II Tim 1:13 - Sơ̆p Hlabơar Nơ̆r 'Bok Kei-Dei

¹³ Ih athei pơm kiơ̆ dôm tơdrong 'lơ̆ng inh bơtho ih păng ih kư̆ lui mă kơjăp băt 'mêm mơnat kơ bôl buăl. Yêsu Krist gơh ăn kơ bơ̆n lui kơjăp păng 'mêm mơnat kơ đe.

II Tim 1:13 Iomraidhean Croise

Tơdrông Pơđơk 23:23

Răt bĕ tơdrong sĭt tơpă, 'nĕ kơ tĕch lê̆. Iŏk tơdrong hơgei wei nơ̆r bơtho pơhrăm păng hlôh wao,

Tơdrông Pơđơk 3:18

Tơdrong gơh hơgei sư jing minh tơnơm 'long arih kơ bơngai bu đei rôp sư; Bơngai bu đei rôp sư kơjăp jô̆ bơngai pŭn hiôk tơpă.

Tơdrông Pơđơk 3:21

Ơ dăm wei răk bĕ tơdrong gơh hơgei, păng tơdrong băt đon tơchĕng, 'Nĕ ăn măt ih weh ataih đơ̆ng tơdrong noh.

Tơdrông Pơđơk 4:13

Rôp kơjăp bĕ tơdrong bơtho khan, 'nĕ kơ achăng lê̆; Bơwei sư, yua kơ noh boih tơdrong arih ih.

Tơdrông Pơđơk 8:14

Tơdrong pơgơ̆r, gơh hơgei noh gah Inh. Inh đei pran kơtang.

Rom 2:20

Iĕm bơtho lu bơngai ưh kơ hlôh păng lu bơngai oei moh. Păng iĕm băt tôm tơdrong hla bơar 'Bok Kei-Dei pơma trŏ tơpă.

Rom 6:17

Sơ̆ iĕm đĭch gah tơdrong yoch ră, mă-lei bơnê kơ 'Bok Kei-Dei pơklaih iĕm rơngei boih yua kơ iĕm lui kơ tơdrong đe bơtho hăm đĭ jơhngơ̆m klơm klak.

Philip 1:27

Mă-lei iĕm athei lui mă kơjăp, pơm kiơ̆ mă 'blep trŏ thoi tơdrong Yêsu Krist. Thoi noh na mă inh gơh năm tơ iĕm, mă ưh, inh gô kơtơ̆ng tơdrong iĕm lui kơjăp pơgơ̆p băl minh jơhngơ̆m minh đon jang tơdrong Yêsu Krist na jơhngơ̆m inh hiôk.

Philip 4:9

Iĕm athei pơhrăm iŏk dôm tơdrong inh bơtho iĕm mă iĕm kơtơ̆ng boih noh păng iĕm 'bôh boih tơdrong inh pơm, thoi noh na 'Bok Kei-Dei oei hơdai iĕm, ăn kơ iĕm oei hiôk ling-lang.

Kôlôsê 1:4

yua kơ nhôn kơtơ̆ng tơdrong iĕm lui kơ Yêsu Krist kơjăp, hăm băt 'mêm mơnat kơ đĭ-đăng lu kon 'Bok Kei-Dei.

I Tes 5:21

Iĕm athei tơchĕng lăng tôm tơdrong, dôm tơdrong trŏ iĕm chhŏ iŏk.

I Tim 1:10

lu bơngai ngôi pơyô kư̆ kă, lu bơngai tơduă drŏ-nglo tơngôi băl, lu bơngai chă rôp tĕch đe, lu bơngai chă hơlĕnh kơ đe, lu bơngai jâu pơlơ̆m kơ đe, hăm dôm lu bơngai hŭt lê̆ tơdrong 'lơ̆ng tơpăt.

