II Tim 1:6 - Sơ̆p Hlabơar Nơ̆r 'Bok Kei-Dei

⁶ Sơ̆ inh pel kơ̆l ih wă ăn kơ ih jang tơdrong 'Bok Kei-Dei. Đơ̆ng năr noh sơ̆ 'Bok Kei-Dei ăn kơ ih pran hơgei jang tơdrong Sư. Inh wă kơ ih oei 'blŏk hơdơ̆r kơ năr noh păng kư̆ gơnang kơ Sư na ih jang tơdrong Sư pran hơgei.

II Tim 1:6 Iomraidhean Croise

Le 35:26

Na lu drŏ-kăn mơ'nah lăm jơhngơ̆m đei pơdrŭt păng hơgei lu sư dui tơroi hăm sŏk bơbe kư̆m pơyơ̆r mơ̆n.

Le 36:2

Môis krao Bêsalel, Ôhôliap păng lu bơngai gơh hơgei jang đei tơdrong tơchĕng mă Kră Yang ăn boih kơ lu sư mă đei jơhngơ̆m mơn pơdrŭt lu sư pơtơm năm bơ̆jang.

Êsai 43:26

Tơ'blŏk dơ̆ng bĕ kơ Inh, bĕ bơ̆n pơma tơgar băl kơ trŏ. Roi pơdah tơdrong trŏ iĕm bĕ, wă tơ'bôh khan lu iĕm trŏ 'lơ̆ng tơpăt.

Luka 19:13

Hơdrol kơ sư wă năm, sư krao mơjĭt 'nu bơngai jang kơ sư. Sư pơjao ăn rim 'nu kơ lu bơngai jang kơ sư minh hlak jên hu so sơ̆. Sư pơkă athei chă blơ̆ sa kơdih kơdih truh tơ năr sư wih dơ̆ng. Lăp sư pơjao ăn kơ lu đe noh đang boih na sư năm.

Jang 19:6

Pôl pel kơ̆l lu sư, na Yang Bơhngol 'Lơ̆ng jur oei hăm lu sư. Lu sư pơma hloi nơ̆r hlĭch păng bơtho tơdrong 'Bok Kei-Dei.

Jang 6:6

Lu bôl sư anhăk ba lu sư tơpơh 'nu bơngai ei tơ lu bơngai jơ̆ng 'bang Yêsu. Na lu jơ̆ng 'bang Yêsu pel hloi kơ̆l krao khan apinh 'Bok Kei-Dei tơgŭm lu sư jang tơdrong ei.

I Tes 5:19

Na dang ei iĕm athei ăn kơ Yang Bơhngol 'Lơ̆ng pơgơ̆r iĕm kiơ̆ kơ Sư wă, iĕm 'nĕ pă pơgơ̆r akâu iĕm kơdih.

I Tim 4:14

Sơ̆ lăp lu kră pel kơ̆l ih na 'Bok Kei-Dei ăn kơ lu bơngai khan lê̆ hơdrol gah ih, 'Bok Kei-Dei ăn kơ ih jang tơdrong Sư pran hơgei. Na ih athei gơnang kơ 'Bok Kei-Dei tơgŭm ih ling-lang tơdrong ih hơgei 'noh.

I Tim 4:6

Dah ih bơtho lu bơngai lui tơdrong Yêsu Krist kiơ̆ thoi inh pơkă, lei đe băt kơ tơdrong jang ih âu 'lơ̆ng dêh păng đe băt kơ ih lui kơjăp tơdrong 'Bok Kei-Dei khŏm khŏm kư̆m thoi ih lui đơ̆ng blŭng sơ̆ khơ̆ dang ei.

II Tim 2:14

Dôm tơdrong inh bơtho âu ih athei bơtho ăn kơ lu bơngai lui dơ̆ng hŏ păng khan kơ lu sư thoi âu: “'Bok Kei-Dei Sư 'bôh bơ̆n na bơ̆n athei kơchăng hŏ. Bơ̆n 'nĕ pơjah pơjăng kư̆ kă. Bơ̆n pơjah pơjăng thoi noh ưh kơ đei yua kiơ ôh, pơrăm đe đĕch dah bơ̆n pơjah thoi noh.”

Hêbrơ 6:2

tơdrong iŏk 'batem, tơdrong krao khan pel kơ̆l wă kơ đei Yang Bơhngol 'Lơ̆ng jur oei, tơdrong kon bơngai iung arih đơ̆ng lôch, tơdrong 'Bok Kei-Dei sek tơlang ning-mônh wă phak ling-lang dôm lu bơngai mă kuă kơ lui kơ Sư. Dôm tơdrong noh bơ̆n ưh kơ kăl kơ pơhrăm dơ̆ng boih, yua kơ lu bơ̆n đêl pơhrăm ngăl boih.

II Pet 1:12

Dôm tơdrong noh iĕm kơtơ̆ng đơ̆ng đe bơtho, iĕm lui kơjăp đơ̆ng sơ̆ ră boih, mă-lei inh oei wă tơ'blŏk kơ iĕm khŏm khŏm.

II Pet 3:1

Ơ lu 'nhŏng oh mă inh 'mêm kơeng, kơthơ âu, kơthơ mă 'bar inh chih hơpong kơ iĕm. Inh chih 'bar 'măng kơ âu ưh kơ đei chih tơdrong nai ôh; inh chih tă tơ'blŏk kơ iĕm tơdrong 'Bok Kei-Dei ngăl, wă pơlung iĕm wă kơ iĕm pơm đon 'lơ̆ng tơpăt.

Ju 1:5

Dôm tơdrong lu kră sơ̆ iĕm băt boih, mă inh wă tơ'blŏk kơ iĕm dơ̆ng. Sơ̆ 'Bok Kei-Dei dŏng pơklaih lu bơngai Isơrael đơ̆ng dêh Êyiptơ, mă-lei đơ̆ng rŏng kơ noh, Sư kư̆m đei pơlôch lu bơngai Isơrael mơ'nah ưh kơ chu lui.