II Tes 3:17 - Sơ̆p Hlabơar Nơ̆r 'Bok Kei-Dei

¹⁷ Kơthơ âu nơ̆r inh pơma, buăl inh chih. Lăp wă jê̆ tôch na ti inh chih kơdih boih. Thoi noh na iĕm băt kơnăl kơ kơthơ âu inh chih ăn kơ lu iĕm tơpă. Rim 'măng nhôn chih, lăp wă jê̆ tôch tơ ala kơthơ, inh kư̆m chih lei-lăi thoi noh mơ̆n.

II Tes 3:17 Iomraidhean Croise

Rom 16:22

Anăn inh Terruis, Pôl athei inh chih tơgŭm sư kơthơ âu, inh kư̆m hơdai jet gia đĭ-đăng kơ iĕm bơngai lui kơ Kră Yang Yêsu Krist tơ iĕm âu.

I Kor 16:21

Kơthơ âu nơ̆r inh pơma, buăl inh chih. Lăp wă jê̆ tôch na ti inh Pôl chih kơdih.

Kôlôsê 4:18

Kơthơ âu nơ̆r inh Pôl pơma, buăl inh chih; lăp wă jê̆ tôch na ti inh chih kơdih. Iĕm 'nĕ hiơt kơ inh, đe oei chô̆ hăm tơlei glang mam ling-lang. Inh apinh 'Bok Kei-Dei wei-lăng iĕm tôm tơdrong.

II Tes 1:5

Bơ̆n đei tơdrong gleh đe areh kơ bơ̆n kơlih kơ bơ̆n wă mơ̆t tơ dêh char Sư, mă-lei bơ̆n khŏm adrin lui 'mơ̆i; thoi noh, bơ̆n băt kơ 'Bok Kei-Dei sek tơlang tơpăt, Sư jô̆ lu bơ̆n âu boih trŏ kơ wă mơ̆t tơ lăm dêh char Sư.

II Tes 2:2

Tơ pơlei iĕm đei bơngai jô̆ kơ nhôn bơtho khan năr tôch wă jê̆ truh boih. Iĕm 'nĕ kơ lui hŏ. Dah iĕm lui kơ Sư, iĕm jing hơwơ̆l kơ đon. Nhôn ưh kơ đei bơtho khan năr tôch wă jê̆ truh boih ôh. Yang Bơhngol 'Lơ̆ng ưh kơ đei pơtruh nơ̆r Sư kơ nhôn, khan năr tôch wă jê̆ truh boih ôh. Hăm nhôn ưh kơ đei chih roi lăm kơthơ nhôn ôh.

Jôsuê 2:12

Dang ei inh bơngai pơm 'lơ̆ng bơih hăm măr iĕm, apinh măr iĕm kư̆m athei pơm 'lơ̆ng kơ hnam dơnŏ 'bă inh, yua anăn Kră Yang pơkă pơkăm bĕ hăm inh păng đei tơdra pơsĭt kơjăp.

I Sam 17:18

Dăm kon e chĕp mơjĭt tŏ 'bĕng đak toh âu ăn kơ lu bơngai pơgơ̆r wei-lăng rơbâu 'nu linh, năm lăng lu đe 'nhŏng e hăm oei liĕm akâu dah ưh păng e kư̆m brŏk chĕp ăn kơ 'bă minh tơdra yă kiơ gah lu sư.