II Tes 3:5 - Sơ̆p Hlabơar Nơ̆r 'Bok Kei-Dei

⁵ Nhôn krao khan kơ Sư apinh Sư ăn kơ iĕm đei đon 'mêm kơ 'Bok Kei-Dei păng apinh Sư ăn kơ iĕm adrin lui kơjăp lăm dôm tơdrong pơmat-tat kư̆m thoi Kră Yang Yêsu Krist adrin hơtai Sư oei tơ ala teh âu sơ̆ mơ̆n.

II Tes 3:5 Iomraidhean Croise

I Pot 8:58

Apinh Sư tơgŭm bơ̆n năm jê̆ Sư wă kơ lu bơ̆n năm kiơ̆ trong Sư, wei răk nơ̆r sư tơtă, tơdrong juăt Sư păng nơ̆r Sư bơtho tơtă, mă Sư bơtho kơ lu 'bok bơ̆n sơ̆.

I Ho 29:18

Ơ Kră Yang 'Bok Kei-Dei Abraham, Isăk păng Isơrael, yă 'bok lu nhôn apinh Ih ăn kơ kon pơlei ih wei răk ling-lang lăm Jơhngơ̆m đon 'lơ̆ng păng pơm ăn lăm Jơhngơ̆m lu sư chu kiơ̆ Ih.

Horiso 119:36

Apinh ăn kơ jơhngơ̆m inh tơchĕng kơ tơdrong juăt Ih. 'Nĕ ăn kơ inh tơchĕng kơ tơdrong lơi kơdih akâu.

Horiso 119:5

Ô! Rŏ kơ trong inh gơh kơjăp; Wă kơ inh kĕ kiơ̆ khôi juăt Ih!

Horiso 40:1

Inh adrin chang gô Kră Yang. Sư pơgling đon mơ̆ng nơ̆r inh krao ôr.

Tơdrông Pơđơk 3:6

'Blŏk băt bĕ kơ Kră Yang lăm rim trong ih pơm, Na sư gô pơm kơ trong ih tơpăt.

Je 10:23

Ơ Kră Yang! Inh băt kon bơngai ưh kơ gơh pơm yŏng kơ sư kơdih, Kŭm ưh kơ gơh bơwei kơnao yak lu sư kơdih mơ̆n.

Je 31:33

“'Nâu mă nơ̆r Inh gô pơgơ̆p hăm adrĕch Isơrael đơ̆ng rŏng kơ năr noh kơnh,” Kră Yang khan. “Inh gô 'măn tơdrong juăt Inh tơ lăm kơ̆l 'ngok lu sư; păng chih tơdrong juăt Inh tơ lăm jơhngơ̆m lu sư. Inh Kră Yang 'Bok Kei-Dei lu sư na lu sư jing kon pơlei pơla Inh.”

Nhom 3:26

'Lơ̆ng dêh bơngai bu chang gô păng kĕ ĕnh gô tơdrong dŏng pơklaih đơ̆ng Kră Yang.

Rom 5:5

Bơ̆n băt kơ tơdrong bơ̆n chang gô noh ưh kơ jor ôh, yua kơ 'Bok Kei-Dei ăn kơ bơ̆n Yang Bơhngol 'Lơ̆ng Sư, na Yang Bơhngol 'Lơ̆ng Sư ăn kơ bơ̆n băt 'Bok Kei-Dei 'mêm kơ bơ̆n tơpă.

Rom 8:25

Yua kơ tơdrong tam mă 'bôh na bơ̆n chang gô khŏm khŏm dĭng 'bôh.

Rom 8:28

Bơ̆n 'bôh bơngai bu mă 'mêm kơ 'Bok Kei-Dei, bơngai noh 'Bok Kei-Dei rơih iŏk lui kơ Sư, lu bơngai thoi noh boih, mă sư tơ'bơ̆p tơdrong kiơ, bơ̆n băt kơ 'Bok Kei-Dei ăn kơ sư hiôk ngăl.

I Kor 8:3

Bơngai bu 'mêm kơ 'Bok Kei-Dei, 'Bok Kei-Dei rơih iŏk sư boih.

Galati 5:22

Mă-lei plei Yang Bơhngol 'Lơ̆ng đei: 'Mêm mơnat, chơt hiôk, hơđơ̆ng, kĕ chơ̆n, gơh tơgŭm, iơ̆m dim, tơnăp,a

Both 30:6

Kră Yang 'Bok Kei-Dei gô ăn kơ bơ̆n păng kon sâu lu bơ̆n đei jơhngơ̆m rơmuăn băt chu yom, wă kơ iĕm đĭ jơhngơ̆m klơm klak 'mêm yom kơ Kră Yang 'Bok Kei-Dei, wă kơ gơh arih.

I Tes 1:10

Păng iĕm chang gô Kon Sư jur đơ̆ng plĕnh pă minh 'măng dơ̆ng. Yêsu boih Kon Sư; 'Bok Kei-Dei tơiung arih Sư đơ̆ng lôch. Yêsu boih dŏng pơklaih bơ̆n đơ̆ng tơdrong phak ning-mônh.

