II Tim 1:4 - Sơ̆p Hlabơar Nơ̆r 'Bok Kei-Dei

⁴ Inh oei 'blŏk mơ̆n kơ ih hmoi kơ inh hơtai ba wă tơklah dih băl sơ̆, na dang ei inh rơnguơ̆ dêh, inh wă kơ ba tơ'bơ̆p băl dơ̆ng na jơhngơ̆m inh hiôk.

II Tim 1:4 Iomraidhean Croise

Horiso 126:5

Bu rei adrĕch mă lĕch đak măt, Sư gô kĕch iŏk hăm hơri chơt hiôk.

Êsai 61:3

Wă ăn kơ lu bơngai ơh sơ'ngon oei tơ pơlei Siôn hơgăl pơkao tơplih kơ tơnuh tuh ăn đak 'bâu phu hiôk chơt tơplih kơ ơh sơ'ngon, pơhrŭk ăn ao bơnê ư-ang tơplih kơ jơhngơ̆m ơh klai. Đe gô krao sư tơm 'long kôih tơdrong tơpăt, 'long mă Kră Yang đei pơtăm bơih. Wă tơ'bôh tơdrong ư-ang Kră Yang.

Je 31:13

Lu adruh hle chơt hiôk suang pơplŏng, lu tơdăm păng lu kră drŏ-nglo kư̆m wang chơt hiôk; Inh gô tơplih tơdrong ơh sơ'ngon lu sư jing tơdrong chơt hiôk, Inh gô pơlung lu sư ăn kơ lu sư tơdrong chơt hiôk tơplih kơ tơdrong ơh sơ'ngon.”

Yo 16:22

Iĕm kư̆m thoi noh mơ̆n. Dang ei iĕm sơ'ngon. Mă-lei Inh gô tơ'bơ̆p iĕm dơ̆ng na jơhngơ̆m iĕm chhơp hiôk chơt tơpă, ưh kơ đei bu gơh pơm kơ iĕm sơ'ngon dơ̆ng.

Yo 16:24

Iĕm athei apinh 'Bă Inh, thoi âu: Yua kơ nhôn lui kơ Kon Ih Yêsu na nhôn apinh Ih wă kơ Ih ăn kơ nhôn tơdrong noh. Iĕm apinh Sư thoi noh, gô đei kơ iĕm tơpă. Thoi noh na iĕm chơt hiôk chhơp kơ jơhngơ̆m iĕm tơpă. Mă-lei đơ̆ng sơ̆ khơ̆ dang ei iĕm tam mă krao khan apinh Sư thoi noh 'mơ̆i.

Jang 20:19

Iĕm băt thoi yơ inh pơm đĭch đam 'Bok Kei-Dei bơ̆jang tơdrong sư. Inh ưh kơ pơ̆n pơang akâu kơdih ôh. Inh 'bôh đe ưh kơ lui kơ Kră Yang Yêsu inh kư̆m nhơ̆m hmoi ơh kơdih akâu inh mơ̆n. Na lu bơngai Juđê kư̆m wă rôp pơrăm lê̆ inh.

Jang 20:31

Na iĕm athei kơchăng. Iĕm 'nĕ kơ hiơt kơplah măng năr inh bơtho iĕm lăm pêng sơnăm sơ̆. Inh kư̆m nhơ̆m hmoi ơh yua kơ iĕm, hli kơ iĕm lui ưh kơjăp.

Rom 1:11

Inh 'maih năm tơ iĕm dêh, wă kơ inh gơh tơgŭm iĕm lui kơ 'Bok Kei-Dei rai kơjăp hloh.

Philip 1:8

'Bok Kei-Dei băt mơ̆n inh 'mêm kơ iĕm, kư̆m thoi Yêsu Krist 'mêm kơ iĕm.

Philip 2:26

Na dang ei inh tơchĕng trŏ kơ ăn kơ sư brŏk, yua kơ sư kư̆m rơnguơ̆ kơ iĕm boih. Păng sư nŏng kơ tơchĕng kơ iĕm, hli kơ iĕm ngêh kơ sư oei jĭ thoi ki.

I Tes 2:17

Ơ 'nhŏng oh, iĕm kư̆m băt hơtai nhôn jăk đơ̆ng iĕm truh dang ei tam mă đunh mơ̆n, mă-lei lu nhôn rơnguơ̆ dêh kơ lu iĕm. Na nhôn wă khŏm năm tơ iĕm dơ̆ng.

II Tim 4:21

Apinh ih adrin năm tơ inh hơdrol kơ bơyan tơngiĕt hŏ. Ôbil, Pơden, Lin, yă Klôđia păng đĭ-đăng 'nhŏng oh bơngai lui đei nơ̆r jet gia ih.

II Tim 4:9

Ih adrin năm tơ inh mă kuăng hŏ, yua kơ Đêmas sư 'mêm kơ akâu sư kơdih dang ei đĕch na sư achăng lê̆ inh năm tơ Pơlei Têsalônik. Krêsen năm tơ dêh char Galati boih păng Tĭt, sư năm tơ dêh char Đamatia.

I Yo 1:4

Nhôn chih kơ iĕm dôm tơdrong lăm kơthơ âu wă kơ đĭ-đăng kơ bơ̆n hiôk hơiă tơpă.

Tơdrông Tơ'bôh 21:4

'Bok Kei-Dei sut pơgoh đak măt lu sư, lu sư ưh pă lôch dơ̆ng, lu sư ưh pă đei tơdrong nhơ̆m hmoi ơh sơ'ngon dơ̆ng ôh, ưh pă đei tơdrong jĭ jăn păn hnong, yua kơ chăl arih so hiong tôch boih.”

Tơdrông Tơ'bôh 7:17

Kon Triu oei hơdai Pơtao bơ̆n 'Bok Kei-Dei, Sư wei-lăng lu đe noh, anhăk ba lu sư truh boih tơ tu đak mă ăn kơ kon bơngai arih ling-lang. 'Bok Kei-Dei sut đak măt lu sư huay pă nhơ̆m hmoi boih.”