II Tim 3:8 - Sơ̆p Hlabơar Nơ̆r 'Bok Kei-Dei

⁸ Thoi lĕ kơ bre Jannơ păng Jambrơ sơ̆, bre sư ayăt kơ Môis, kư̆m thoi lu bơngai drŏ-nglo âu ayăt tơdrong 'Bok Kei-Dei dang ei mơ̆n. Đon lu sư kơnê̆ dêh, lu sư ưh kơ lui kơ 'Bok Kei-Dei tơpă ôh.

II Tim 3:8 Iomraidhean Croise

Le 7:11

Na Pharaôn krao hloi lu 'bok hơgei păng 'bok pơjâu; lu bơngai gơh pơm tơwir lăm char Êyiptơ kư̆m pơm lei-lăi thoi lu sư gơh tơwir.

Le 7:22

Kơplah noh lu 'bok pơjâu tơwir bơngai Êyiptơ kư̆m gơh pơm tơwir lei-lăi thoi noh, na jơhngơ̆m Pharaôn, oei arăng ưh kơ chu, ưh kơ mơ̆ng Môis păng Arôn tŏ sĕt, trŏ thoi nơ̆r Kră Yang đei khan.

Le 8:18

Lu bơngai pơjâu kư̆m 'maih tơwir pơm lei-lăi, wă kơ 'mui teh jing kon sơmĕch, mă-lei lu sư pơm ưh kơ gơh, na sơmĕch 'bĕnh kơ bơngai păng sem dơrong lu sư.

Le 8:7

Lu bơngai pơjâu tơwir kư̆m pơm lei-lăi thoi noh mơ̆n, wă pơm kơ kit tih iĕ mơmŏ tŏk jơ̆p kơ dêh Êyiptơ.

Jang 15:24

Nhôn kơtơ̆ng ang lu bơngai đơ̆ng nhôn năm bơtho iĕm khan athei iĕm kăt tơdra akar păng răk dôm lu tơdrong juăt Môis pơkă. Đơ̆ng sơ̆ nhôn ưh kơ athei iĕm pơm thoi noh ôh, na dang ei iĕm hơwơ̆l boih. Lu bơngai athei iĕm răk dôm tơdrong juăt Môis pơkă noh, lu sư năm bơtho kơdih đĕch. Nhôn ưh kơ wơh sư ôh.

Rom 1:28

Yua kơ bơ̆n kuă kơ kơkuh kơ 'Bok Kei-Dei Kră Yang tih-tin na 'Bok Kei-Dei achăng lê̆ bơ̆n ăn kơ bơ̆n jing kơtul pơm yoch ling-lang.

Rom 16:18

Dôm lu bơngai thoi noh lu sư ưh kơ jang tơdrong Kră Yang bơ̆n Yêsu Krist tơpă ôh, sư jang wă 'me akâu sư kơdih đĕch, sư pơma kơ đe rơngơp dêh, na lu đe mă 'bônh kơ lui kiơ̆ kơ sư.

Êphêsô 4:14

Thoi noh na bơ̆n ưh pă gơh kiơ̆ thoi lu bơngai hơ'lơ̆p lui kơ đe bơtho tơdrong kư̆ kă boih, pơtih gia đe hơlĕnh kơ bơ̆n, dah pơhlŭ bơ̆n, wă kơ bơ̆n hơwơ̆l jing jrok kư̆ kă.

I Tim 1:19

păng wă kơ ih lui kơjăp khŏm khŏm pơm đon 'lơ̆ng tơpăt kơ 'Bok Kei-Dei hăm đĭ-đăng bơngai. Đei lu bơngai mơ'nah hŭt lê̆ đon 'lơ̆ng sư kơdih na jing hŭt lê̆ tơdrong lui sư mơ̆n.

I Tim 4:2

Lu yang kơnê̆ wơh lu bơngai hơlĕnh chă bơtho tơdrong sư. Đon lu bơngai ei ưh pă tơchĕng đon 'lơ̆ng dơ̆ng boih.

