II Tes 3:10 - Sơ̆p Hlabơar Nơ̆r 'Bok Kei-Dei

¹⁰ Hơtai nhôn oei hăm iĕm ki, nhôn kư̆m pơkă kơ iĕm thoi âu: “Bơngai bu alah ưh kơ wă jang, iĕm 'nĕ kơ 'me sư.”

II Tes 3:10 Iomraidhean Croise

Bl 3:19

Ih athei jang lĕch đak bơuh bơang tơ klĕng ih 'mơ̆i na đei sa,d dĭng truh tơ năr ih brŏk tơ teh dơ̆ng, teh mă đêl man ih sơ̆, yua kơ ih đơ̆ng 'mui teh, ih gô brŏk tơ 'mui teh.”

Tơdrông Pơđơk 13:4

Bơhngol bơngai alah hơpơi wă tă kơ hoh-hoy; Bơhngol bơngai pơnam tơmam mah rơkah rơkai.

Tơdrông Pơđơk 20:4

Lăm bơyan puih phang, lu bơngai hơlah ưh kơ jang mir 'ba; Na truh bơyan kĕch 'ba lu sư chă sa mă-lei ưh kơ đei 'bôh.

Tơdrông Pơđơk 21:25

Tơdrong hơpơi wă lu bơngai alah Gô pơlôch sư kơdih yua kơ ti sư kuă kơ jang.

Luka 24:44

Na Yêsu khan kơ lu sư: “Hơtai Inh oei hơdai păng iĕm ki Inh kư̆m roi kơ iĕm tơdrong Inh wă lôch iung arih dơ̆ng. Dôm tơdrong đe chih lăm sơ̆p hla bơar Môis, sơ̆p hla bơar lu bơngai pơtruh nơ̆r 'Bok Kei-Dei păng sơ̆p hla bơar Tơdrong Hơri Sơ̆ mă khan lê̆ hơdrol gah tơdrong Inh, dôm tơdrong noh bơ̆n gô 'bôh tơpă.”

Yo 16:4

Inh roi kơ iĕm tơdrong noh dang ei na lăp iĕm tơ'bơ̆p tơpă ning-mônh na iĕm gô 'blŏk tơdrong noh đơ̆ng Inh pơma păng iĕm dang ei. Hơdrol sơ̆ Inh ưh kơ roi tơdrong 'noh, kơlih kơ Inh oei hơdai hăm iĕm.

Jang 20:18

Lăp lu sư truh tơ Pơlei Milê boih Pôl khan kơ lu sư: “Iĕm băt kơ inh bơngai thoi yơ đơ̆ng inh 'nao truh tơ dêh char Asi sơ̆ mă khơ̆ tơ bơ̆n tơklah dih băl.

I Tes 3:4

Hơtai nhôn oei păng iĕm ki, nhôn khan boih kơ iĕm hơdrol, nhôn khan: Bơ̆n gô đei tơdrong pơmat-tat đe areh kơ bơ̆n. Na 'blep tơpă hloi đe areh kơ iĕm dang ei.

I Tes 4:11

Iĕm 'nĕ pơm thoi bơngai nơng nơ̆k nơ̆k tu, nơ̆k nơ̆k bơbah nŏng kơ chă pơhrơ đe jang. Na iĕm athei kơchăng tơdrong jang wă kơ 'me sa kơdih hnam dơnŏ. Nhôn kư̆m bơtho iĕm thoi noh mơ̆n ki.

II Tes 2:5

Âu Pôl oei chih bơtho: Iĕm hăm oei 'blŏk dah ưh, kơplah inh oei hơdai hăm lu iĕm ki inh bơtho thoi noh mơ̆n?