I Tim 1:14

Kră Yang bơ̆n Yêsu Krist 'mêm mơnat kơ inh tơpă ăn kơ inh lui kơ Sư păng ăn kơ inh 'mêm kơ Sư hăm đĭ-đăng bơngai. Sư kư̆m ăn kơ đĭ-đăng bơngai lui lei-lăi mơ̆n.

I Tim 6:3

Bơngai bu bơtho chroih tơ nai ưh kơ 'blep trŏ thoi Kră Yang bơ̆n Yêsu Krist bơtho, tơdrong sĭt tơpă na bơ̆n lui âu, bơngai 'noh sư chă pơang akâu kơdih sư đĕch. Sư kơkal 'bơ̆r rơkah, sư ưh kơ pơwao akâu kơdih wă pơma thoi yơ. Sư 'maih chă pơjah pơjăng đĕch, sư chă pơma kơ bôl buăl sư, sư pơjah pơjăng dih băl păng che bơle, tơgar nơ̆r pơma, bu kư̆m wă kơ jei bu. Păng sư chă đăk đon kơdih khan đe wă pơm kơnê̆ kơ sư.

II Tim 1:1

Inh Pôl jơ̆ng 'bang Yêsu Krist chih hơpong kơ Timôthê. Hmach kơ ih, dăm. Ih kon inh mă 'mêm kơeng tơpă. Sơ̆ 'Bok Kei-Dei athei inh pơm jơ̆ng 'bang Yêsu Krist wă pơtruh nơ̆r pơkă khan: Yua kơ Yêsu Krist lôch tang kon bơngai na Sư gô ăn kon bơngai arih ling-lang. Inh krao khan apinh 'Bă tơm bơ̆n 'Bok Kei-Dei hăm Kră Yang bơ̆n Yêsu Krist wei-lăng ih tôm tơdrong. Apinh Sư mơnat kơ ih, hăm ăn kơ ih hiôk-hian ling-lang.

II Tim 1:14

Ih athei wei-lăng dôm tơdrong 'lơ̆ng 'Bok Kei-Dei ăn kơ ih. Yang Bơhngol 'Lơ̆ng oei păng bơ̆n, Sư gô tơgŭm wei-lăng tơdrong jang ih.

II Tim 2:2

Ih athei iŏk dôm nơ̆r ih mơ̆ng inh bơtho ih 'bơ̆t anăp đe tơpôl sơ̆, na ih bơtho dơ̆ng kơ lu bơngai mă lui kơjăp, na lu sư gô bơtho dơ̆ng kơ lu đe nai.

II Tim 3:14

Mă-lei gah ih, ih pơhrăm tơdrong 'Bok Kei-Dei boih păng ih kư̆m lui kơjăp kơ tơdrong 'Bok Kei-Dei đơ̆ng sơ̆ khơ̆ dang ei. Na dôm lu tơdrong 'Bok Kei-Dei noh ih athei rok mă tơpă khŏm khŏm. Păng ih kư̆m băt lu nhôn bơngai bơtho ih, nhôn bơngai thoi yơ.

II Tim 4:3

Ning-mônh đei lơ bơngai ưh pă wă mơ̆ng tơdrong 'Bok Kei-Dei. Đe wă kiơ̆ gah tơdrong kư̆ kă sư kơdih đĕch, na lu sư chă bơngai bơtho sư kiơ̆ kơ sư wă mơ̆ng đĕch, ưh pă kiơ̆ tơdrong 'Bok Kei-Dei dơ̆ng.

Tit 1:9

sư bơtho tơdrong 'Bok Kei-Dei 'blep trŏ nơ̆r 'Bok Kei-Dei tơpă. Thoi noh đe anăn sư gơh bơtho trŏ tơdrong 'Bok Kei-Dei păng sư gơh pơjah pơjăng păng lu bơngai mă ưh kơ lui ayăt tơdrong sư bơtho.

Tit 2:1

Mă-lei gah ih, athei bơtho tơdrong 'Bok Kei-Dei mă trŏ hŏ.

