II Tim 4:11 - Sơ̆p Hlabơar Nơ̆r 'Bok Kei-Dei

¹¹ Dang ei đei minh 'nu Luka đĕch oei păng inh. Ih pơtơm ba Markôs mơ̆n hŏ na biĕm năm tơ inh tơ âu yua kơ sư gơh tơgŭm inh tơpă gah jang tơdrong 'Bok Kei-Dei.

II Tim 4:11 Iomraidhean Croise

Hôsia 14:4

Inh gô ming pơklaih tơdrong lu sư blơ̆ blĕch kơ Inh, Inh 'mêm tơpă kơ lu sư boih, Inh pă hil kơ lu sư boih.

Mathiơ 19:30

Kư̆m đei lơ bơngai pơm tih dang ei, ning-mônh sư gô jing iĕ. Kư̆m lơ bơngai jang tơdrong iĕ dang ei, ning-mônh gô jang tơdrong tih.

Mathiơ 20:16

Tơdrong âu Yêsu pơma pơtih gia kơ 'Bok Kei-Dei wă pơgơ̆r bơ̆n: “Mă dôm tơdrong kiơ lu bơngai mă pơm iĕ kơ đe dang ei, ning-mônh sư gô tih; dôm lu bơngai pơm tih kơ đe dang ei ning-mônh sư jing iĕ.”

Luka 13:30

Thoi noh na đei lu bơngai mơ'nah pơm iĕ kơ đe dang ei, sư jing tih hloh kơ đe 'bơ̆t ei ning-mônh. Đei lu bơngai mơ'nah pơm tih hloh kơ đe dang ei, sư gô jing lŭch hloh kơ đe ning-mônh.”

Jang 12:12

Đơ̆ng rŏng kơ sư tơchĕng boih, sư năm tơ hnam Mari mĕ Yôhan. Yôhan noh đe kư̆m anăn sư Markôs. Tơ ei đei lơ bơngai oei akŭm krao khan.

Jang 12:25

Gah bre 'Barna'ba păng Sôl dơ̆ng, bre sư ăn jên kơ kră pơgơ̆r lu bơngai lui boih, na bre sư đơ̆ng Pơlei Jêrusalem brŏk tơ Pơlei Antiôs. Bre sư kư̆m anhăk ba minh 'nu bơngai măt sư 'bar anăn, Yôhan Markôs.

Jang 15:37

Na 'Barna'ba khan: “Lei ba anhăk ba Markôs.”

Jang 15:39

Na bre Pôl păng 'Barna'ba pơjah pơjăng tơdrong noh khŏm khŏm na truh tơ bre sư tơklah dih băl. Đơ̆ng noh na 'Barna'ba anhăk Markôs tŏk thŏng-nan năm tơ dêh char Chiprơ.

Jang 16:10

Pôl apo 'bôh thoi noh, sư hơđơ̆r đơ̆ng tep khan hloi kơ nhôn hơmet tơmam yak năm tơ dêh char Masêđôn, yua kơ nhôn băt kơ 'Bok Kei-Dei krao nhôn bơtho Tơdrong 'Nao 'Lơ̆ng Sư tơ char Masêđôn boih.

Kôlôsê 4:10

Aritak, sư oei lăm hnam phak hơdai hăm inh, sư kư̆m hơdai jet gia iĕm. Markôs, oh 'Barna'ba pôm yă 'bok, sư kư̆m hơdai jet gia iĕm mơ̆n. Dah sư đei năm tơ iĕm, iĕm sơng iŏk sư hŏ, kiơ̆ thoi inh khan kơ iĕm boih.

Kôlôsê 4:14

Luka sư pơm thây pơgang, sư kư̆m jang tơdrong Yêsu Krist mơ̆n, bơ̆n 'mêm kơ sư tơpă, sư kư̆m jet gia iĕm mơ̆n. Đêmas kư̆m hơdai jet gia iĕm mơ̆n.

II Tim 1:15

Ih băt boih bre Phigelus păng Hêrmôgen păng đĭ-đăng bơngai dêh Asi achăng lê̆ inh boih.

II Tim 2:21

Bơngai bu hŭt lê̆ dôm tơdrong kơnê̆ sư, bơngai 'noh sư kư̆m thoi lĕ pơnhan chhĕr yua 'bơ̆t sŏng sa tih mơ̆n. Yŏng sư 'Bok Kei-Dei gơh yua sư dang ei hloi jang dôm tơdrong Sư, yua kơ sư đei đon 'lơ̆ng tơpăt.

I Pet 5:13

Lu bơngai lui tơ Pơlei Babilôn nhôn, 'Bok Kei-Dei rơih iŏk lu sư thoi sư rơih lu iĕm mơ̆n, lu sư đei nơ̆r jet gia pơma dơnuh păng iĕm. Markôs sư dang kon inh, sư hơdai lei-lăi jet gia iĕm mơ̆n.