II Tim 3:10 - Sơ̆p Hlabơar Nơ̆r 'Bok Kei-Dei

¹⁰ Inh tơchĕng ih kư̆m băt mơ̆n dôm tơdrong inh bơtho ih đơ̆ng sơ̆ khơ̆ dang ei. Păng ih băt boih inh bơngai thoi yơ. Ih băt kơ inh năm jơ̆p-jang kơ teh đak wă bơtho tơdrong 'nao 'lơ̆ng kơ đĭ-đăng bơngai păng ih kư̆m băt inh lui kơ Kră Yang lơliơ. Ih kư̆m băt tơdrong inh pơmat-tat mă-lei inh oei adrin ưh kơ tŭk ôh tơdrong jang inh. Ih kư̆m băt inh 'mêm kơ 'Bok Kei-Dei hăm bôl buăl.

II Tim 3:10 Iomraidhean Croise

Da 1:8

'Nâu, Đaniel pơkă lăm jơhngơ̆m sư khan, ưh kơ wă sŏng sa tơmam 'lơ̆ng păng tơdrô pơtao soi kơ yang jing pơm kơ inh kơnê̆, na apinh bơngai wei-lăng 'nĕ pơgŏ sư pơm yoch kơnê̆ noh.

Luka 1:3

Na inh kư̆m chă jet pơnhên đe gah tơdrong Yêsu đơ̆ng tơm hmơm sơ̆, na inh kư̆m wă roi ăn kơ ih mă đơ̆ng tơm truh tơ wĕch,

Jang 11:23

Lăp 'Barna'ba truh boih tơ Pơlei Antiôs, sư 'bôh 'Bok Kei-Dei tơgŭm lu sư tơpă. Na jơhngơ̆m 'Barna'ba chơt hiôk. Na 'Barna'ba pơlung lu sư khŏm khŏm wă kơ lu sư lui kơ Kră Yang Yêsu hăm đĭ jơhngơ̆m klơm klak lu sư kơdih.

Jang 2:42

Rim năr lu sư mơ̆ng lu jơ̆ng 'bang bơtho. Lu sư pơgơ̆p băl thoi 'nhŏng oh, sŏng sa 'blŏk hơdơ̆r kơ Yêsu hăm krao khan kơ 'Bok Kei-Dei hơdai.

Jang 20:18

Lăp lu sư truh tơ Pơlei Milê boih Pôl khan kơ lu sư: “Iĕm băt kơ inh bơngai thoi yơ đơ̆ng inh 'nao truh tơ dêh char Asi sơ̆ mă khơ̆ tơ bơ̆n tơklah dih băl.

Jang 26:4

“Đĭ-đăng bơngai Juđê băt kơ inh arih thoi yơ mă inh oei 'lơ̆p sơ̆ khơ̆ dang ei, mă tơ dêh char inh, mă tơ Pơlei Jêrusalem.

Rom 16:17

Ơ 'nhŏng oh, iĕm athei kơchăng hli kơ iĕm lui jrok kiơ̆ lu bơngai lui ưh kơ tat, hli kơ iĕm achăng lê̆ tơdrong lui tơpăt mă đe juăt kơ bơtho; na iĕm athei weh 'biơ̆ đơ̆ng lu sư. Lu sư wă pơrăm lu bơngai lui bơ̆n, chă pơjah pơjăng păng bơ̆n.

II Kor 1:17

Inh pơkă inh wă thoi noh tơpă, mă iĕm jô̆ kơ inh khan đon ưh kơ tơpăt ôh hă? Păng iĕm mơ̆ng dôm tơdrong inh pơkă thoi bơngai ưh kơ lui, hơ̆r kơ năm, năm. Ưh, ưh; thoi noh hă?

Êphêsô 4:14

Thoi noh na bơ̆n ưh pă gơh kiơ̆ thoi lu bơngai hơ'lơ̆p lui kơ đe bơtho tơdrong kư̆ kă boih, pơtih gia đe hơlĕnh kơ bơ̆n, dah pơhlŭ bơ̆n, wă kơ bơ̆n hơwơ̆l jing jrok kư̆ kă.

Philip 2:20

Lu buăl nhôn tơ âu ưh kơ đei bu 'mêm kơ iĕm dang Timôthê 'mêm kơ iĕm. Gah sư inh 'bôh sư 'mêm kơ iĕm tơpă, na inh 'bôh sư lăp đon kơ tơgŭm iĕm.

Philip 2:22

Mă-lei iĕm băt boih kơ Timôthê sư bơngai 'lơ̆ng tơpă; sư jang tơgŭm inh bơtho tơdrong Yêsu Krist, thoi lĕ kơ kon jang tơgŭm 'bă.