I Tim 6:5

Đon lu sư jing ưh pă 'lơ̆ng boih, na lu sư pơjah pơjăng ling-lang. Lu sư ưh kơ hlôh tơdrong 'Bok Kei-Dei. Lu sư ưh kơ lui mă-lei lu sư pơma dih băl khan: “Bơ̆n pơm thoi bơngai lui, đơ̆ng noh na bơ̆n chă bơtho pơgŏ đe na gơh mơdrŏng.”

II Tim 4:15

Mă-lei ih athei kơchăng kơ sư tơpă mơ̆n, sư areh tơpă kơ tơdrong bơ̆n bơtho.

Tit 1:10

Đei lơ bơngai ưh kơ chu lui tơdrong bơ̆n bơtho. Lu sư pơma bơtho ưh kơ yua kiơ, sư pơma pơsôm kơ đe đĕch. Mă loi bơngai Juđê boih mơ'nah, sư khan sư lui kơ Kră Yang Yêsu Krist boih mă sư oei pơm thoi noh.

Tit 1:16

Lu bơngai bơtho hơ'mon tơdrong bơngai Juđê 'noh sư khan sư lui kơ 'Bok Kei-Dei boih mă-lei sư ưh kơ kiơ̆ tơdrong 'Bok Kei-Dei wă. Đon lu sư thoi noh, bơ̆n băt lu sư tam mă lui tơpă. 'Bok Kei-Dei ưh kơ lăp đon kơ tơdrong lu sư pơm ôh. Lu sư bơngai kơnê̆ krưp ưh kơ chu. Lu sư ưh kơ đei pơm minh tơdrong kiơ 'lơ̆ng thoi yơ.

II Pet 2:14

Măt lu sư nŏng kơ chă lăng 'maih pơm tơdrong kư̆ kă. Tơdrong lu sư pơm kư̆ kă ưh kơ yĕng kơ hrăp, nŏng kơ chă pơlung lu bơngai lui rơdu kiơ̆ lu sư pơm yoch păng pơhlŭ pơlung đe, wă kơ đe ăn kơ sư jên dah tơmam. Lu sư ling-lang pơhrăm tơdrong 'noh; lu sư jing bơngai 'Bok Kei-Dei wă phak.

I Yo 2:18

Ơ lu kon hơ'lơ̆p, năr tôch wă jê̆ truh boih. Iĕm kơtơ̆ng đơ̆ng sơ̆ boih gah tơdrong bơngai ayăt kơ Yêsu Krist gô truh. Na dang ei đei lơ bơngai ayăt kơ Yêsu Krist truh boih, thoi noh bơih bơ̆n băt kơ năr tôch wă jê̆ truh.

I Yo 4:1

Ơ lu 'nhŏng oh mă juăt păng inh, iĕm 'nĕ lui kơ đĭ-đăng bơngai mă khan sư đei Yang Bơhngol 'Lơ̆ng pơma hơgei. Iĕm athei jet pơlong lăng sư 'mơ̆i wă kơ băt sư đei Yang Bơhngol 'Lơ̆ng đơ̆ng 'Bok Kei-Dei, dah yang nai đĕch ăn kơ sư pơma. Kơlih kơ đei lơ bơngai jơ̆p kơ teh đak chă bơtho, sư khan sư pơtruh nơ̆r sư kơtơ̆ng đơ̆ng 'Bok Kei-Dei sơmă sư hơlĕnh đĕch.

Tơdrông Tơ'bôh 2:20

Mă-lei minh tơdrong âu Inh ưh kơ lăp đon kơ iĕm, minh tơdrong iĕm kuă kơ pơpuh yă Jesebel bơngai kơnê̆ dêh. Sư khan sư bơngai pơtruh nơ̆r 'Bok Kei-Dei, mă-lei sư oei pơhlŭ lu đĭch đam Inh pơm pơyô ngôi kư̆ kă, sa tơmam đe soi sơmah kơ rup yang.

Tơdrông Tơ'bôh 2:6

Mă-lei tơdrong âu Inh lăp đon kơ iĕm, Inh 'bôh iĕm ưh kơ lăp đon kơ đe bơtho tơdrong Nikôlat, Inh kư̆m ưh kơ lăp đon mơ̆n.