II Tes 3:3 - Sơ̆p Hlabơar Nơ̆r 'Bok Kei-Dei

³ Kră Yang bơ̆n pơm trŏ thoi Sư pơkă tơpă. Sư tơgŭm iĕm ling-lang. Sư ăn kơ iĕm lui kơ Sư kơjăp, Sư kuă ăn yang Satan pơrăm iĕm.

II Tes 3:3 Iomraidhean Croise

Bl 48:16

Linh jang đei dŏng pơklaih inh đơ̆ng tơdrong pơmat-tat, apinh Ih tuh ăn tơdrong pŭn hiôk kơ bre hơ'lơ̆p âu; wă pơtrơp ioi adrĕch inh păng 'bok yă inh Abraham hăm Isăk păng ăn kơ lu sư hrôh rai lơ jơ̆p-jang kơ teh đak!

I Ho 4:10

Jabes krao apinh Kră Yang 'Bok Kei-Dei Isơrael khan: “Ơ Kră Yang apinh Ih tuh ăn kơ inh pŭn hiôk pơih ăn hơdral teh đak inh mă să! Apinh ti mơsêh Ih oei hơdai inh, wei-lăng inh klaih đơ̆ng tơdrong răm pơmat-tat” Kră Yang 'Bok Kei-Dei ăn hloi thoi tơdrong sư krao apinh.

Horiso 121:7

Kră Yang wei-lăng ih huay kơ răm, Sư gô bơwei tơdrong arih ih.

Horiso 19:13

Apinh Kră Yang bơwei lu đĭch đam Ih huay kơ pơrơ̆ng pơm yoch,d 'Nĕ ăn tơdrong yoch noh pơgơ̆r inh; na Ih huay chrih kơ inh, Păng huay kơ pơm tơdrong yoch tih.

Mathiơ 5:37

Iĕm wă pơkă kơ đe tơdrong kiơ kiơ, iĕm athei pơkă mă tơpăt hăm 'bơ̆r hoh đĕch, 'nĕ pă pơkă pao anăn 'Bok Kei-Dei dah tơdrong kiơ kiơ nai. Dah iĕm pơkă kơ đe thoi noh hei, 'noh đơ̆ng yang kơnê̆ pơhlŭ iĕm pơm thoi noh đĕch.

Mathiơ 6:13

Apinh Ih 'nĕ ăn kơ nhôn lui kơ đe pơhlŭ pơlung. Apinh Ih dŏng pơklaih nhôn đơ̆ng tơdrong kơnê̆, kơlih kơ dêh char Ih, tơdrong mơsêh mơyang Ih, tơdrong 'lơ̆ng rŏ Ih oei tơ Ih ling-lang. A-men.’

Luka 11:4

Apinh Ih 'nĕ jô̆ yo kơ nhôn, thoi nhôn ưh kơ jô̆ yo kơ đe pơm yoch păng nhôn. Apinh Ih 'nĕ ăn kơ nhôn lui kơ đe pơhlŭ pơlung.’ ”

Yo 17:15

Inh ưh kơ apinh Ih iŏk lu sư đơ̆ng ala teh âu ôh, Inh apinh Ih wei-lăng lu sư mă kơjăp wă kơ lu sư hlôi đơ̆ng yang kơnê̆ Satan.

I Kor 1:9

'Bok Kei-Dei ling-lang pơm trŏ thoi Sư pơkă, na Sư gô tơgŭm iĕm tơpă păng Sư boih rơih iŏk iĕm pơgơ̆p hăm Kon Sư Yêsu Krist Kră Yang bơ̆n.

I Kor 10:13

Gah tơdrong đe pơhlŭ wă kơ iĕm kiơ̆ sư pơm yoch, lu 'nhŏng oh bơ̆n nai đe kư̆m pơhlŭ mơ̆n. Mă-lei 'Bok Kei-Dei wei-lăng bơ̆n, Sư ưh kơ ăn đe pơhlŭ bơ̆n truh tơ bơ̆n pơm tơdrong yoch ôh, Sư gô tơgŭm bơ̆n tơpă wă kơ bơ̆n huay kơ lui kơ đe pơhlŭ.

I Tes 5:24

'Bok Kei-Dei krao iŏk iĕm Sư wei-lăng iĕm tơpă kư̆m thoi Sư pơkă khan wă wei-lăng.

II Tes 2:17

Nhôn krao khan apinh Sư ăn kơ jơhngơ̆m iĕm hiôk chơt ling-lang păng ăn kơ iĕm nuih pran gơh pơm tôm tơdrong 'lơ̆ng tơpăt, nơ̆r pơma kư̆m athei pơma ling-lang mă tơpăt.

II Tim 4:18

Păng Sư gô dŏng inh đơ̆ng dôm tơdrong kơnê̆ na atŏk inh tơ dêh char Sư tơ plĕnh. Thoi noh inh wă ư-ang kơ Sư ling-lang ưh kơ layơ hiơt. A-men.

I Pet 5:10

Mă-lei 'Bok Kei-Dei krao iŏk bơ̆n Sư wă kơ bơ̆n oei hiôk hăm Sư ling-lang yua kơ bơ̆n lui kơ Yêsu Krist, na Sư ăn kơ bơ̆n pơmat tŏ sĕt đĕch ưh kơ đunh, Sư gô pơm kơ bơ̆n lui kơjăp jing bơngai tơpăt lăm tôm tơdrong. Yua kơ Sư mơnat na Sư tơgŭm bơ̆n tôm tơdrong thoi noh.

II Pet 2:9

Thoi noh bơ̆n băt nhên boih, 'Bok Kei-Dei băt, gơh pơklaih dôm lu bơngai kơkuh kơ Sư đơ̆ng tơdrong pơmat-tat; păng bơ̆n kư̆m băt Sư oei phak dôm lu bơngai pơm kơnê̆, truh tơ năr Sư wă sek tơlang ning-mônh.

Ju 1:24

Bơnê kơ 'Bok Kei-Dei, pôm Sư đĕch kĕ wei-lăng iĕm, huay ăn kơ iĕm lê̆ Sư, wă kơ iĕm dơ̆ng 'bơ̆t anăp Sư ning-mônh iĕm 'bôh Sư mơsêh mơyang, iĕm hiôk hơiă huay kơ hli kơ Sư, yua kơ iĕm ưh kơ đei tơdrong yoch.