II Tim 2:21 - Sơ̆p Hlabơar Nơ̆r 'Bok Kei-Dei

²¹ Bơngai bu hŭt lê̆ dôm tơdrong kơnê̆ sư, bơngai 'noh sư kư̆m thoi lĕ pơnhan chhĕr yua 'bơ̆t sŏng sa tih mơ̆n. Yŏng sư 'Bok Kei-Dei gơh yua sư dang ei hloi jang dôm tơdrong Sư, yua kơ sư đei đon 'lơ̆ng tơpăt.

II Tim 2:21 Iomraidhean Croise

Horiso 119:9

Bơngai oei hơmuh hơmŏng pơm liơ wă kơ trong sư 'lơ̆ng rơgoh? Athei arih pơm kiơ̆ nơ̆r Kră Yang.

Êsai 1:25

Inh gô yơ̆r ti pơm tơwih, inh gô pơgoh lê̆ 'bruih 'brăm đơ̆ng ih, păng iŏk hŭt lu rơ̆m rĕk ih.

Êsai 52:11

Lu iĕm weh bĕ, weh bĕ, weh lĕch bĕ đơ̆ng anih noh. 'Nĕ hơtŭt 'bơm tơmam 'mê̆-'mach. Lĕch bĕ đơ̆ng noh pơm akâu kơdih mă rơgoh. Ơ lu bơngai chĕp tơmam Kră Yang.

Je 15:19

Thoi noh 'nâu Kră Yang khan: “Tơdah ih tơbral, Inh gô sơng iŏk ih, ăn kơ ih dơ̆ng 'bơ̆t anăp Inh; dah ih pơma nơ̆r sĭt ưh kơ chă pơma ngôi đĕch, ih gô jing thoi 'bơ̆r Inh pơma. Lê̆ lu kon pơlei pơla âu gô wih tơ ih, mă-lei ih 'nĕ wih tơ lu sư.

Malachi 3:3

Sư gô hơ-oei thoi lu bơngai jôr hu pơm rơgoh đĭ, sư gô chhut lu kon drŏ-nglo Lêwi, pơm ăn kơ lu sư rơgoh thoi maih păng hu, lu sư gô pơyơ̆r tơmam soi kơ Kră Yang lăm tơdrong tơpăt.

Jang 9:15

Kră Yang Yêsu khan kơ Anania: “Ih jah năm tơ sư, yua kơ Inh rơih sư wă kơ bơtho tơdrong Inh jơ̆p kơ teh đak, bơtho lu 'bok pơtao păng lu bơngai Isơrael.

I Kor 5:7

Iĕm athei hŭt đĭ tơdrong yoch wă kơ jing thoi 'bĕng tơpŭng 'nao tam mă pơjrâu 'buih, yua kơ 'Bok Kei-Dei pơklaih đĭ boih tơdrong yoch iĕm. Yêsu Sư thoi triu đe 'bet sa pơm Giĕng Năm Brih wă 'blŏk hơdơ̆r kơ tơdrong 'Bok Kei-Dei pơklaih đơ̆ng dêh Êyiptơ, na Yêsu boih pơklaih bơ̆n.

II Kor 7:1

Ơ lu 'nhŏng oh mă inh 'mêm kơeng, yua kơ 'Bok Kei-Dei wă ăn kơ bơ̆n jing kon Sư thoi noh boih, na bơ̆n athei tŭk lê̆ đĭ dôm tơdrong kơnê̆ 'mê̆-'mach đơ̆ng akâu bơ̆n juăt kơ pơm, hăm đơ̆ng jơhngơ̆m đon bơ̆n tơchĕng kơnê̆; bơ̆n athei adrin pơm mă tơpăt lăm tôm tơdrong, yua kơ bơ̆n băt hli kơ 'Bok Kei-Dei.

II Kor 9:8

'Bok Kei-Dei gô ăn kơ iĕm tơmam rơkah rơkai, wă kơ iĕm đei tôm tơmam ling-lang păng wă kơ iĕm chă tơgŭm đe nai dơ̆ng.

Êphêsô 2:10

Tơdrong 'Bok Kei-Dei ăn kơ bơ̆n jing bơngai 'nao, yua kơ bơ̆n pôm đon hăm Yêsu Krist. Tơdrong bơ̆n jing bơngai 'nao noh Sư wă kơ bơ̆n pơm tôm tơdrong 'lơ̆ng tơpăt ngăl, na blŭng-a sơ̆ 'Bok Kei-Dei wă kơ bơ̆n pơm 'lơ̆ng ling-lang thoi noh.