Tit 2:8

Dah ih bơtho trŏ đe ưh kơ gơh bâu roi ih ôh. Thoi noh na lu bơngai mă ayăt kơ bơ̆n, sư wă bâu roi pơjăm bơ̆n ră mă sư ưh kơ pơ̆n kơlih kơ bơ̆n tơpăt. Dah sư bâu roi bơ̆n mă bơ̆n ưh kơ đei pơm tơdrong yoch kiơ, noh sư mơlâu kơ đe hơ'măng.

Hêbrơ 10:23

Bơ̆n athei wei mă kơjăp tơdrong mă bơ̆n chang sơmĕng ei, 'nĕ kơ lui pơngiĕl Sư. Yua kơ dôm nơ̆r Sư pơkă ưh kơ lah tŭk minh nơ̆r.

Hêbrơ 3:6

Mă Yêsu Krist Sư kư̆m jang trŏ thoi 'Bok Kei-Dei pơkă mơ̆n, mă Sư jang wei-lăng đĭ-đăng kơ hnam dơnŏ 'Bok Kei-Dei hloi, yua kơ Sư Kon 'Bok Kei-Dei. Lu bơ̆n, tơ̆ng bơ̆n oei lui kơjăp, bơ̆n kư̆m hnam dơnŏ Sư mơ̆n, dah bơ̆n oei gơnang kơ Sư tơgŭm bơ̆n khŏm khŏm.

Hêbrơ 4:14

Bơ̆n đei minh 'nu 'bok soi tih wei-lăng bơ̆n, Sư tŏk ưh kơ băt hơdôm tăl plĕnh, anăn Sư Yêsu Kon 'Bok Kei-Dei; noh na bơ̆n athei lui kơ Sư khŏm khŏm.

Ju 1:3

Ơ 'nhŏng oh mă inh 'mêm kơeng, ki inh wă chih kơ iĕm kơthơ ră, chih hơpong gah tơdrong 'Bok Kei-Dei pơklaih bơ̆n jing hiôk chơt. Mă-lei dang ei inh kơtơ̆ng đei tơdrong khan đe wă pơhlŭ iĕm, na dang ei inh jing chih pơlung iĕm, wă kơ iĕm adrin 'biơ̆ păng lui mă kơjăp, kiơ̆ dôm tơdrong 'Bok Kei-Dei tơbăt ăn kơ lu bơ̆n kon Sư. Dôm tơdrong Sư tơbăt tôm boih, ưh kơ layơ tơplih dơ̆ng. Thoi noh na iĕm athei pơjah pơjăng păng lu bơngai mă pơhlŭ pơlung iĕm noh 'biơ̆.

Tơdrông Tơ'bôh 2:25

Inh wă kơ iĕm kư̆ kơ lui kơjăp khŏm khŏm truh tơ năr Inh jur ning-mônh.

Tơdrông Tơ'bôh 3:11

Ưh kơ đunh ôh Inh wă jur dơ̆ng. Dang ei iĕm lui kơjăp boih, iĕm 'nĕ kơ achăng lê̆ dôm tơdrong Inh, wă kơ Inh huay kơ iŏk agăl pơkao iĕm, ăn kơ bơngai nai.

Tơdrông Tơ'bôh 3:3

Thoi noh na iĕm athei 'blŏk hơdơ̆r kơ dôm tơdrong iĕm kơtơ̆ng đe bơtho iĕm sơ̆ thoi yơ, iĕm athei pơm kiơ̆ thoi noh păng tơbral kơdih dôm tơdrong yoch mă iĕm juăt kơ pơm. Dah iĕm ưh kơ adrin pơjăng 'biơ̆, lei Inh gô năm tơ iĕm thoi bơngai tơtông kơmăng, pơm kơ iĕm đei tơdrong gleh truh kơplah iĕm ưh kơ lêng ê.