II Tim 2:7 - Sơ̆p Hlabơar Nơ̆r 'Bok Kei-Dei

⁷ Ơ Timôthê, ih tơchĕng lăng bĕ dôm nơ̆r inh pơma kơ ih yua kơ 'Bok Kei-Dei gô ăn kơ ih hlôh lăm tôm tơdrong lăm đon ih.

II Tim 2:7 Iomraidhean Croise

I Ho 22:12

Apinh Kră Yang ăn kơ ih tơdrong gơh hơgei hlôh wao wă kơ ih pơgơ̆r wei-lăng lu bơngai Isơrael wă kơ ih răk kiơ̆ tơdrong juăt Kră Yang 'Bok Kei-Dei ih.

I Ho 29:19

Apinh Ih ăn kơ Sôlômôn, kon drŏ-nglo inh, đĭ jơhngơ̆m wei răk lu nơ̆r tơtă khôi juăt păng nơ̆r Ih pơkă pơkăm kư̆m pơm tôm tơdrong jang wă, man tơiung hnam mă inh đei chă hơmet lê̆ tơmam bơih.”

Horiso 119:125

Inh đĭch đam Ih, Apinh Ih ăn kơ inh tơdrong hlôh wao. Wă kơ inh gơh băt hlôh kơ nơ̆r Ih bơtho khan.

Horiso 119:144

Nơ̆r Ih bơtho khan jơ̆ tơpăt ling-lang hlŏng hloi. Ăn kơ inh hlôh wao, wă kơ inh gơh arih.

Horiso 119:73

Tơpang ti Ih pơjing păng man inh; Ăn kơ inh 'ngok hlôh wao, wă kơ inh hŏk kiơ̆ nơ̆r tơtă Ih.

Horiso 64:9

Đĭ-đăng kon bơngai gô hli; Lu sư gô ră roi tơdrong Kră Yang 'Bok Kei-Dei pơm boih.

Tơdrông Pơđơk 24:32

Inh lăng păng hơlen tơ noh. 'Bôh hŏk iŏk pơhrăm.

Êsai 1:3

Rơmo băt kơ tơ'ngla, aseh băt kơ bơng 'nhĕt tơ'ngla sư, mă-lei bơngai Isơrael ưh kơ băt, kon pơlei Inh ưh kơ hlôh ôh.”

Êsai 28:26

Noh Kră Yang 'Bok Kei-Dei bơtho kơ sư păng pơhrăm ăn kơ sư pơm trŏ.

Êsai 5:12

Lăm năr et sa lu sư reh brŏ, hlôm lillul teh hơgơ̆r hăm et tơdrô, mă-lei lu sư ưh kơ tơchĕng tơdrong Kră Yang pơm; lu sư kư̆m ưh kơ 'bôh đêl dôm tơdrong đơ̆ng ti Kră Yang pơjing.

Da 1:17

Đơ̆ng noh, Kră Yang 'Bok Kei-Dei ăn kơ puăn 'nu bơngai tơdăm noh đei kơ̆l 'ngok gơh hơgei lăm rim tơdrong lu sư hŏk pơhrăm. Đaniel kư̆m đei gơh băt tơblang tơdrong tơ'bôh păng tơdrong apo.

Luka 21:15

yua kơ Inh gô ăn kơ iĕm 'bơ̆r đon hơgei, na lu bơngai ayăt 'noh gô thuơ kơ iĕm.

Luka 24:45

Đơ̆ng noh na Yêsu ăn kơ đon lu sư hlôh wao sơ̆p hla bơar 'Bok Kei-Dei.

Luka 9:44

“Inh wă kơ iĕm tơguăt lăm đon tơdrong âu: Đe gô rôp pơjao Inh Kon Bơngai tơ ti kon bơngai tơ ala teh âu.”

