah Tisĭk năm tơplih ih wă bơlơh ih 'biơ̆, lăp sư truh tơ ih boih, na ih adrin năm tơ inh tơ Pơlei Nikôpôlis hŏ. Na mưh truh bơyan tơngiĕt kơnh na ih oei hơdai inh tơ Pơlei Nikôpôlis.