II Tim 1:3 - Sơ̆p Hlabơar Nơ̆r 'Bok Kei-Dei

³ Inh lui kơ 'Bok Kei-Dei trŏ thoi Sư wă, na inh ưh kơ hli. Lu 'bok kơdră inh lui sơ̆ thoi noh mơ̆n. Na inh krao khan kơ 'Bok Kei-Dei ling-lang wă kơ Sư tơgŭm ih păng inh kư̆m bơnê kơ Sư yua kơ ih lui kơjăp.

II Tim 1:3 Iomraidhean Croise

Luka 2:37

Na sư adro oei oăi minh drô̆ truh kơ sư tơhngam-jĭt puăn sơnăm boih. Na sư ưh pă đei lĕch ngôi đơ̆ng hnam akŭm 'Bok Kei-Dei tơm boih. Sư oei lăm noh, sư ơ̆t kơ por krao khan măng năr.

Jang 22:3

“Inh 'nâu bơngai Juđê tơpă. Mĕ inh tơpŭ kơ inh sơ̆ tơ Pơlei Tarsơ dêh char Salisia. Hơtai inh oei 'lơ̆p sơ̆ inh oei tơ Pơlei Jêrusalem âu. Inh năm hŏk pơhrăm tơ 'bok thây Gemel. Inh pơhrăm tôm tơdrong juăt lu 'bok kơdră bơ̆n sơ̆. Inh hăt kơ kiơ̆ tôm tơdrong 'Bok Kei-Dei kư̆m lei-lăi thoi lĕ kơ đĭ-đăng lu iĕm dang ei mơ̆n.

Jang 23:1

Pôl hue lăng lu kră sek tơlang na khan: “Ơ lu 'nhŏng oh, đơ̆ng sơ̆ khơ̆ dang ei inh pơm tơpăt, na jơhngơ̆m inh ưh kơ hli 'bơ̆t anăp 'Bok Kei-Dei.”

Jang 24:14

Mă-lei pôm lu tơdrong âu inh pơm tơpă: Đơ̆ng sơ̆ lu 'bok kơdră nhôn lui kơkuh kơ 'Bok Kei-Dei. Inh kư̆m lui kơ 'Bok Kei-Dei mơ̆n kiơ̆ kơ Tơdrong 'Nao 'Lơ̆ng Sư. Lu bơngai Juđê khan tơdrong 'noh ưh kơ trŏ kơ tơpă ôh. Mă-lei inh lui kơ đĭ-đăng dôm tơdrong chih lăm sơ̆p hla bơar tơdrong juăt Môis hăm lu bơngai pơtruh nơ̆r 'Bok Kei-Dei sơ̆.

Jang 24:16

Inh ling-lang adrin wă kơ đei jơhngơ̆m 'lơ̆ng 'bơ̆t anăp 'Bok Kei-Dei hăm kon bơngai.

Jang 26:4

“Đĭ-đăng bơngai Juđê băt kơ inh arih thoi yơ mă inh oei 'lơ̆p sơ̆ khơ̆ dang ei, mă tơ dêh char inh, mă tơ Pơlei Jêrusalem.

Jang 27:23

Inh lui kơkuh kơ Kră Yang 'Bok Kei-Dei, Sư kư̆m wei-lăng inh mơ̆n. Măng hei linh jang 'lơ̆ng đơ̆ng 'Bok Kei-Dei năm tơ inh păng khan: ‘Ơ Pôl, ih 'nĕ pă hli. Ning-mônh ih gô dơ̆ng 'bơ̆t anăp pơtao tơm bơngai Rôm tơpă. 'Bok Kei-Dei kư̆m mơnat kơ đĭ-đăng lu bơngai năm hơdai hăm ih mơ̆n na lu sư kư̆m huay kơ lôch.’

Rom 9:1

Inh wă roi kơ iĕm gah tơdrong 'nhŏng oh inh khŭl Isơrael. Inh sơ'ngon dêh yua kơ lu sư ưh kơ lui kơ Yêsu. Inh roi kơ iĕm tơdrong 'nâu inh roi tơpă, inh bơngai kiơ̆ Yêsu Krist ưh kơ anul ôh. Yua kơ Yang Bơhngol 'Lơ̆ng oei lăm inh, thoi yơ inh gơh anul?

II Kor 1:12

Tơdrong nhôn hiôk, nhôn hiôk yua kơ tơdrong âu: Jơhngơ̆m đon nhôn mơn kơdih nhôn pơm 'lơ̆ng kơ đĭ-đăng bơngai; mă loi pơm 'lơ̆ng pơm tơpăt hăm iĕm. Mă-lei nhôn ưh kơ bơnê kơ akâu nhôn kơdih hơgei ôh, nhôn bơnê kơ 'Bok Kei-Dei tơgŭm nhôn pơm 'lơ̆ng thoi noh.

Galati 1:14

Inh kiơ̆ tơdrong juăt bơngai Juđê sơ̆, iung lu jơhnơr nhôn pôm inh jang kơtang hloh kơ lu sư. Inh adrin tơpă kiơ̆ tơdrong juăt lu yă 'bok nhôn sơ̆.

I Tes 3:10

Nhôn krao khan kơ 'Bok Kei-Dei ling-lang hăm đĭ jơhngơ̆m nhôn wă apinh Sư ăn kơ nhôn năm tơ iĕm dơ̆ng, wă bơtho iĕm wă kơ iĕm lui rai pran rai kơjăp.

I Tim 1:19

păng wă kơ ih lui kơjăp khŏm khŏm pơm đon 'lơ̆ng tơpăt kơ 'Bok Kei-Dei hăm đĭ-đăng bơngai. Đei lu bơngai mơ'nah hŭt lê̆ đon 'lơ̆ng sư kơdih na jing hŭt lê̆ tơdrong lui sư mơ̆n.

I Tim 1:5

Inh athei ih khă lu sư thoi noh wă kơ lu sư đei đon 'lơ̆ng tơpăt, hăm lui mă trŏ, thoi noh na sư gơh 'mêm kơ 'Bok Kei-Dei hăm bôl buăl tơ ala teh âu mơ̆n.

I Tim 5:5

Bơngai adro tơpă ưh kơ đei bu wă 'me sư na sư lui kơ 'Bok Kei-Dei gô tơgŭm sư. Sư krao khan kơ 'Bok Kei-Dei ling-lang apinh Sư tơgŭm.

II Tim 1:5

Inh băt kơ ih lui kơjăp tơpă, kư̆m lei-lăi thoi yă ih Lôih păng mĕ ih Eunik lui sơ̆ mơ̆n. Na dang ei inh băt kơ ih lui kơjăp thoi sư sơ̆ tơpă.

II Tim 3:15

Đơ̆ng ih oei iĕ sơ̆ ih pơhrăm sơ̆p hla bơar tơdrong 'Bok Kei-Dei. Sơ̆p hla bơar Sư boih ăn kơ bơ̆n băt tơdrong Sư pơklaih bơ̆n đơ̆ng tơdrong yoch yua kơ bơ̆n lui kơ Kră Yang Yêsu Krist.

Hêbrơ 13:8

Gah Yêsu Krist sư oei hơnơ̆ng ling-lang, mă đơ̆ng sơ̆ khơ̆ dang ei truh tơ ning-mônh.

I Sam 12:23

Gah inh, inh ưh kơ pơdơh kơ krao khan kơ iĕm. Wă kơ inh huay kơ pơm yoch hăm Kră Yang. Inh gô bơtho tơ'bôh lu iĕm băt kơ trong 'lơ̆ng păng tơpăt.