I Tes 1:5

Nhôn bơtho kơ iĕm tơdrong 'nao 'lơ̆ng ưh kơ sĭ păng 'bơ̆r nhôn pơma đĕch ôh, yua kơ mơsêh mơyang đơ̆ng Yang Bơhngol 'Lơ̆ng tơgŭm nhôn păng tơgŭm iĕm na iĕm băt nhôn bơtho tơdrong 'Bok Kei-Dei tơpă. Iĕm kư̆m băt nhôn bơngai thoi yơ pơm tơdrong kiơ hơtai nhôn oei hăm iĕm ki. Hăm trŏ nhôn adrin tơgŭm iĕm ling-lang tơpă dah ưh?

I Tim 1:3

Inh wă kơ ih kư̆ oei tơ Pơlei Êphêsô, kư̆m thoi inh athei ih ki lăp inh wă năm đơ̆ng Pơlei Êphêsô tơ dêh char Masêđôn. Na inh athei ih oei tơ pơlei âu khŏm khŏm yua kơ đei lu bơngai tơ noh bơtho tơdrong ưh kơ trŏ tơdrong 'Bok Kei-Dei tơpă. Na ih athei khă lu sư 'nĕ pă bơtho thoi noh dơ̆ng.

I Tim 4:6

Dah ih bơtho lu bơngai lui tơdrong Yêsu Krist kiơ̆ thoi inh pơkă, lei đe băt kơ tơdrong jang ih âu 'lơ̆ng dêh păng đe băt kơ ih lui kơjăp tơdrong 'Bok Kei-Dei khŏm khŏm kư̆m thoi ih lui đơ̆ng blŭng sơ̆ khơ̆ dang ei.

I Tim 6:11

Ơ Timôthê, ih bơngai kiơ̆ 'Bok Kei-Dei, ih athei weh ataih đơ̆ng tơdrong kơnê̆ 'noh, ih adrin pơm đon 'lơ̆ng tơpăt, lui mă kơjăp, 'mêm kơ 'Bok Kei-Dei păng pơm jơhngơ̆m dim 'mêm kơ bôl buăl mơ̆n. Đei tơdrong gleh truh tơ ih ră, mă-lei ih athei adrin pơm kiơ̆ 'Bok Kei-Dei khŏm khŏm.

II Tim 2:22

Pơtih gia bơngai tơdăm sư ling-lang nŏng tơchĕng gah tơdrong akâu sư kơdih, ưh kơ wă tơchĕng tơdrong Kră Yang. Mă ih 'nĕ kơ tơchĕng thoi bơngai 'noh hŏ. Ih athei adrin pơm tơdrong 'lơ̆ng tơpăt, lui mă kơjăp, băt 'mêm mơnat kơ đe păng oei hiôk hơiă hơdai lu bơngai mă đei đon 'lơ̆ng tơpăt, wă khan lu bơngai mă krao khan kơ 'Bok Kei-Dei kơjăp.

II Tim 4:3

Ning-mônh đei lơ bơngai ưh pă wă mơ̆ng tơdrong 'Bok Kei-Dei. Đe wă kiơ̆ gah tơdrong kư̆ kă sư kơdih đĕch, na lu sư chă bơngai bơtho sư kiơ̆ kơ sư wă mơ̆ng đĕch, ưh pă kiơ̆ tơdrong 'Bok Kei-Dei dơ̆ng.

II Tim 4:7

Thoi lĕ bơngai pơm linh tơblah sư adrin tơpă, na inh kư̆m adrin thoi noh mơ̆n đơ̆ng sơ̆ khơ̆ dang ei. Inh chu jang kơ 'Bok Kei-Dei truh tơ inh lôch, kư̆m thoi bơngai pơjei băl kơdâu sư adrin tôch kơ trong đêl đe pơkă 'mơ̆i na gơh pơdơh. Na inh kư̆m lei-lăi, inh kư̆m ưh kơ achăng lê̆ tơdrong lui inh.

Tit 2:7

Păng ih kơdih athei pơm 'lơ̆ng tơpăt lăm tôm tơdrong wă kơ lu bơngai lui pơm kiơ̆ thoi ih. Ih bơtho đe mă trŏ pơm mă khuơ̆ khuơ̆ wă kơ đe lăng bơ̆n bơtho tơpă.

Hêbrơ 13:9

Iĕm 'nĕ kơ lui kơ tơdrong đe bơtho phara pha, hli kơ iĕm lui chroih tơ nai. Pơtih gia dah đe bơtho khă bơ̆n gah tơdrong sa et tơmam giĕng; tơdrong giĕng noh ưh kơ gơh pơm kơ bơ̆n lui kơjăp ôh. Tơdrong lui kơjăp noh đơ̆ng Yang Bơhngol 'Lơ̆ng gơh pơm kơ bơ̆n.

II Pet 3:11

Bơ̆n băt boih đĭ dôm tơmam gô hiong răm thoi noh tơpă, na mă dôm tơdrong kiơ bơ̆n athei adrin pơm đon 'lơ̆ng tơpăt 'biơ̆