Yo 14:26

'Bok Dŏng iĕm ei, anăn Sư Yang Bơhngol 'Lơ̆ng, Sư 'noh 'Bă Inh wă wơh Sư jur oei păng iĕm jang tang Inh. Sư gô bơtho iĕm tôm tơdrong păng Sư gô tơ'blŏk ăn kơ iĕm tôm tơdrong mă Inh bơtho iĕm boih.

Yo 16:13

Mă-lei lăp Yang Bơhngol 'Lơ̆ng mă tơbăt ăn kơ iĕm tơdrong 'Bok Kei-Dei ei truh, Sư bơtho ăn kơ iĕm tôm tơdrong 'Bok Kei-Dei. Sư ưh kơ bơtho tơdrong Sư kơdih ôh, Sư bơtho iĕm dôm tơdrong Sư kơtơ̆ng đơ̆ng 'Bă Inh. Sư kư̆m bơtho gah tơdrong ning-mônh mơ̆n.

Jang 7:10

Păng tơdrong anat anot sư 'Bok Kei-Dei kư̆m dŏng mơnat kơ sư mơ̆n. 'Bok Kei-Dei ăn kơ sư đei 'bơ̆r đon hơgei na 'bok pơtao Pharôn đe Êyiptơ lăp đon kơ Yôsep, na 'bok pơtao ăn kơ sư pơm kră pơgơ̆r dêh đe Êyiptơ păng pơgơ̆r hnam pơtao mơ̆n.

I Kor 12:8

Yang Bơhngol 'Lơ̆ng ăn kơ bơngai âu đon hơgei wă kơ năm chă bơtho tơdrong 'Bok Kei-Dei; Sư kư̆m ăn kơ bơngai to hlôh wao tôm tơdrong 'Bok Kei-Dei wă kơ gơh năm chă bơtho đe mơ̆n.

Both 32:29

Tơdah lu sư gơh hơgei, lei lu sư hlôh boih tơdrong âu păng băt tôch ning-mônh sư thoi yơ.

Both 4:39

Thoi noh, dang ei iĕm athei băt păng chih răk bĕ lăm jơhngơ̆m lu iĕm: Kră Yang noh boih Kră Yang 'Bok Kei-Dei tơ kơpal plĕnh ti păng tơ ala teh âu; ưh kơ đei bu nai dơ̆ng.

Philip 4:8

Ơ lu 'nhŏng oh, iĕm kơtơ̆ng boih tơdrong noh na iĕm athei tơchĕng tơdrong kiơ 'lơ̆ng, tơdrong kiơ tơpăt, tơdrong kiơ trŏ, tơdrong kiơ kăl, tơdrong kiơ đe ư-ang, tơdrong kiơ hơiă, tơdrong kiơ kon bơngai lăp đon, tơdrong kiơ đe tơ'mêm băl.

Kôlôsê 1:9

Thoi noh boih na đơ̆ng năr nhôn kơtơ̆ng tơdrong iĕm lui kơjăp, na nhôn krao khan kơ 'Bok Kei-Dei ăn kơ iĕm gơnang kơ Yang Bơhngol 'Lơ̆ng wă kơ iĕm hlôh băt tôm tơdrong 'Bok Kei-Dei, kiơ̆ thoi Sư lăp đon.

I Tim 4:15

Ih athei pơm kiơ̆ kơ dôm tơdrong inh pơkă kơ ih âu. Ih athei adrin tơpă thoi noh na wă kơ đĭ-đăng bôl lăng ih rai đunh rai kơjăp gah tơdrong 'Bok Kei-Dei.

II Tim 2:6

Âu nơ̆r pơtih gia mơ̆n: Bơngai choh mir sư jang hrat tơpă, sư wei-lăng mir sư truh tơ 'ba đum, klaih kơ noh tơ'ngla sư kĕch iŏk kơdih.

II Tim 2:8

Ih athei pơwao gah Kră Yang Yêsu Krist lôch iung arih, Sư boih kon sâu Đawit. Tơdrong 'nao 'lơ̆ng inh bơtho âu dang ei roi thoi noh tơpă.