I Tes 1:3

Nhôn oei 'blŏk hơdơ̆r ling-lang kơ iĕm lui kơjăp kơ Kră Yang Yêsu Krist, iĕm gơh 'mêm kơ Sư păng 'mêm mơnat kơ bôl buăl păng jang gleh tơpă tơdrong Sư. Nhôn oei 'blŏk hơdơ̆r kơ iĕm mơ̆n, iĕm đei tơdrong gleh pơmat-tat, iĕm oei khŏm adrin 'mơ̆i, yua kơ iĕm chang gô Kră Yang Yêsu Krist jur tơ ala teh âu dơ̆ng. 'Bă tơm bơ̆n 'Bok Kei-Dei kư̆m 'bôh mơ̆n dôm lu tơdrong iĕm jang kơ Sư 'noh.

I Tes 3:11

Nhôn krao khan kơ 'Bă tơm bơ̆n 'Bok Kei-Dei hăm Kră Yang Yêsu apinh Sư pơchoh kơ nhôn trong gơh năm tơ iĕm.

II Tim 4:8

Pơtih gia lu bơngai kơdâu pơjei, dah jei bu đe apah agăl pơkao. Kră Yang Yêsu Krist sek tơlang tơpăt, thoi noh na ning-mônh Sư wă jur tơ ala teh pă 'măng dơ̆ng na Sư wă ăn apah kơ inh. Tơdrong apah ei Sư wă ăn kơ đĭ-đăng bơngai 'lơ̆ng tơpăt, dôm lu bơngai 'mêm kơ Sư păng chang gô Sư wă jur dơ̆ng tơ teh.

Tit 2:13

kơplah bơ̆n chang gô Kră Yang Yêsu Krist mă tih hloh. Sư boih 'Bok Dŏng Pơklaih bơ̆n, Sư wă jur tơ ala teh dơ̆ng. Năr ei kơnh bơ̆n gô 'bôh Sư hlĭch tơpă, akâu Sư 'bak 'lơ̆ng rŏ hloh kơ đĭ-đăng bơngai ala teh, na jơhngơ̆m bơ̆n hiôk chơt păng Sư.

Hêbrơ 9:28

Kư̆m thoi noh Yêsu jur lôch minh 'măng noh sơ̆ wă pơrăm tôm tơdrong yoch hloi. Mă pă 'măng Sư jur Sư ưh pă pơrăm tơdrong yoch boih, Sư jur wă iŏk dôm lu bơngai mă oei chang gô Sư dang ei.

Ya 2:5

Ơ lu 'nhŏng oh mă inh 'mêm, mơ̆ng bĕ: 'Bok Kei-Dei rơih lu bơngai dơnuh hin mă oei tơ ala teh âu, wă kơ lu sư mơdrŏng kơ tơdrong lui gơh oei tơ dêh char Sư, kư̆m thoi Sư wă ăn kơ dôm lu bơngai mă 'mêm kơ Sư.

I Pet 4:1

Yêsu Krist iŏk kơdih tơdrong pơmat-tat yua kơ bơ̆n, na bơ̆n kư̆m chu iŏk tơdrong pơmat thoi Sư mơ̆n. Bơngai bu chu iŏk tơdrong pơmat, bơngai noh ưh pă pơm yoch boih.

II Pet 3:12

kơplah bơ̆n oei chang gô Sư wă pơrăm jơ̆p teh đak ei. Bơ̆n athei kiơ̆ tơdrong Sư mă tơpă, na tơdrong ei dah truh. Năr ei boih, năr 'Bok Kei-Dei wă pơrăm tih ăn ŭnh sa kơngla kơdơ̆r, plĕnh gô lek hiong đĭ, lu sơnglŏng, khei kư̆m hiong hiach pă 'bôh kiơ.

I Yo 4:19

Bơ̆n 'mêm kơ 'Bok Kei-Dei kơlih kơ Sư 'mêm kơ bơ̆n adrol.

Tơdrông Tơ'bôh 1:9

Mă gah inh âu, anăn inh Yôhan 'nhŏng oh iĕm. Đĭ-đăng kơ bơ̆n pôm đon hăm Yêsu Krist, đĭ-đăng kơ bơ̆n mă iĕm mă inh tă ngăl đei tơdrong gleh truh, đĭ-đăng kơ bơ̆n đei minh 'nu Yêsu Krist pơgơ̆r wei-lăng. Bơ̆n adrin lui kơjăp mă khan đe areh kơ bơ̆n, thoi lĕ kơ inh đe phak oei tơ bŏl đak mă đe anăn bŏl đak Patmôs, yua kơ inh ră roi kơ đe nơ̆r 'Bok Kei-Dei păng tơdrong Yêsu.

Tơdrông Tơ'bôh 13:10

Bơngai bu trŏ kơ đe wă tah sư tơ lăm hnam phak sư athei chu kơ đe tah đĕch. Bơngai bu trŏ kơ đe pơlôch păng đao sư athei chu lôch kơ pla đao đĕch. Iĕm băt kơ thoi noh boih, na lu bơngai mă lui athei adrin gơnang kơ 'Bok Kei-Dei đĕch.