II Tes 3:12 - Sơ̆p Hlabơar Nơ̆r 'Bok Kei-Dei

¹² Kră Yang Yêsu Krist wă kơ nhôn bơtho pơkă ăn kơ lu bơngai alah kơ jang thoi âu: Sư athei jang sa 'me klak akâu kơdih 'nĕ pă nŏng kơ chă ngôi.

II Tes 3:12 Iomraidhean Croise

Tơdrông Pơđơk 17:1

Sa minh pôm 'bĕng mi kro tơhiôk băl, 'lơ̆ng hloh kơ đei 'nhĕm soi sa 'bĕnh kơ hnam mă-lei đei tơdrong tơhil băl.

Bôk Bơthô 4:6

Kơtrơ̆m jah đei đăi 'bĕnh hơya minh pah tơpang ti đĕch mă-lei đei tơdrong hiôk rơnŭk, noh sư hloh kơ đei 'bĕnh 'bar pah tơpang ti, mă-lei gleh pơmat, mơ̆ng kơ kial bơbơ̆t sư tơ yơ kiơ̆ tơ noh.

Luka 11:3

Apinh Ih ăn kơ nhôn đei sŏng sa mah rim năr.

Êphêsô 4:28

Lu bơngai mă juăt kơ tơtông, 'nĕ pă tơtông dơ̆ng thoi đêl; athei jang hrat kơdih wă kơ đei tơmam sa kơdih hăm tơgŭm lu bơngai dơnuh hoh.

I Tes 4:1

Ơ 'nhŏng oh, âu dơ̆ng: Hơtai ki nhôn bơtho iĕm khan bơ̆n athei kiơ̆ tôm tơdrong 'Bok Kei-Dei wă kơ Sư lăp đon. Mă-lei dang ei iĕm kư̆m kiơ̆ thoi noh boih. Bơ̆n 'nhŏng oh yua kơ bơ̆n lui kơ Kră Yang Yêsu, na nhôn bơtho khan kơ iĕm, wă kơ iĕm pơm kiơ̆ tôm tơdrong 'Bok Kei-Dei khŏm khŏm, na tơdrong lui bơ̆n rai đunh rai kơjăp.

I Tes 4:11

Iĕm 'nĕ pơm thoi bơngai nơng nơ̆k nơ̆k tu, nơ̆k nơ̆k bơbah nŏng kơ chă pơhrơ đe jang. Na iĕm athei kơchăng tơdrong jang wă kơ 'me sa kơdih hnam dơnŏ. Nhôn kư̆m bơtho iĕm thoi noh mơ̆n ki.

II Tes 3:8

Hơtai ki nhôn ưh kơ wă đe 'me sa nhôn ôh. Nhôn kơmăng kơ'năr jang sa kơdih wă kơ iĕm huay kơ 'me nhôn.