Hêbrơ 12:3

Iĕm athei pơwao kơ Yêsu, Sư iŏk dôm tơdrong lu bơngai yoch pơm kơnê̆ pơ'brơh kơ Sư; thoi noh na iĕm kư̆m lei-lăi 'nĕ kơ klai, 'nĕ kơ lao đon; athei adrin hăt hăi thoi Sư ling-lang.

Hêbrơ 13:7

Iĕm athei lăng tơdrong arih bơngai mă bơtho iĕm tơdrong 'Bok Kei-Dei sơ̆, tơdrong arih sư thoi yơ, sư lôch thoi yơ, iĕm athei rok kiơ̆ tơdrong lui sư noh.

Hêbrơ 3:1

Ơ lu 'nhŏng oh, iĕm jing bơngai 'lơ̆ng tơpăt boih păng iĕm đei anăn 'Bok Kei-Dei wă krao tơmơ̆t tơ Pơlei 'Lơ̆ng Sư ning-mônh. Na inh wă kơ iĕm tơchĕng 'biơ̆ gah tơdrong Yêsu mă tơpă, yua kơ 'Bok Kei-Dei pôk Sư pơm jơ̆ng 'bang wă tơbăt ăn kơ bơ̆n tơdrong 'Bok Kei-Dei. Păng 'Bok Kei-Dei kư̆m pôk Sư pơm 'bok soi tơm jang tơdrong 'Bok Kei-Dei gah tơdrong lui bơ̆n.

Hêbrơ 7:4

Sư 'bok tih tơpă bĭ iĕm tơchĕng sư thoi yơ? 'Bok kơdră bơ̆n Abraham sơ̆ mah asong sư tơmam đơ̆ng sư blah iŏk tơmam lu ayăt, ăn kơ sư minh lơ̆m mơjĭt.

Ya 1:5

Tơ̆ng đei lăm lu iĕm bơngai bu ưh tam gan hlôh tơdrong 'Bok Kei-Dei, bơngai noh athei apinh 'Bok Kei-Dei ăn kơ sư hlôh. Na 'Bok Kei-Dei gô ăn kơ sư hlôh tơpă, yua kơ 'Bok Kei-Dei hơlăng dêh, Sư ưh kơ kret ôh kơ lu bơngai mă apinh Sư păng Sư huay kơ hil kơ lu bơngai mă apinh Sư noh.

Ya 3:15

Bơngai bu khan sư hơgei tơdrong 'Bok Kei-Dei mă sư oei pơm thoi noh, tơdrong sư hơgei noh ưh kơ sĭ đơ̆ng 'Bok Kei-Dei ăn ôh; sư hơgei đơ̆ng khŭl yang kơnê̆, sư hơgei kiơ̆ tơdrong ala teh, kiơ̆ kơ sĕch akar.

Ya 3:17

Na gah tơdrong hơgei, bơngai bu hơgei đơ̆ng 'Bok Kei-Dei ăn, bơngai noh bơ̆n 'bôh sư pơm tôm tơdrong 'lơ̆ng, sư bơngai dim gơh găt hăm đe, băt chu yom kơ lu bơngai tih kơ sư, băt mơnat kơ đe, băt asong băl tơmam; sư bơngai tơpăt tơpă, ưh kơ sĭ sư chă pơm đĕch ôh.

I Yo 5:20

Bơ̆n băt Kon pôm 'Bok Kei-Dei jur tơ bơ̆n boih. Sư roi tơbăt ăn kơ bơ̆n tôm tơdrong 'Bok Kei-Dei Kră Yang tơm tơpă. Bơ̆n pôm đon păng Kră Yang 'Bok Kei-Dei păng pôm đon păng Kon Sư Yêsu Krist mơ̆n. Yêsu Krist Sư kư̆m Kră Yang tơpă mơ̆n na Sư ăn kơ bơ̆n arih ling-lang.