I Tim 6:11

Ơ Timôthê, ih bơngai kiơ̆ 'Bok Kei-Dei, ih athei weh ataih đơ̆ng tơdrong kơnê̆ 'noh, ih adrin pơm đon 'lơ̆ng tơpăt, lui mă kơjăp, 'mêm kơ 'Bok Kei-Dei păng pơm jơhngơ̆m dim 'mêm kơ bôl buăl mơ̆n. Đei tơdrong gleh truh tơ ih ră, mă-lei ih athei adrin pơm kiơ̆ 'Bok Kei-Dei khŏm khŏm.

II Tim 2:16

Ih 'nĕ kơ năm mơ̆ng lu bơngai pơjah pơjăng kư̆ kă. Lu bơngai pơjah pơjăng thoi noh lu sư rai đunh rai weh ataih đơ̆ng 'Bok Kei-Dei.

II Tim 2:20

Pơtih gia lăm hnam bơngai mơdrŏng tih đei tôm khŭl pơnhan chhĕr, mơ'nah đe pơm păng maih, mơ'nah pơm păng hu, mơ'nah păng 'long, mơ'nah păng teh. Mơ'nah đe yua chhŏ sa rim năr, mơ'nah đe yua 'bơ̆t sŏng sa tih đĕch.

II Tim 3:17

Thoi noh lu bơngai jang tơdrong 'Bok Kei-Dei, sơ̆p hla bơar 'Bok Kei-Dei tơgŭm sư lăm tôm tơdrong, lu sư ưh kơ đei kơ'bah.

II Tim 4:11

Dang ei đei minh 'nu Luka đĕch oei păng inh. Ih pơtơm ba Markôs mơ̆n hŏ na biĕm năm tơ inh tơ âu yua kơ sư gơh tơgŭm inh tơpă gah jang tơdrong 'Bok Kei-Dei.

Tit 3:1

Ih tơ'blŏk ăn kơ lu buăl lui athei sư lui yom kơ dôm lu kră pơgơ̆r; păng dôm tơdrong 'lơ̆ng sư wơh wă kơ bơ̆n pơm, bơ̆n athei pơm mă tơpă.

Tit 3:14

Ih khan kơ lu bơngai lui kơchăng gah tơdrong 'lơ̆ng ling-lang păng mơnat ăn kơ lu bơngai dơnuh hin tơmam. Thoi âu boih tơdrong jang bơ̆n yua.

Tit 3:8

Dôm tơdrong inh bơtho âu trŏ tơpă. Păng dôm tơdrong inh bơtho ih lăm kơthơ âu ih bơtho khŏm khŏm kơ lu bơngai lui wă kơ sư pơm 'lơ̆ng păng đe ling-lang; kơlih kơ dôm tơdrong inh bơtho âu 'lơ̆ng ngăl păng yua kơ bơ̆n.

I Pet 1:22

Bơ̆n chu lui kơ tơdrong 'Bok Kei-Dei boih, bơ̆n băt kơ lê̆ đĭ dôm tơdrong yoch, băt 'mêm mơnat kơ bôl buăl 'nhŏng oh bơngai lui. Bơ̆n athei iŏk tơdrong 'mêm mơnat dih băl ling-lang khŏm khŏm hăm đĭ jơhngơ̆m.

I Pet 1:7

Tơdrong gleh 'Bok Kei-Dei wă pơlong lăng tơdrong lui bơ̆n, wă kơ băt bơ̆n lui tơpă dah ưh. Bĭ maih đe kư̆m 'buh pơlong sư tơ ŭnh wă kơ băt sư maih tơpă dah ưh; na tơdrong bơ̆n lui kơ Yêsu Krist kăl hloh kơ maih tơpă, yua kơ maih sư gô hiong răm. Na bơ̆n kon bơngai trŏ kơ 'Bok Kei-Dei pơlong lăng tơdrong lui bơ̆n wă kơ bơ̆n lui kơjăp, na Sư gô bơnê kơ bơ̆n, hăm ăn kơ bơ̆n hiôk kơplah năr Yêsu Krist jur ning-mônh.

I Yo 3:3

Bơngai bu chang gô Yêsu Krist jur tơ ala teh âu, bơngai 'noh pơm dôm tơdrong 'lơ̆ng tơpăt ngăl, kư̆m thoi Yêsu pơm 'lơ̆ng tơpăt mơ̆n.