II Tes 3:9 - Sơ̆p Hlabơar Nơ̆r 'Bok Kei-Dei

⁹ Dah nhôn wă, iĕm gơh 'me nhôn mơ̆n kơlih kơ nhôn bơngai bơtho iĕm. Sơmă nhôn ưh kơ wă ôh, nhôn wă jang sa kơdih đĕch wă kơ iĕm jang sa kơdih lei-lăi thoi nhôn mơ̆n.

II Tes 3:9 Iomraidhean Croise

Mathiơ 10:10

'Nĕ kơ chĕp kơdŭng tah tơmam, dah hrŭk 'bar blah ao, dah chĕp hiă chơkhŏ, dah 'long jra, yua kơ iĕm dang bơngai jang sa apah, iĕm jang tơgŭm đe, đe 'me sa iĕm.

Yo 13:15

Inh ôp jơ̆ng iĕm noh, Inh pơm tơ'bôh kơ iĕm hơdrol wă kơ iĕm pơm kiơ̆ dih băl thoi noh.

I Kor 4:16

Thoi noh na inh wă kơ iĕm pơm kiơ̆ kơ inh.

Galati 6:6

Gah lu 'bok thây mă bơtho tơdrong 'Bok Kei-Dei kơ lu bơ̆n, bơ̆n athei tơgŭm asong sư tơmam bơ̆n.

I Tes 2:6

Nhôn bơtho iĕm ki ưh kơ sĭ nhôn wă kơ iĕm dah đe nai ư-ang kơ nhôn hơgei ôh. Mưh nhôn wă, pôm tơdrong sŏng sa đĕch iĕm gơh mơnat ăn kơ nhôn yua kơ nhôn jơ̆ng 'bang Yêsu Krist, mă-lei nhôn ưh kơ wă kơ iĕm mơnat ăn kơ nhôn tơmam sa ôh.

II Tes 3:7

Iĕm kư̆m băt mơ̆n, iĕm athei jang pơnam thoi nhôn, nhôn ưh kơ wă alah ôh. Hơtai nhôn oei hăm lu iĕm ki, nhôn jang kơtang tơpă.

I Pet 2:21

'Bok Kei-Dei krao iŏk bơ̆n wă kơ bơ̆n iŏk jơhngơ̆m đon dim gơh găt kuă ăn pơm kơnê̆ kơ đe mă khan đe pơm kơnê̆ kơ bơ̆n. Yêsu Krist đei tơdrong gleh pơmat-tat thoi noh mơ̆n sơ̆ yua wă tơgŭm bơ̆n. Mă-lei Sư ưh kơ đei pơm kơnê̆ kơ đe ôh, Sư pơm trong wă kơ bơ̆n rok kiơ̆ Sư.

I Pet 5:3

Mă-lei iĕm 'nĕ kơ pơgŏ pơđep lu sư, mă khan 'Bok Kei-Dei pơjao lu sư kơ iĕm. Iĕm athei pơm mă 'lơ̆ng dang pơm trong kơ lu sư wă kơ lu sư gơh kiơ̆ iĕm.