II Tim 3:14 - Sơ̆p Hlabơar Nơ̆r 'Bok Kei-Dei

¹⁴ Mă-lei gah ih, ih pơhrăm tơdrong 'Bok Kei-Dei boih păng ih kư̆m lui kơjăp kơ tơdrong 'Bok Kei-Dei đơ̆ng sơ̆ khơ̆ dang ei. Na dôm lu tơdrong 'Bok Kei-Dei noh ih athei rok mă tơpă khŏm khŏm. Păng ih kư̆m băt lu nhôn bơngai bơtho ih, nhôn bơngai thoi yơ.

II Tim 3:14 Iomraidhean Croise

Jang 17:31

yua kơ Sư pơkă năr boih wă kơ sek tơlang tơpăt kơ đĭ-đăng kon bơngai jơ̆p kơ teh đak. Sư rơih minh 'nu bơngai wă sek tơlang tơgŭm 'Bă Sư boih. Bơngai sek tơlang ei, anăn Sư Yêsu Krist. 'Bă Sư ăn kơ Sư lôch iung arih wă tơbăt kơ đĭ-đăng bơngai Yêsu gô sek tơlang kon bơngai tơpă.”

Rom 14:5

Na tơdrong âu dơ̆ng: Đei lu buăl bơ̆n bơngai lui mơ'nah khan, mưh trŏ kơ năr giĕng pơm giĕng, athei oei pơdơh kiơ̆ kơ bơngai Juđê juăt sơ̆. Mă-lei lu buăl nai mơ'nah khan năr noh lei-lăi kơ năr nai đĕch, ưh kơ đei khan năr giĕng ôh. Tơdrong noh gô mơ̆ng kơ bơ̆n tơchĕng kơdih mă-lei bơ̆n athei tơchĕng mă nhên 'mơ̆i na băt kơ năr giĕng tơpă dah ưh, gơh oei kiơ̆ dah ưh.

Kôlôsê 2:2

Inh wă kơ iĕm lui kơjăp jing pôm đon băt 'mêm mơnat dih băl na gơh hlôh tơdrong 'Bok Kei-Dei, hăm hlôh tơdrong hlơp 'Bok Kei-Dei tam mă tơbăt kơ đe đơ̆ng sơ̆ noh. Mă-lei dang ei iĕm băt boih tơdrong noh, wă khan tơdrong Yêsu Krist.

I Tes 1:5

Nhôn bơtho kơ iĕm tơdrong 'nao 'lơ̆ng ưh kơ sĭ păng 'bơ̆r nhôn pơma đĕch ôh, yua kơ mơsêh mơyang đơ̆ng Yang Bơhngol 'Lơ̆ng tơgŭm nhôn păng tơgŭm iĕm na iĕm băt nhôn bơtho tơdrong 'Bok Kei-Dei tơpă. Iĕm kư̆m băt nhôn bơngai thoi yơ pơm tơdrong kiơ hơtai nhôn oei hăm iĕm ki. Hăm trŏ nhôn adrin tơgŭm iĕm ling-lang tơpă dah ưh?

I Tes 2:13

Nhôn bơnê kơ 'Bok Kei-Dei yua kơ iĕm mơ̆ng nhôn bơtho tơdrong Sư na iĕm kơnăl kơ tơdrong 'Bok Kei-Dei tơpă, iĕm lui hloi. Iĕm ưh kơ đei tơchĕng khan nhôn bơtho tơdrong kon bơngai đĕch ôh. Nơ̆r 'Bok Kei-Dei boih ăn kơ bơngai bơ̆n lui kơ Sư, hăm ăn jơhngơ̆m bơ̆n pran kơtang jang kơ Sư.

I Tim 4:16

Ih athei kơchăng gah akâu ih kơdih păng gah tơdrong ih bơtho mơ̆n. Ih kư̆ kơ adrin pơm khŏm khŏm kiơ̆ thoi inh pơkă na ih gô klaih đơ̆ng tơdrong yoch păng lu bơngai mơ̆ng ih kư̆m klaih mơ̆n.

II Tim 1:13

Ih athei pơm kiơ̆ dôm tơdrong 'lơ̆ng inh bơtho ih păng ih kư̆ lui mă kơjăp băt 'mêm mơnat kơ bôl buăl. Yêsu Krist gơh ăn kơ bơ̆n lui kơjăp păng 'mêm mơnat kơ đe.

II Tim 2:2

Ih athei iŏk dôm nơ̆r ih mơ̆ng inh bơtho ih 'bơ̆t anăp đe tơpôl sơ̆, na ih bơtho dơ̆ng kơ lu bơngai mă lui kơjăp, na lu sư gô bơtho dơ̆ng kơ lu đe nai.

II Tim 3:15

Đơ̆ng ih oei iĕ sơ̆ ih pơhrăm sơ̆p hla bơar tơdrong 'Bok Kei-Dei. Sơ̆p hla bơar Sư boih ăn kơ bơ̆n băt tơdrong Sư pơklaih bơ̆n đơ̆ng tơdrong yoch yua kơ bơ̆n lui kơ Kră Yang Yêsu Krist.

Tit 1:9

sư bơtho tơdrong 'Bok Kei-Dei 'blep trŏ nơ̆r 'Bok Kei-Dei tơpă. Thoi noh đe anăn sư gơh bơtho trŏ tơdrong 'Bok Kei-Dei păng sư gơh pơjah pơjăng păng lu bơngai mă ưh kơ lui ayăt tơdrong sư bơtho.

Hêbrơ 10:22

Thoi noh bĕ bơ̆n năm jê̆ 'Bok Kei-Dei. Bơ̆n athei iŏk đon tơpăt, lui kơ Sư sơng iŏk bơ̆n mă tơpă, na jơhngơ̆m bơ̆n huay kơ tơchĕng kơnê̆, yua kơ bơ̆n đei pham Yêsu soi kơ bơ̆n boih. Sư dang tơtreh pham Sư tơ lăm jơhngơ̆m bơ̆n, bơ̆n jing bơngai rơgoh 'lơ̆ng boih; păng pơthim kơ năr bơ̆n iŏk 'batem dang bơ̆n hum đak hlăng 'lơ̆ng tăm.

Hêbrơ 6:11

Nhôn wă đĭ-đăng kơ iĕm adrin pơm kiơ̆ thoi noh ling-lang truh kơ tôch, na iĕm gô đei tơpă tơdrong mă iĕm oei chang sơmĕng dang ei noh.