II Tim 1:5 - Sơ̆p Hlabơar Nơ̆r 'Bok Kei-Dei

⁵ Inh băt kơ ih lui kơjăp tơpă, kư̆m lei-lăi thoi yă ih Lôih păng mĕ ih Eunik lui sơ̆ mơ̆n. Na dang ei inh băt kơ ih lui kơjăp thoi sư sơ̆ tơpă.

II Tim 1:5 Iomraidhean Croise

Horiso 116:16

Ơ Kră Yang inh đĭch đam Ih tơpă. Inh đĭch đam Ih, jơ̆ kon drŏ-nglo đam drŏ-kăn Ih, Ih yaih boih inh đơ̆ng bră đe chô̆.

Horiso 17:1

Ơ Kră Yang! Apinh Ih mơ̆ng tơdrong tơpăt, Mơ̆ng pơnhen nơ̆r inh krao chă; Apinh pơgling đon Ih mơ̆ng nơ̆r inh krao khan. Đơ̆ng 'bơ̆r ưh kơ hơlĕnh.

Horiso 18:44

Lăp Lu sư kơtơ̆ng gah inh; lu sư chu yom kơ inh; Lu bơngai tơmoi kư̆m gô chu kiơ̆ inh.

Horiso 22:10

Đơ̆ng inh oei lăm klak, jao inh kơ Kră Yang boih; Ih boih Kră Yang 'Bok Kei-Dei inh, đơ̆ng năr mĕ inh 'nao tơpŭ kơ inh.

Horiso 66:3

Pơma bĕ hăm Kră Yang 'Bok Kei-Dei khan: “Dôm tơdrong jang Ih trŏ kơ hli yom tơpă! Đơ̆ng tơdrong mơsêh tih Ih; na dôm lu ayăt gô wih hli yom kơ Ih.

Horiso 77:6

Kơmăng inh 'blŏk dơ̆ng 'bai hơri inh, Jơhngơ̆m inh tơchĕng păng bơhngol inh chă apinh:

Horiso 81:15

Lu bơngai mă hil areh kơ Kră Yang gô chu yom kơ Sư. Tơdrong chu lui kơ Sư oei oei ling-lang.

Horiso 86:16

Ôi! Apinh Kră Yang lăng inh păng mơnat kơ inh. Apinh Ih ăn tơdrong pran kơtang kơ lu đĭch đam Ih. Apinh pơklaih kon drŏ-nglo đam drŏ-kăn Ih.

Je 3:10

Mă-lei, đơ̆ng tơdrong noh, oh sư bơngai Juđa pơm kơnê̆, sư kư̆m ưh kơ wih brŏk tơ Inh đĭ jơhngơ̆m, chă hơlĕnh đĕch, Kră Yang khan.

Yo 1:47

Lăp Yêsu 'bôh Nathanel năm tơ Sư, na Sư khan: “Ih boih bơngai Isơrael tơpă. Ih đei đon 'lơ̆ng tơpăt ưh kơ đei layơ hơlĕnh kơ đe.”

Jang 16:1

Đơ̆ng noh bre Pôl păng Silas năm tơ Pơlei Dibơ păng năm tơ Pơlei Litrơ. Tơ Pơlei Litrơ ei đei lơ bơngai lui păng đei minh 'nu bơngai anăn sư Timôthê. Mĕ sư bơngai Juđê kư̆m lui mơ̆n, 'bă sư bơngai Grĕk.

Jang 26:26

Inh pơma kơ pơtao Agripa ưh kơ đei anat ôh yua kơ sư băt gah tơdrong inh pơma hei. Sư 'bôh păng kơtơ̆ng lu tơdrong noh tơpă yua kơ đe kơtơ̆ng ang lu tơdrong 'noh jơ̆p-jang boih.

Rom 14:14

Yua kơ inh lui kơ Yêsu Krist păng inh gơnang kơ Sư tơpă, na inh băt tôm tơdrong tơmam sa, ưh kơ đei tơmam sa ayơ bơ̆n sa khan yoch. Đơ̆ng đon bơ̆n tơchĕng khan yoch đĕch na jing yoch.

Rom 14:5

Na tơdrong âu dơ̆ng: Đei lu buăl bơ̆n bơngai lui mơ'nah khan, mưh trŏ kơ năr giĕng pơm giĕng, athei oei pơdơh kiơ̆ kơ bơngai Juđê juăt sơ̆. Mă-lei lu buăl nai mơ'nah khan năr noh lei-lăi kơ năr nai đĕch, ưh kơ đei khan năr giĕng ôh. Tơdrong noh gô mơ̆ng kơ bơ̆n tơchĕng kơdih mă-lei bơ̆n athei tơchĕng mă nhên 'mơ̆i na băt kơ năr giĕng tơpă dah ưh, gơh oei kiơ̆ dah ưh.

Rom 15:14

Ơ 'nhŏng oh bơngai Rôm, inh băt mơ̆n iĕm đei đon lui tơpăt na iĕm băt tơgŭm dih băl păng inh băt kơ iĕm hlôh tôm tơdrong 'Bok Kei-Dei na gơh bơtho dih băl tơduă iĕm.

Rom 4:21

Sư băt tơpă 'Bok Kei-Dei gô pơm 'blep thoi Sư pơkă wă ăn kơ sư.

Rom 8:38

Na dang ei inh băt tơpă boih, mă đei tơdrong kiơ kiơ truh kơ bơ̆n, 'Bok Kei-Dei Sư oei 'mêm kơ bơ̆n hơnơ̆ng đĕch, yua kơ bơ̆n băt kơ Kră Yang bơ̆n Yêsu Krist 'mêm kơ bơ̆n tơgŭm bơ̆n lăm tôm tơdrong. Mă bơ̆n lôch, mă bơ̆n oei arih, 'Bok Kei-Dei Sư 'mêm kơ bơ̆n ling-lang tơpă. Na mă linh jang, mă yang kơnê̆, mă yang kiơ wă tơgar iŏk bơ̆n đơ̆ng 'Bok Kei-Dei 'mêm kơ bơ̆n ưh kơ kĕ ôh. Mă tơdrong truh kơ bơ̆n kơnh pơgê, dah layơ Sư ưh kơ lê̆ ôh, Sư wei-lăng lu bơ̆n tơpă.

II Kor 6:6

nhôn pơm 'lơ̆ng ling-lang, wă kơ đĭ-đăng bơngai băt kơ nhôn bơngai jang 'lơ̆ng jang tơpăt. Nhôn hlôh hlăi tơdrong 'Bok Kei-Dei thoi yơ, nhôn pơm kiơ̆ thoi ei; mă đe pơm kơnê̆ kơ nhôn, nhôn ưh kơ pơm tơwih ôh; nhôn dui jơhngơ̆m tai, wă kơ dim ling-lang. Nhôn gơnang kơ Yang Bơhngol 'Lơ̆ng tơgŭm nhôn pơm 'lơ̆ng. Nhôn bơngai 'mêm kơ bôl buăl tơpă ưh kơ sĭ chă pơpơm đĕch ôh;

I Tim 1:5

Inh athei ih khă lu sư thoi noh wă kơ lu sư đei đon 'lơ̆ng tơpăt, hăm lui mă trŏ, thoi noh na sư gơh 'mêm kơ 'Bok Kei-Dei hăm bôl buăl tơ ala teh âu mơ̆n.

I Tim 4:6

Dah ih bơtho lu bơngai lui tơdrong Yêsu Krist kiơ̆ thoi inh pơkă, lei đe băt kơ tơdrong jang ih âu 'lơ̆ng dêh păng đe băt kơ ih lui kơjăp tơdrong 'Bok Kei-Dei khŏm khŏm kư̆m thoi ih lui đơ̆ng blŭng sơ̆ khơ̆ dang ei.

II Tim 1:12

Yua kơ inh bơtho tơdrong 'noh yơh na dang ei inh đei tơdrong pơmat-tat âu. Mă-lei inh ưh kơ mơlâu kơ đe ôh yua kơ inh băt kơdih inh lui kơ Kră Yang păng inh băt Sư tơgŭm inh jang tơdrong Sư khŏm khŏm truh năr Yêsu Krist jur tơ teh âu ning-mônh dơ̆ng.

II Tim 3:15

Đơ̆ng ih oei iĕ sơ̆ ih pơhrăm sơ̆p hla bơar tơdrong 'Bok Kei-Dei. Sơ̆p hla bơar Sư boih ăn kơ bơ̆n băt tơdrong Sư pơklaih bơ̆n đơ̆ng tơdrong yoch yua kơ bơ̆n lui kơ Kră Yang Yêsu Krist.

Hêbrơ 11:13

Đĭ kơ hnam dơnŏ sư oei chang gô truh kơ lôch. Lu sư ưh tam đei tôm tơdrong 'Bok Kei-Dei pơkă, mă-lei dang lu sư 'bôh lê̆ boih, lu sư hiôk tơpă, mă khan sư oei tơ noh dang kơ bơngai tơmoi. Lu sư roi kơ đe kư̆m thoi noh, lu sư oei tơ noh dang kơ bơngai tơmoi.

Hêbrơ 6:9

Ơ 'nhŏng oh mă nhôn 'mêm kơeng, nhôn pơma pơtrŏ đĕch nhôn pơma thoi noh, mă tơpă nhôn băt kơ iĕm pơm 'lơ̆ng pơm trŏ, yua kơ iĕm hơdai wă kơ 'Bok Kei-Dei iŏk iĕm.

I Pet 1:22

Bơ̆n chu lui kơ tơdrong 'Bok Kei-Dei boih, bơ̆n băt kơ lê̆ đĭ dôm tơdrong yoch, băt 'mêm mơnat kơ bôl buăl 'nhŏng oh bơngai lui. Bơ̆n athei iŏk tơdrong 'mêm mơnat dih băl ling-lang khŏm khŏm hăm đĭ jơhngơ̆m.